Жогорку Кеңештин депутаты Руслан Казакбаев. Архивдик сүрөт

Депутат профсоюздардын мал-мүлкүн тыкыр текшерип чыгууну тапшырды

400
(жаңыланган 15:04 03.10.2019)
Бүгүн депутаттар "Кесиптик бирликтер жөнүндө" мыйзамдын долбоорун карап жатышат, ал экинчи окууга киргизилет.

БИШКЕК, 2-окт. — Sputnik. Жогорку Кеңештин депутаты Руслан Казакбаев Кыргызстандагы бардык профсоюздардын мал-мүлкүн, чогултулган акчаларын УКМКнын Коррупцияга каршы күрөшүү кызматы тыкыр иликтеп чыгышы керектигин жалпы жыйында билдирди.

Бүгүн парламентте "Кесиптик бирликтер жөнүндө" мыйзамдын долбоору каралып жатат, ал экинчи окууга киргизилет.

Депутат Казакбаев "Профсоюздардын жалпы эсебинде канча акча бар?" деген суроо салды.

Кыргызстан профсоюздар федерациясынын төрагасынын орун басары Рыскүл Бабаева 700 миң мүчөдөн 2 сомдон гана чогултулуп, жалпысынан 1 миллион 400 миң сом чогуларын айтты.

Эл өкүлү Алмазбек Токторов демилгелүү топтун мүчөлөрү да акчага байланышкан суроого так жооп ала албай жатышканын кошумчалады.

Өз кезегинде Руслан Казакбаев Профсоюздар федерациясынын өкүлүнүн берген жообуна канааттанбай, алардын мал-мүлкүн тыкыр иликтеп чыгууну сунуштады.

"Менден ачык сунуш, биздин профсоюздардын бардыгынын акчаларын, имараттарын бир айдын ичинде Коррупцияга каршы күрөшүү кызматы текшерип, парламентке келсин. Андан кийин жыйынтык чыгаралы", — деди Казакбаев.

Төрага Дастан Жумабеков бул боюнча ведомстволор аралык комиссия түзүлүп, алар карап жатканын кошумчалады.

Ал эми төраганын орун басары Мирлан Бакиров Профсоюздар федерациясынын өкүлү Бабаева чогултула турган акчалар боюнча депутаттарды жана коомчулукту чаташтырып жатканын айтты.

"Сиз эки сомдон гана жыйналат деп депутаттарды адаштырып жатасыз. Бул жерде бир пайызы эмгек акыдан, 0,25 пайызы эмгекчилердин эс алуу фондусунан жыйналат", — деди Бакиров.

Вице-спикер профсоюзга ар бир киши өз эрки менен биригерин, бул мекеменин негизги максаты эмгекчилердин укугун коргоо экенин кошумчалады.

400
Белгилер:
талкуу, профсоюз, Жогорку Кеңеш
Тема боюнча
Бакиров: профсоюздар ачык иштесин деп мыйзамга өзгөртүүлөрдү сунуштадык
Осмонов: сунушталган мыйзам профсоюздун мүлкүн тартып алууну көздөйт
Диего Марадонанын таблодогу сүрөтү. Архив

Өз тажиямда эмне дээр элем... Марадонанын эски видеосу желдей тарады

89
(жаңыланган 16:39 27.11.2020)
Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.

БИШКЕК, 27-ноя. — Sputnik. Соцтармакта Диего Марадонанын өзүнүн акыркы сапарга узоо зыйнатында эмне деп айткысы келмектиги боюнча суроого жооп берген видеосу вирустай тарап жатат.

"Чемпионаттын" маалыматына караганда, бул 2005-жылы аргентиналык теле берүүгө чыккан La noche del 10 берүүсүнүн үзүндүсү.

"Өзүмдүн акыркы сапарга узаган зыйнатымда эмне деп айткым келер эле... Футбол ойногонума рахмат. Бул спорт мага кубаныч жана эркиндик берди. Асманды колуңа кармап тургандай эле сезим. Топко дагы рахмат. Табытыма "топко рахмат" деп жазып койгула", — деген Марадона.

Видео Bolavip Facebook аккаунтуна жарыяланды.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

89
Белгилер:
футболчу, топ, Диего Марадона
Тема боюнча
Футбол, бокс, кокаин. КР калысына рахмат айткан Марадона тууралуу фактылар
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

91
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

91
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат