Атамбаевдин Кой-Таштагы үйүндөгү атайын операция. Архив

Комиссия отурумунда Атамбаевдин үйүндөгү курал кантип чыгарылганы айтылды

520
(жаңыланган 19:15 02.10.2019)
Курал-жарактар Атамбаевдин Кой-Таштагы үйүнүн үчүнчү кабатындагы кулпу салынган бөлмөдө турган. Милиция кызматкерлери куралдарды алып кетүү үчүн түн ичинде келишкен.

БИШКЕК, 2-окт. — Sputnik. Ички иштер министрлигинин атайын багыттагы полкунун командири Аскат Султаналиев август айынын башында Кой-Ташта болгон окуялар маалында мурдагы президент Алмазбек Атамбаевдин үйүндөгү курал-жарак кантип алынып чыкканын мамлекеттик комиссиянын кезектеги отурумунда айтып берди.

Командир полка специального назначения МВД КР Аскат Султаналиев
© Sputnik / Расул Усеналиев
Ички иштер министрлигинин атайын багыттагы полкунун командири Аскат Султаналиев

Анын айтымында, курал-жарактар Атамбаевдин Кой-Таштагы үйүнүн үчүнчү кабатында кулпу салынган бөлмөсүндө турган. Милиция кызматкерлери куралдарды алып кетүү үчүн түн ичинде келишкен.

"Курал турган үчүнчү кабаттагы бөлмөгө кулпу салыныптыр. Ички аскерлердин балдарына "кулпуну ача турган жабдыктар барбы?" деп сурадым. Кудай жалгап, бат эле ачып коюшту. Өзүмдүн орун басарыма "курал-жарактын баарын алып чыккыла, мен биринчи кабатта эл менен сүйлөшүп турам" дедим. 2-3 мүнөттүн ичинде эле орун басарым "үстүнө чыгыңыз" деди. Барсам курал-жарактын баары жерде экен. Аны кандай кылып алып чыгабыз деп калышты. Мен "тигил одеялону алгыла, ошого салгыла" дедим. Курал-жаракты одеялого ороп, сыртка алып чыгып суу атуучу автоунаанын артына салдык", — деди Султаналиев.

Ал ошондой эле курал салынган машинаны жоокерлердин жана башка бөлүмдөрдүн жетекчилери менен Стрельников айылы жак менен өзүлөрүнүн базасына алып барганын айтты. 9-августтун таңында ыкчам тергөө тобу келип курал-жаракты акт менен кабыл алганын кошумчалады.

Султаналиев курал-жарак салынган автоунаа түнү менен жоокерлердин кайтаруусунда болгон деп мамлекеттик комиссиянын мүчөлөрүн ишендирди.

7-августта кечинде Кой-Таш айылында УКМКнын атайын даярдыктагы аскери Алмазбек Атамбаевди кармоого аракет кылып, бирок ага мурдагы президенттин жактоочулары каршылык көрсөтүп ишке ашкан эмес. 8-августта укук коргоо органдары кайрадан операция жүргүзүп, Атамбаев багынып берген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
520
Белгилер:
комиссия, Алмазбек Атамбаев, милиция, Кой-Таш
Тема:
Атамбаевдин Кой-Таштагы үйүндөгү атайын операция (180)
Тема боюнча
Башкы прокуратура Кой-Таштын тургундарын суракка алып жаткан себебин түшүндүрдү
Кой-Таш окуясы: мамкомиссия Асанов менен Жээнбековдун пикирин билгиси келет
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

30
(жаңыланган 18:29 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

30
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

77
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

77
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Грузовики-цистерны припарковались в хранилище и диспетчерском пункте Petroleos Mexicanos (Pemex), принадлежащей государственной нефтяной компании Мексики, в порту Веракрус, Мексика. 30 декабря 2016 года

Бишкек Ош жолунда эки бензовоз өрттөнүп, бир киши каза болду. Видео

0
Кырсыктын бири Чычкан капчыгайында болсо, экинчи автоунаа Ала-Белде оодарылып кетти. Жыйынтыгында бир киши көз жумду.

БИШКЕК, 12-авг. — Sputnik. Бүгүн Бишкек — Ош автожолунда эки бензовоз кырсыктап, өрттөнүп кетти. Бул тууралуу ӨКМдин маалымат кызматынан билдиришти.

Окуя болгон жерде тартылган видеолор "Короче" Тelegram-каналына жүктөлдү.

Биринчи окуя Токтогул районундагы Чычкан капчыгайында катталды. Бишкек — Ош унаа жолунун 239-чакырымында күйүүчү май ташыган оор жүк ташуучу унаанын прицеп-цистернасынан өрт чыккан.

"Өрттү өчүрүүгө саат 12:19да Токтогул райондук №97 Өрт-куткаруу кызматынан бир бөлүм тартылган. Бирок от куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан тогуз кызматкер тартылган. Унаалардын өтүүсү жол инспекторлору тарабынан көзөмөлдөнүүдө", — дешти ӨКМден.

Экинчи кырсык Ала-Белде болгон. Саат канчада жана кандай жагдайда болгону такталып жатат. Азырынча өрттөнгөн автоунаанын ичинде бир адам каза болгону белгилүү.

0
Белгилер:
ӨКМ, автоунаа, өрт, Жалал-Абад, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте кафеден өрт чыкты. Видео
Эс алам деп... Хакасиядагы жол кырсыгында кыргызстандык жигиттер каза болду