Биринчи Май райондук соту мурдагы президент Алмазбек Атамбаевдин жан сакчысы Канат Сагымбаевдин камактагы мөөнөтүн 9-декабрга чейин узартты

Атамбаевдин жан сакчысы Сагымбаевдин камактагы мөөнөтү узартылды

305
(жаңыланган 15:13 03.10.2019)
Канат Сагымбаев №1 тергөө абагында болот. Биринчи Май райондук сотунун тийиштүү чечими бүгүн, 2-октябрда, кабыл алынды.

БИШКЕК, 2-окт. — Sputnik. Биринчи Май райондук соту мурдагы президент Алмазбек Атамбаевдин жан сакчысы Канат Сагымбаевдин камактагы мөөнөтүн 9-декабрга чейин узартты.

  • Экс-сотрудник 9-й службы ГКНБ Канат Сагымбаев в первомайском районном суде Бишкека
    Биринчи Май райондук соту мурдагы президент Алмазбек Атамбаевдин жан сакчысы Канат Сагымбаевдин камактагы мөөнөтүн 9-декабрга чейин узартты
    © Sputnik / Нурис Алымбаев
  • Экс-сотрудник 9-й службы ГКНБ Канат Сагымбаев в первомайском районном суде Бишкека
    Сагымбаев №1 тергөө абагында болот. Соттун тийиштүү чечими бүгүн, 2-октябрда, кабыл алынды.
    © Sputnik / Нурис Алымбаев
  • Экс-сотрудник 9-й службы ГКНБ Канат Сагымбаев в первомайском районном суде Бишкека
    Шектүүнү сотко колуна кишен салып тергөөчүнүн коштоосунда алып келишти
    © Sputnik / Нурис Алымбаев
  • Экс-сотрудник 9-й службы ГКНБ Канат Сагымбаев в первомайском районном суде Бишкека
    Ошондой эле анын туугандары дагы келди.
    © Sputnik / Нурис Алымбаев
1 / 4
© Sputnik / Нурис Алымбаев
Биринчи Май райондук соту мурдагы президент Алмазбек Атамбаевдин жан сакчысы Канат Сагымбаевдин камактагы мөөнөтүн 9-декабрга чейин узартты

Сагымбаев №1 тергөө абагында болот. Соттун тийиштүү чечими бүгүн, 2-октябрда, кабыл алынды.

"Шектүүнү сотко колуна кишен салып тергөөчүнүн коштоосунда алып келишти. Ошондой эле анын туугандары дагы келди", — деди Sputnik агенттигинин кабарчысы.

Эске сала кетсек, Сагымбаев 24-сентябрь күнү 23:00дө кармалган. Ага Кылмыш-жаза кодексинин төрт беренеси боюнча ("Массалык башаламандыкты уюштуруу", "Адам өлтүрүү", "Кызмат абалынан кыянаттык менен пайдалануу" жана "Иликтөө иштерине тоскоолдук кылуу") иш козголгон.

Сагымбаев Атамбаев кармалганга чейин аны кайтарып жүргөн. Жан сакчы болуп мамлекет тарабынан бекитилген. Мыйзамга ылайык, президент кызматын тапшырып бергенден кийин ага мамлекет жан сакчы дайындап бериши керек.

7-августта мурунку президент Алмазбек Атамбаевди кармоо операциясы башталып, ал максатына жеткен эмес.

"Альфанын" жоокерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 136 киши жаракат алган. Эртеси, 8-август күнү, ошол кездеги ички иштер министринин орун басары Курсан Асанов сүйлөшүүлөрдү жүргүзүп, Атамбаев багынып берген. Сагымбаев ошол учурда Атамбаевдин жанында жүргөн.

305
Белгилер:
жан сакчы, Алмазбек Атамбаев, сот
Тема боюнча
Атамбаевдин жан сакчысы Канат Сагымбаев камакта калтырылды
Баламды караладыңар! Атамбаевдин жан сакчысын соттон алып чыккан видео
Адамдар пляжга барышат. Архив

Глобалдуу жылуулуктан кийин адамдын келбети да, мээси да өзгөрөт. Иликтөө

5
(жаңыланган 12:46 01.12.2021)
Адистер климаттын өзгөрүшү адамдын сырткы көрүнүшүнө таасир этип, андан сырткары, ден соолугуна да өзүнүн "салымын" кошорун айтты.

БИШКЕК, 1-дек. — Sputnik. Жер планетасындагы глобалдуу жылуулуктан улам адамдын сырткы көрүнүшү кантип өзгөрө тургандыгын илимпоздор изилдеп чыкканын "Газета" кабарлады.

Илимий эмгектин авторлорунун белгилегенине караганда, эволюция теориясы боюнча жаратылыш шарттары алмашканда түрлөр, жандыктар да өзгөрөт. Бир катар окумуштуулардын айтымында, мындай нерседен адамдар да куру калбайт.

"Климаттын жылып башташы жаныбарлардын кебетесин өзгөртөт" деп аталган эмгектин автору, биолог Сара Райдинг климаттын өзгөрүшү жана глобалдык жылуулук жан-жаныбарлардын көнүшүп кетишинин темпин тездеткен деп эсептейт.

Ыңгайлашкан башка жан-жаныбарлар — европалык чычкандар менен келемиштин бир түрүнүн буттары узарып, денесинин башка түрлөрү да мурдагыдан чоңойгон.

Ал эми адамдарга келе турган болсок, өзгөрүлгөн жылуулуктун айынан меланинди көбүрөөк бөлүп чыгары айтылды. Бул пигменттин териге, чачка жана көзгө өзүнүн таасирин тийгизет. Ал көбүрөөк болсо, теринин өңү кара тору тартып, көз менен чач да карарат.

Климаттын алмашуусу менен адам баласы өзү да, мээсинин көлөмү да өзгөрөрү айтылууда. Изилдөөлөр адамдын орточо көлөмү менен мээси ар дайым өзгөрүп турарын, тагыраагы, суук чоңойтуп, ал эми ысык, тескерисинче, кичирейтерин көрсөткөн.

Илимпоздор глобалдуу жылуулуктун башталып келе жаткандыгынын айынан адамдын мээси менен денеси кайрадан кичирейиши мүмкүн дейт. Кембридждегилер адамдын эс тутуму, сүйлөөсү, бир нерсени тез үйрөнүп кетиши жана мээдеги кан айлануунун жайлай турганын айтышты.

5
Белгилер:
глобалдык жылуулук, илимпоз, изилдөө, адам, келбет
Тема боюнча
Ааламда ири жаратылыш кырсыктары эмнеге болуп жатканын окумуштуулар түшүндүрдү
Кытайда климат кескин өзгөрүп, кесепети оор болору болжолдонуп жатат
Кишилер Бишкектеги жарманкеден азыктарды алып жатат. Архив

Бишкекте азык-түлүк жарманкеси жылдын аягына чейин өтөт

7
(жаңыланган 12:41 01.12.2021)
Жарманкеге фермерлер жана өндүрүүчүлөр өз товарларын алып чыгып, арзан баада сата турганы айтылууда. Иш-чара Бишкектин чок ортосунда өтөт.

БИШКЕК, 1-дек. — Sputnik. Бишкек шаарынын борборунда жылдын аягына чейин ар жума сайын салтка айланган айыл чарба жарманкеси өткөрүлөт. Бул тууралуу Айыл чарба министрлигинин маалымат кызматы билдирди.

Жарманке ишемби жана жекшембиде саат 09:00дөн 16:00гө чейин баш калаанын Раззаков көчөсүндө Киев менен Токтогул көчөлөрүнүн ортосунда өтөт.

Министрлик жарманкеден айыл чарба жана тамак-аш өнөр жай өнүмдөрүн, жумуртка, эт, сүт азыктарын, жашылча жана башкаларды ортомчуларсыз, өндүрүүчүлөрдүн баасы менен сатып алууга болорун айтууда.

7
Белгилер:
Бишкек, Айыл чарба жана мелиорация министрлиги, азык-түлүк, жарманке
Тема боюнча
Жапаров: өлкөдө азык-түлүк менен камсыз кылуунун деңгээли кооптуу абалда
Кыргызстанда өсүмдүк майын өндүрүү боюнча кластер түзүлөт
Депутат Аккулу Бердиев. Архив

Алар да кудайдын пендеси. Депутат Жээнбеков, Зулпукаровдун кол тийбестиги боюнча

0
(жаңыланган 12:51 01.12.2021)
Депутат кесиптештеринин башына иш түшүп турганда КСДП да, башкасы да качып кетип, жардам берейин деген эч ким жок экенин айтты.

БИШКЕК, 1-дек. — Sputnik. Жогорку Кеңештин депутаты Аккулу Бердиев үч кесиптешин кол тийбестиктен ажыратуу маселесин кийинки чакырылышка калтырууну сунуштады.

Ал адамдын башына кыйынчылык түшкөндө "жоопко тарткыла" деп уруксат бергенибиз туура эмес деген пикирин билдирди.

"Мурда Асылбек Жээнбековдун эшигин каккылап, бир кирип чыккандар өзүн бактылуу сезет эле. Азыр башына иш түшүп турганда КСДП да, башкасы да, баары качып кетти. Жардам берейин деген эч ким жок. Ошондуктан бул маселени алдыда келе турган жаңы депутаттарга эле калтыралы. Мен ал киши менен саламдашкан да, чай ичишкен да жокмун. Кандай болбосун мусулманчылыкка караганда "кечээ ким элең, бүгүн ким болдуң" деген сөз бар. Алар да кудайдын пендеси, башына оор иш түшүп жатат. Жыгылган адамды тепкилеген болбойт", — деди Бердиев.

Белгилей кетсек, башкы прокурор Курманкул Зулушев эл өкүлдөрү Асылбек Жээнбеков, Төрөбай Зулпукаров жана Бакыт Жетигеновду кылмыш жоопкерчилигине тартууга макулдук берүүнү сураган.

Натыйжада анын сунуштамасын кароо үчүн жети депутаттан турган комиссия түзүлдү.

Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында.

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

0
Белгилер:
депутат, Асылбек Жээнбеков, кол тийбестик, комиссия, Аккулу Бердиев
Тема боюнча
Шайлдабекова: бул ирет мыйзамсыздыкты ооздуктоого бийликтин эрки жетти. Видео