Россиялык алып баруучу Андрей Малахов. Архив

Андрей Малахов эфирде айткандары боюнча үн катты

12875
(жаңыланган 17:09 27.09.2019)
Малахов анын жеке пикири демократиялуу Кыргызстанда өтө көп нааразычылыктарды жаратарын ойлобогонун айткан.

БИШКЕК, 27-сен. — Sputnik. Россиялык теле алып баруучу Андрей Малахов чуу жараткан теле берүү боюнча кыргызстандыктарга кайрылды.

Анын билдирүүсү өзү башкы редактор болгон Starhit порталына жарыяланды.

Малахов анын жеке пикири демократиялуу Кыргызстанда өтө көп нааразычылыктарды жаратарын ойлобогонун айткан. Бир суткада эле эфирге чыккан программа боюнча 20 миңден ашык пикир алганын билдирген.

Ал ошондой эле программаны даярдап чыгууда ондон ашык улуттун өкүлдөрү иштей турганын кошумчалаган.

"Бул чыгарылышта менин журналист катары милдетим баласын жоготуп боздоп жаткан эненин абалын жана ал эмнеге каза болгонун түшүнүү болчу. Укук бузгандардын, кылмышкерлердин улуту жана жарандыгы болбойт, мыйзам алдында баары бирдей. Мен кыргыздарды сүйүктүү Чыңгыз Айтматовдун чыгармаларынан гана эмес, Семён Чуйковдун эмгектери аркылуу билем. Андан сырткары, жеке жолугууларым да болгон. Мен журналисттик ишимдин бир бөлүгүн аткардым деп ойлойм. Татьяна Маругова күнөөлүүнүн өзүнөн болбосо да анын өкүлдөрүнөн биринчи жолу кечирим сураганын укту. Анан калса менин айткандарымды кээ бир кыргыздар туура эмес түшүнүп калганына өкүнүп турам. Мен тынчтыкты жана ынтымактуу коңшулук мамилелерди каалайм. А баса, акыйкаттык жана сөз эркиндигин жактайм", — деди ал.

Буга чейин теле алып баруучу Андрей Малахов "Россия 1" телеканалындагы "Прямой эфир" берүүсүндө кыргызстандык таксист менен россиялык миллиардер Александр Маруговдун уулунун мотоцикли кагышкан жол кырсыгын талкуулаган. Кырсыктын кесепетинен Маруговдун баласы каза болуп калган.

Эфир учурунда таксисттин ата-энеси жана Кыргызстандын Россиядагы элчилигинин өкүлдөрү маркумдун энесине көңүл айтып, кечирим сурашкан. Бирок берүүгө чакырылгандар менен теле алып баруучу бул жерде баары буюртма аркылуу жасалган деген оюн таңуулашкан.

"Рулда 23 жаштагы кайдагы бир мурдун тарта албаган бала болгон. Ал башка мамлекеттен келип, бир нече айдан бери такси кызматында иштеп жүрүптүр. Ага бирөө 100 миң доллар берсе үй-бүлөсүн, туугандарын, бүтүндөй айылын бактылуу кыла алат. Мындай акчаны алар өмүр бою иштеп таба албайт да, себеби айлыктары 10 доллар", — деген Малахов.

Берүү YouTube-каналына чыккандан кийин алып баруучу катуу сынга кабылды. Соцтармактын колдонуучулары maLOHov хештеги менен ага наалат айткан билдирүүлөрдү жазышууда. Көпчүлүк алып баруучу бүтүндөй кыргыз элинин намысына шек келтиргенин айтып, кечирим суроосун талап кылып жатат.

Өз кезегинде Россиянын Кыргызстандагы элчилиги Малаховдун айткандары боюнча пикирин билдирип, "адамды таарынтуу оңой, бирок муну менен жашоо кыйын. Андан да жаманы - бүткүл элди кемсинтүү", - деп жазган.

Кыргызстандын Тышкы иштер министрлиги Россиянын Кыргызстандагы элчисинин орун басарын чакыртып, ТИМ өкүлү журналисттин Россиянын мамлекеттик ЖМКсы аркылуу айткандарына тынчсыздана турганын билдирди.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
12875
Белгилер:
Россия, Кыргызстан, Андрей Малахов
Тема боюнча
Россиянын КРдеги элчилиги Малаховдун сөзүнө жооп кайтарды
Малаховдун айткандары боюнча Россия элчисинин орун басары ТИМге чакырылды
Тышкы иштер министр Чыңгыз Айдарбеков мекендеш-дарыгерлерле сыйлык тапшыруу учурунда

ТИМ Россия жана Түркиядан келген мекендеш дарыгерлерди сыйлады

31
(жаңыланган 22:46 07.08.2020)
Сыйлыктарды тапшырган тышкы иштер министри Чыңгыз Айдарбеков дарыгерлердин COVID-19 эпидемиясына каршы күрөшүүдөгү эмгегин жогору баалады.

БИШКЕК, 7-авг. — Sputnik. Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады. Бул тууралуу мекеменин маалымат кызматы билдирди.

  • МИД КР вручил награды врачам-соотечественникам, прибывшим из России и Турции
    Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Салтанат министрликте өтүп, сыйлыктарды министр Чыңгыз Айдарбеков тапшырды
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.
    © Фото / пресс-служба МИД КР
1 / 3
© Фото / пресс-служба МИД КР
Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады

Салтанат министрликте өтүп, сыйлыктарды министр Чыңгыз Айдарбеков тапшырды. Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.

“Пандемия күч алган тушта сиздер үч миңдей адамга медициналык жардам көрсөтүп, абалы оор жана өтө оор бейтаптардын өмүрүн сактап, эң оор шарттарда иш алып бардыңыздар. Баарыңыздар “кызыл зонада” иштедиңиздер, ошол эле маалда семинарларда, лекцияларда жергиликтүү дарыгерлерди окутуп, тажрыйба, билимиңиздер менен бөлүштүңүздөр. Сиздер учурдун баатыры экени талашсыз”, — деди Айдарбеков.

Маалымат кызматынын билдиришинче, саламаттык сактоодо ак ниет эмгеги, жогорку кесипкөйлүгү жана жетишкендиги үчүн Тышкы иштер министрлигинин 75 жылдыгынын юбилейлик медалы менен жети дарыгер сыйланды. 31 медицина кызматкерине “Күжүрмөн эмгеги жана COVID-19 пандемиясына каршы күрөштө кошкон салымы үчүн” ыраазычылык айтылды.

Эскерте кетсек, өкмөт да буга чейин өзгөчөлөнгөн дарыгерлерди Ардак грамота менен сыйлаган болчу.

31
Белгилер:
дарыгерлер, коронавирус, Тышкы иштер министрлиги, сыйлоо
Тема:
Коронавируска байланыштуу Кыргызстандагы кырдаал
Тема боюнча
Өкмөт өзгөчөлөнгөн дарыгерлерди Ардак грамота менен сыйлады. Тизме
Баткен облусунун башчысы медиктерди эс алууга жиберип, 5000 сомдон берди

Кой-Таш, атышуу, Атамбаевдин кармалышы. Былтыркы окуянын архивдик видеосу

37
Бир жыл мурун, так ушул күнү — 2019-жылы 7-августта Кой-Таштагы окуя ЖМКлардын бетинен түшпөй жаткан. Мурдагы ажо Алмазбек Атамбаевди кармоо операциясы эки күнгө созулуп кеткен. Окуя өнүгүшүн Sputnik агенттигинин архивдик видеосунан көрүңүз.

Июлдун ортосунда Жогорку Кеңеш атайын комиссия түзүп, Атамбаев алты кылмышка шектүү экендигин айтып чыгышкан. Парламент аны жактыргандан кийин Башкы прокуратурага жөнөтүп, натыйжада депутаттык комиссия койгон алты күнөөнүн бешөө негиздүү экени ырасталган.

Мындан сырткары, Жогорку Кеңеш Алмазбек Атамбаевди кол тийбестигинен ажыраткан.

Ошол кезде Атамбаев жашаган Кой-Таш айылындагы үйүндө тарапташтары тарабынан "Элдик штаб" уюштурулган. Ал жерге тарапташтарынын, саясаттагы үзөңгүлөштөрүнүн, партиялаштарынын жана элдин аягы үзүлбөй келген.

Атамбаевдин Кой-Таштагы үйүнө жасалган чабуул. Ойлонткон 25 сүрөт

Бул убакта кримтөбөл Азиз Батукаевдин өлкөдөн мыйзамсыз чыгып кетиши боюнча козголгон иштин алкагында Алмазбек Атамбаев күбө катары үч жолу суракка чакырылган, бирок экс-президент "бийлик алгач укуктук талаага келсин" деп барбай койгон. Кийинчерээк ал адвокаты аркылуу кат түрүндө жооп берүүгө даяр экенин билдирген.

Атамбаевди кармоону Улуттук коопсуздук мамлекеттик комитетинин атайын даярдыктагы "Альфа" кызматы колго алып, 7-август күнү кечинде ишин баштаган. Бирок атайын операция ишке ашпай калып, эртеси мурдагы президентти ИИМ багынууга көндүргөн.

Кой-Таш окуясынан жүздөн ашык адам жабыркап, "Альфанын" командиринин орун басары Үсөнбек Ниязбеков көз жумган. Ошондой эле Чүй облустук милициясынын башчысы Самат Курманкулов башынан катуу жаракат алган.

Атамбаевди кармоо ушул күнү башталган. Былтыркы Кой-Таш окуясын эске салабыз

Окуя боюнча бир нече кишиге иш козголуп, суракка алынып, соттук иштер дале уланууда.

37
Белгилер:
видео, операция, президент, Алмазбек Атамбаев, УКМК, ИИМ, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Кой-Таш окуясы боюнча соттун онлайн-отуруму жылдырылды. Себеби
Индиядагы Кожикоде шаарында учак конуп жатканда жерге катуу тийген

14 киши көз жумду. Индияда учак экиге бөлүнүп кетип, кырсыктаган видео

0
(жаңыланган 23:55 07.08.2020)
Алдын ала маалыматка ылайык, Boeing 737 учагы Дубайдан келген. Анын бортунда 170тен ашык жүргүнчү болушу мүмкүн экени айтылган.

БИШКЕК, 7-авг. — Sputnik. Индиядагы Кожикоде шаарында учак конуп жатканда жерге катуу тийип, 14 адам каза таап, 123ү жарадар болду. Бул туурасында РИА Новости ANI агенттигине шилтеме берип кабарлады.

Алдын ала берилген маалыматта, Дубайдан келген Boeing 737 учуп-конуучу тилкеден чыгып кетип, андан кийин экиге бөлүнүп калган.

Индиянын Авиация министрлигинен учактагы 174 жүргүнчүнүн ону балдар, бешөө экипаж мүчөсү болгонун кабарлады.

Кырсык болгон жерге Тез жардамдын 24 бригадасы жиберилген. Учактын алдыңкы бөлүгү үзүлүп түшкөндөн кийин, бардык жүргүнчүлөр эвакуацияланган.

"Бактыга жараша учак өрттөнүп кеткен жок", — деген маданият жана туризм министри Альфонс Каннантанам Twitter баракчасына маалымат чыгарып.

NDTV телеканалы кырсыктан улам 30 киши ооруканага жеткирилгенин айтат.

​Учактын алдыңкы бөлүгү толук бойдон талкаланып, учуу тилкесине жана анын чет жактарына сыныктар чачыраган.

Кералынын башкы министри Пинарайи Виджаян полиция, өрт өчүрүүчүлөргө жана тийиштүү чиновниктерге авиакырсыкка карата куткаруу жана медициналык жардам көрсөтүү боюнча чукул чараларды көрүүнү тапшырган.

0
Белгилер:
куткаруу, кырсык, учак, Индия
Тема боюнча
Бразилияда учак автожолго кулап, талкаланып калды. Видео