Россиялык алып баруучу Андрей Малахов. Архив

Россиянын КРдеги элчилиги Малаховдун сөзүнө жооп кайтарды

7969
(жаңыланган 14:27 27.09.2019)
Соцтармактын колдонуучулары maLOHov хештеги менен ага наалат айткан билдирүүлөрдү жазышууда. Көпчүлүк алып баруучу бүтүндөй кыргыз элинин намысына шек келтиргенин айтып, кечирим суроосун талап кылышууда.

БИШКЕК, 26-сен. — Sputnik. Россиянын Кыргызстандагы элчилиги Facebook баракчасы аркылуу теле алып баруучу Андрей Малаховдун кыргызстандык таксист тууралуу айткандары боюнча билдирүү таратты.

"Малахов —  күндүн каарманы эмес! Теле алып баруучу Андрей Малаховдун айткандары боюнча бир эле нерсени билдирүүгө болот: адамды таарынтуу оңой, бирок муну менен жашоо кыйын. Андан да жаманы - бүткүл элди кемсинтүү", — деп жазылган маалыматта.

Элчиликтин мындай позициясына кыргызстандыктар ыраазычылык билдирген комментарийлерди жазышууда.

Эске салсак, 8-июлга караган түнү россиялык миллиардер Владимир Маруговдун уулу Александр Маругов жол кырсыгына кабылып, каза тапкан. Ал мотоцикл менен катуу ылдамдыкта бара жатып кыргызстандык таксисттин унаасына урунган. Анын кесепетинен эки унаа тең күйүп кеткен. Мотоциклист ооруканада жан берсе, таксист олуттуу жаракат алган. Кыргызстандык жигит 9-июлда камакка алынган. Ал Россиянын Кылмыш-жаза кодексинин 264-беренесинин 3-бөлүмү ("Этиятсыздыктан улам адам өлүмүнө алып келген жол кырсыгы") боюнча айыпталууда. Бул берене боюнча айыпталгандар беш жылга чейин эркинен ажыратылышы мүмкүн.

"Россия 1" каналынын "Прямой эфир" программасынын алып баруучусу Андрей Малахов Маруговдун өлүмү боюнча берүү даярдаган. Ал программа учурунда таксист бирөөнүн буйрутмасы менен атайылап кылмышка барышы мүмкүндүгүн божомолдогон.

"Рулда 23 жаштагы кайдагы бир мурдун тарта албаган бала болгон. Ал башка мамлекеттен келип, бир нече айдан бери такси кызматында иштеп жүрүптүр. Ага бирөө 100 миң доллар берсе үй-бүлөсүн, туугандарын, бүтүндөй айылын бактылуу кыла алат. Мындай акчаны алар өмүр бою иштеп таба албайт да, себеби айлыктары 10 доллар", — деп Малахов сүйлөгөн.

Берүү YouTube-каналына чыккандан кийин алып баруучу катуу сынга кабылды. Соцтармактын колдонуучулары maLOHov хештеги менен ага наалат айткан билдирүүлөрдү жазышууда. Көпчүлүк алып баруучу бүтүндөй кыргыз элинин намысына шек келтиргенин айтып, кечирим суроосун талап кылышууда.

Белгилей кетчү жагдай, маркум Александр Маруговдун энеси дагы аталган берүүгө катышкан. Кыргызстандын Россиядагы элчилигинин өкүлдөрү айдоочунун туугандарынын, элчиликтин жана диаспоранын атынан ага көңүл айтып, кечирим сураган. Аял өз учурунда таарынычы жок экенин билдирген.

"Мен кечирдим. Баарын кудай таразалайт. Ошондуктан бирөөнү күнөөлөөгө акым жок", — деди маркумдун энеси.

Ал ошондой эле кыргызстандык жигиттин туугандарына анын таарынычы жок экенин жеткирип коюуну суранган.

7969
Белгилер:
таксист, айып, алып баруучу, Андрей Малахов, Кыргызстан, Россия
Тема боюнча
Москвада миллиардердин уулу кыргызстандык таксисттин унаасына урунуп көз жумду. Видео
Тышкы иштер министр Чыңгыз Айдарбеков мекендеш-дарыгерлерле сыйлык тапшыруу учурунда

ТИМ Россия жана Түркиядан келген мекендеш дарыгерлерди сыйлады

31
(жаңыланган 22:46 07.08.2020)
Сыйлыктарды тапшырган тышкы иштер министри Чыңгыз Айдарбеков дарыгерлердин COVID-19 эпидемиясына каршы күрөшүүдөгү эмгегин жогору баалады.

БИШКЕК, 7-авг. — Sputnik. Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады. Бул тууралуу мекеменин маалымат кызматы билдирди.

  • МИД КР вручил награды врачам-соотечественникам, прибывшим из России и Турции
    Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Салтанат министрликте өтүп, сыйлыктарды министр Чыңгыз Айдарбеков тапшырды
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.
    © Фото / пресс-служба МИД КР
1 / 3
© Фото / пресс-служба МИД КР
Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады

Салтанат министрликте өтүп, сыйлыктарды министр Чыңгыз Айдарбеков тапшырды. Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.

“Пандемия күч алган тушта сиздер үч миңдей адамга медициналык жардам көрсөтүп, абалы оор жана өтө оор бейтаптардын өмүрүн сактап, эң оор шарттарда иш алып бардыңыздар. Баарыңыздар “кызыл зонада” иштедиңиздер, ошол эле маалда семинарларда, лекцияларда жергиликтүү дарыгерлерди окутуп, тажрыйба, билимиңиздер менен бөлүштүңүздөр. Сиздер учурдун баатыры экени талашсыз”, — деди Айдарбеков.

Маалымат кызматынын билдиришинче, саламаттык сактоодо ак ниет эмгеги, жогорку кесипкөйлүгү жана жетишкендиги үчүн Тышкы иштер министрлигинин 75 жылдыгынын юбилейлик медалы менен жети дарыгер сыйланды. 31 медицина кызматкерине “Күжүрмөн эмгеги жана COVID-19 пандемиясына каршы күрөштө кошкон салымы үчүн” ыраазычылык айтылды.

Эскерте кетсек, өкмөт да буга чейин өзгөчөлөнгөн дарыгерлерди Ардак грамота менен сыйлаган болчу.

31
Белгилер:
дарыгерлер, коронавирус, Тышкы иштер министрлиги, сыйлоо
Тема:
Коронавируска байланыштуу Кыргызстандагы кырдаал
Тема боюнча
Өкмөт өзгөчөлөнгөн дарыгерлерди Ардак грамота менен сыйлады. Тизме
Баткен облусунун башчысы медиктерди эс алууга жиберип, 5000 сомдон берди

Кой-Таш, атышуу, Атамбаевдин кармалышы. Былтыркы окуянын архивдик видеосу

37
Бир жыл мурун, так ушул күнү — 2019-жылы 7-августта Кой-Таштагы окуя ЖМКлардын бетинен түшпөй жаткан. Мурдагы ажо Алмазбек Атамбаевди кармоо операциясы эки күнгө созулуп кеткен. Окуя өнүгүшүн Sputnik агенттигинин архивдик видеосунан көрүңүз.

Июлдун ортосунда Жогорку Кеңеш атайын комиссия түзүп, Атамбаев алты кылмышка шектүү экендигин айтып чыгышкан. Парламент аны жактыргандан кийин Башкы прокуратурага жөнөтүп, натыйжада депутаттык комиссия койгон алты күнөөнүн бешөө негиздүү экени ырасталган.

Мындан сырткары, Жогорку Кеңеш Алмазбек Атамбаевди кол тийбестигинен ажыраткан.

Ошол кезде Атамбаев жашаган Кой-Таш айылындагы үйүндө тарапташтары тарабынан "Элдик штаб" уюштурулган. Ал жерге тарапташтарынын, саясаттагы үзөңгүлөштөрүнүн, партиялаштарынын жана элдин аягы үзүлбөй келген.

Атамбаевдин Кой-Таштагы үйүнө жасалган чабуул. Ойлонткон 25 сүрөт

Бул убакта кримтөбөл Азиз Батукаевдин өлкөдөн мыйзамсыз чыгып кетиши боюнча козголгон иштин алкагында Алмазбек Атамбаев күбө катары үч жолу суракка чакырылган, бирок экс-президент "бийлик алгач укуктук талаага келсин" деп барбай койгон. Кийинчерээк ал адвокаты аркылуу кат түрүндө жооп берүүгө даяр экенин билдирген.

Атамбаевди кармоону Улуттук коопсуздук мамлекеттик комитетинин атайын даярдыктагы "Альфа" кызматы колго алып, 7-август күнү кечинде ишин баштаган. Бирок атайын операция ишке ашпай калып, эртеси мурдагы президентти ИИМ багынууга көндүргөн.

Кой-Таш окуясынан жүздөн ашык адам жабыркап, "Альфанын" командиринин орун басары Үсөнбек Ниязбеков көз жумган. Ошондой эле Чүй облустук милициясынын башчысы Самат Курманкулов башынан катуу жаракат алган.

Атамбаевди кармоо ушул күнү башталган. Былтыркы Кой-Таш окуясын эске салабыз

Окуя боюнча бир нече кишиге иш козголуп, суракка алынып, соттук иштер дале уланууда.

37
Белгилер:
видео, операция, президент, Алмазбек Атамбаев, УКМК, ИИМ, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Кой-Таш окуясы боюнча соттун онлайн-отуруму жылдырылды. Себеби
Шоро премьер лигасынын тыныгуудан кийинки I турунун оюну

Шоро премьер лигасынын беттештеринде тең чыгышты. Күйөрмансыз оюндар

0
(жаңыланган 00:19 08.08.2020)
Беттештер Кант шаарындагы футбол талааларында өттү. Коронавирус инфекциясынын жайылышын алдын алуу максатында беттештерге күйөрмандар киргизилген жок.

БИШКЕК, 8-авг. — Sputnik. Кыргызстандын Шоро премьер лигасынын тыныгуудан кийинки I турунун алкагында бүгүн, 7-августта, Кант шаарында кезектеги беттештер өттү. Бул тууралуу Кыргызстан футболдук союзунун (КФС) маалымат кызматы билдирди.

  • Во время матча первого тура премьер лиги Шоро между командами Алай и Абдыш-Ата
    Кыргызстандын Шоро премьер лигасынын тыныгуудан кийинки I турунун алкагында бүгүн, 7-августта, Кант шаарында кезектеги беттештер өттү
    © Фото / пресс-служба КФС
  • Во время матча первого тура премьер лиги Шоро между командами Алай и Абдыш-Ата
    "Алай" (Ош) - "Абдыш-Ата" (Кант) 1:1, Кара-Балта – Илбирс (Бишкек) 0:0 тең чыгуулар менен аяктады.
    © Фото / пресс-служба КФС
1 / 2
© Фото / пресс-служба КФС
Кыргызстандын Шоро премьер лигасынын тыныгуудан кийинки I турунун алкагында бүгүн, 7-августта, Кант шаарында кезектеги беттештер өттү

"Алай" (Ош) - "Абдыш-Ата" (Кант) 1:1, Кара-Балта – Илбирс (Бишкек) 0:0 тең чыгуулар менен аяктады.

Беттештер Кант шаарындагы футбол талааларында өтүүдө. КФС буга чейин эпидемиологиялык абалдан улам КРдагы футболдук чемпионатты борборлоштуруп өткөрүү чечимин кабыл алган.

FIFA Кыргызстандын футболун колдоого 1,5 миллион доллар бөлөт

Коронавирус инфекциясынын жайылышын алдын алуу максатында беттештерге күйөрмандар киргизилген жок.

0
Белгилер:
пандемия, чемпионат, Кыргызстан, футбол
Тема боюнча
Кыргызстанда футбол оюндары пандемиядагы үч айлык тыныгуудан соң жанданат
FIFA президенти Жанни Инфантино Кыргызстанга келет
Түркияда ойногон кыргызстандык жаш футболчу эл аралык сыйлыкка татыды