ТИМ имараты. Архивдик сүрөт

Маселе болсо кайрылып тургула. ТИМ чет жактагы жарандар үчүн атайын номер ачты

228
(жаңыланган 15:11 27.09.2019)
ТИМ + 996 551 312 000 номери менен Кыргызстандын чет өлкөлөрдө жүргөн жарандарынын укугун коргоого, консультациялык маалыматтарды берүүгө аракет кылат.

БИШКЕК, 27-сен. — Sputnik. Тышкы иштер министрлиги Консулдук кызмат департаментинде жарандардын кайрылуулары үчүн мессенджерлердин атайын номерлерин ачып, "Тынымсыз телефон" линиясын уюштурду. Бул туурасында ТИМдин маалымат кызматынан кабарлашты.

"Тышкы иштер министрлиги, Консулдук кызмат департаменти интернеттин WhatsApp, Telegram, WeChat жана Viber социалдык тармактары аркылуу атайын "Тынымсыз телефон" байланышы иштеп жаткандыгын эске салат. Анын номери: +996 551 312 000", — деп айтылат маалыматта.

"Тынымсыз телефон" байланышы Кыргызстандын чет өлкөлөрдө жүргөн жарандарынын укугун жана мыйзамдык кызыкчылыктарын коргоого, консультациялык маалыматтарды берүүгө багытталган.

"Андан сырткары, Кыргызстандын чет мамлекеттердеги өкүлчүлүктөрүнүн консулдук ишмердүүлүгү тууралуу пикирлерди (тексттик, үн, фото жана видео билдирүүлөр аркылуу) күнү-түнү кабыл алуу максатында ишке ашырылууда", — деп билдиришти ТИМден.

Бул аталган ведомствонун мындай жааттагы биринчи кадамы.

228
Белгилер:
кеңеш, жардам, Мигрант, ТИМ, Кыргызстан
Тема боюнча
ТИМ: Японияда кыргызстандык мигранттарга муктаждык жаралды
Эл аралык аэропортундагы учак. Архив

Аэропорт аткаминерлер санавиация менен учуп кетүүдө деген сөзгө жооп берди

43
(жаңыланган 13:03 13.07.2020)
"Манас" эл аралык аэропортунун маалымат кызматы коомчулуктан такталбаган кабарларды таратпоону суранган.

БИШКЕК, 13-июл. — Sputnik. Социалдык тармакка тараган маалыматта айтылгандай, кыргызстандык аткаминерлер жакында "Манас" аэропортунан эл аралык чартердик каттамдар менен учкан эмес. Бул туурасында аталган аба майдандын маалымат кызматынан кабарлашты.

Эске салсак, эл арасында атайын борт менен cаламаттык сактоо министри Сабиржан Абдикаримов пневмония, орун басары Нурболот Үсөнбаев коронавируска кабылып, Германияга дарыланууга учуп кетти деген маалымат тараган.

COVID-19дан беш медик каза болду. Сандардын өсүп жатышынын себеби

"Дүйнө жүзүндө эпидемиологиялык кырдаалдын начарлашынан улам жана башка өлкөлөр менен аба байланышына тийиштүү чектөөлөрдү киргизүү мөөнөтүндө "Манас" аэропортуна мезгил-мезгили менен буюртмалык чартердик-санитардык каттамдар аткарылууда. Аталган каттамдар менен чет элдик дипломатиялык кызматтардын өкүлдөрү жана алардын үй-бүлө мүчөлөрү, эл аралык уюмдардын кызматкерлери, чет элдик жарандар пайдаланат. Ал эми Кыргызстандын жарандары мындай каттамдар менен учкан эмес", — деп айтылган маалыматта.

Аэропорттун маалымат кызматы коомчулуктан мындай такталбаган кабарларды таратпоону суранган.

"Эл аралык "Манас" аэропорту жалган маалымат таратпоону суранат. Учурдагы эпидемиологиялык абалда "Манас" аэропорту кызматкерлердин жана жүргүнчүлөрдүн коопсуздугун камсыздоо үчүн күнү-түнү иштеп жатат", — деп кошумчалаган алар.

Ал эми министрлик Сабиржан Абдикаримов менен анын орун басары Нурболот Үсөнбаев дарылануу үчүн чет мамлекетке учуп кеткен эмес деген билдирүү тараткан.

Өлкө аймагындагы соңку кабарлар менен биздин Telegram-каналдан таанышып туруңуз.

43
Белгилер:
Нурболот Үсөнбаев, Сабыржан Абдикаримов, Германия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Коронавирус: бир суткада 125 ак халатчан оору жуктуруп, сегизи айыгып чыкты
Стационар. Архив

Мэрия: эми ар бир райондо түнкү стационарлар ачылат

28
(жаңыланган 12:52 13.07.2020)
7-кичи райондогу ДСК спорт комплексинин базасында бир стационар (97 орун) даярдалды. Мындан сырткары, шаардагы ири ресторандын имараты акысыз берилген.

БИШКЕК, 13-июл. — Sputnik. Борбор калаанын ар бир районуна түнкү стационар ачуу иштери жүрүп жатат. Бул тууралуу мэриянын маалымат кызматы кабарлады.

Ага ылайык, 7-кичи райондогу ДСК спорт комплексинин базасында бир стационар (97 орун) даярдалды. Мындан сырткары, "Консул" ресторанынын ээлери дагы имаратты акысыз беришкен.

Ош шаарында ачылган стационарлардын графиги жана дареги

"Орундар даяр болду. Азыркы тапта асма уколдор үчүн жабдуулар орнотулуп, медиктерди чогултуу иштери жүрүп жатат", — деп айтылат маалыматта.

Мэрия буга чейин медик, медайым, санитарларды жумушка чакырган.

Эске салсак, шаарда 12 күндүзгү стационар иштеп жатат. Аларда тогуз күндүн ичинде 23 миң 819 адам кабыл алынган.

28
Белгилер:
пневмония, коронавирус, дарылоо, мэрия, стационар, Бишкек
Тема:
Коронавируска байланыштуу Кыргызстандагы кырдаал
Тема боюнча
Ош шаарында ачылган стационарлардын графиги жана дареги