Президент Кыргызской Республики Сооронбай Жээнбеков принял министра финансов страны Бактыгуль Жеенбаеву. 21 июня 2019 года

Финпол финансы министрин суракка чакырып, ведомствону тинтүүгө алганы айтылды

261
(жаңыланган 11:35 30.09.2019)
Министрликтин маалымат кызматы тинтүү болгонун жана документтер алынганын тастыктады. Бирок Жээнбаева Арменияда өтчү ЕАЭБ жыйынына делегациянын курамында кеткендиги үчүн суракка бара албастыгын билдиришти.

БИШКЕК, 30-сен. — Sputnik. Экономикалык кылмыштуулукка каршы күрөшүү боюнча мамлекеттик кызматынын атайын даярдыктагы бөлүгү өткөн аптанын жума күнү ведомствону тинтүүгө алуу үчүн Финансы министрлигине барган. Бул тууралуу Финансы полициясындагы булак билдирди.

Анын айтымында, министр Бактыгүл Жээнбаева бир нече жолу суракка чакырылып, бирок барбай койгон. Министрдин кайсы иш боюнча чакырылганы так айтылган жок.

Жума, 27-сентябрь күнү, спецназ менен ыкчам кызматкер Финансы министрлигин тинтүүгө алып, бир нече документти алып кетишкен. Жээнбаеваны бүгүн, 30-сентябрга, суракка чакырышкан.

Министрликтин маалымат кызматы тинтүү болгонун жана документтер алынганын тастыктады. Бирок Жээнбаева бүгүн Арменияда өтчү ЕАЭБ жыйынына делегациянын курамында кеткендиги үчүн суракка бара албастыгын билдиришти.

261
Белгилер:
тинтүү, сурак, Бактыгүл Жээнбаева, финансы полициясы
Тема боюнча
Финпол автоунааны мыйзамсыз ташыган коррупциялык схеманы аныктап чыкты
Парага унаа алып, сөзүнө турган эмес. Финпол аткаминерди кармады
Финпол Матраимовдун Кыргызстандагы мүлкүн тизмектеди. Текшерүүнүн жыйынтыгы
ЖК депутаты Айсулуу Мамашова

Мамашова: сот ажатканада 13 жаштагы кызды зордуктаган баланы актап жиберди

47
(жаңыланган 12:27 04.06.2020)
Депутаттын айтымында, сот шектүүнү актап, кайра жабырлануучу кыздын апасына шектүүгө моралдык чыгым төлөп беришин милдеттендирген.

БИШКЕК, 4-июн. — Sputnik. Бишкектеги соода борборлорунун биринин ажатканасында 13 жаштагы кызды зордуктоого шектелген 22 жаштагы жигитти сот актап жиберди. Бул туурасында депутат Айсулуу Мамашова парламенттин жыйынында билдирди.

Анын айтымында, бул ишти Биринчи Май райондук сотунун судьясы Айбек Эрнис уулу карап, "кыз зордукталган эмес" деген чечим чыгарып, шектүүнү жазадан бошоткон. Аны менен катар эле жабырлануучу кыздын апасына шектүүгө моралдык чыгым төлөп беришин милдеттендирген. Мындан улам алар райондук соттун чечимине нааразы болуп, шаардык сотко кайрылып, андан да утулуп калган. Учурда Жогорку сотко даттанып жатышат.

"Жакында эле Балдарды коргоо күнүн белгилеп, куттуктадык. Бирок мага Bishkek Park соода борборунун ажатканасында зордукталган 13 жаштагы кыздын энеси менен адвокаты кайрылды. Далилдери бар экенине, экспертизанын корутундусу чыкканына карабай, көпчүлүккө белгилүү судья Айбек Эрнис уулу (экс-депутат Өмүрбек Текебаевдин ишин караган) шектүү баланы актап жиберди. Ал жаш балдар лагеринде иштеп жүрчү экен. Тилекке каршы, анын башка кыздарды да зордуктаганы боюнча күбөлөр айткан. Бирок бүгүнкүгө чейин ал эркиндикте жүрөт. Себеби анын органдарда иштеген туугандары бар экен. Мындай адамдар түрмөдө отурушу керек болчу", — деди Мамашова.

Ошондой эле депутат кыздын апасына төлөөгө милдеттендирилген моралдык чыгымдын суммасын шектүү тарап өзү аныктамай болгонун билдирди.

"Судья Эрнис Айбек уулуна аябай нааразымын, уят деген болуш керек да, жаш кыздын тагдырын ойлобойбу. Жогорку сотко барганда калыс карап беришин суранам. Прокурорлор дагы жаш кыздын кызыкчылыгын коргой албай жатат", — деп кайрылды депутат.

Эл өкүлүнүн айтымында, окуя 2016-жылы болгон, сот иштери ошондон бери уланып жатат.

47
Белгилер:
баш тартуу, сот, зордуктоо, депутат, Айсулуу Мамашова
Тема боюнча
Ноокенде 10 жаштагы кызды зордуктады делген адамга сот чечим чыгарды

Тизелеп, тилектештикти билдирип… АКШ полициясынын видеосу

14
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

14
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт