Суу алып жаткан аял. Архив

Депутат: президенттин таза суу боюнча айткандары ишке ашпайт

271
(жаңыланган 15:21 03.10.2019)
Эл өкүлү долбоорго Таластагы айылдар тегиз кирбей калганын айтты. Андан сырткары, бир гана Кара-Суу айылына 75 миллион сом каралганын, иш жүзүндө андан аз акча кете турганын белгиледи.

БИШКЕК, 3-окт. — Sputnik. Жогорку Кеңештин депутаты Марлен Маматалиев президент Сооронбай Жээнбековдун 2020-жылы Кыргызстан толук түрдө таза суу менен камсыз болот деп айтканы иш жүзүнө ашпай калышы ыктымалдыгын билдирди.

Жогорку Кеңеш 3-октябрдагы жыйынында "Марракеш шаарында 2019-жылдын 6-апрелинде кол коюлган Кыргызстан менен Ислам өнүктүрүү банкынын ортосундагы "Баткен жана Талас облустарын суу менен камсыз кылууну жана санитарияны жакшыртуу" долбоору боюнча кредиттик макулдашууну ратификациялоо жөнүндө" мыйзам долбоорун карашты.

Маматалиев президенттин айткандары эмне үчүн ишке ашпай калышы ыктымалдыгын мындайча түшүндүрүп берди.

"Биринчиден, тизменин толук эместигин тастыктап берем. Тизме колумда турат. Ага бардык айылдар кирген эмес. Экинчиси насыя боюнча. Сиз өз сөзүңүздө (Аскарбек Токтошев – ред.) Баткен менен Талас толук түрдө таза суу менен камсыздалат деп айттыңыз. Андай болбойт. Себеби Таластын 12 айылы тизмеге кирбей калган. Таластагы Кара-Суу айылынын картасын чыгардым, ушул жерге 75 миллион сом бөлүнүп жатыптыр. Айылдын болгон көчөлөрүн чийип чыктым, алар 12 чакырым болот экен. Орточо баа менен суунун өз наркы эки миң сом болот. Жалпысынан 24 миллион сом кетет экен. А биз 75 миллион деп жазып жатабыз. Ортосунда 50 миллион сом айырма болуп жатат. Макул тоолуу аймак болсун, скважиналар салынат дегенде деле 50 миллионго барат экен. Калган каражатты башка айылдарга кетирсек жакшы болот эле", — деди депутат.

Эл өкүлү ошондой эле комитеттин жыйынында да тизмеге дагы айылдарды кошуп, көбөйтүп келүү боюнча тапшырма берилгенин, бирок алар жасалбаганына нааразы болду. Аны менен катар мамлекеттик органдардын таза сууну киргизүүдө жасаган эсептери да туура эмес экенин белгиледи.

"Сиздин эсеп ар бир кишиге жасалган. Чынында эсеп ар бир кишиге жасалбайт. Ар бир кишиге сууга төлөп жатканда эсептейт. Курулуш болуп жатканда чарчы метрине, канализация менен сууну киргизүүдө метрине эсептелет", — деди Маматалиев.

Ичүүчү суу менен камсыз кылууну жана агындылоону өнүктүрүү департаментинин директору Аскарбек Токтошев эсептөө иштери эмне үчүн киши башына жасалганынын өзүнүн себеби бар экенин айтты.

"Чынында жумушту баштардын алдында долбоордун сметалык документи жасалат. Донорлор биз жасаган пландарды кээде албай коюп, айрым учурларда түзөтүү киргизип жатат. Ага да кошумча акча кетүүдө. Ошондуктан биз кеткен чыгымдарды ар бир кишинин башына бөлгөнбүз. Убакыттын тартыштыгынан ушундайга бардык", — деди ал.

Депутат Маматалиев мындай болбой турганын, бул жерде экинчи ТЭЦ окуясы болорун айтып, мыйзам долбоорун комитетке кайра кайтаруу керектигин билдирди.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
271
Белгилер:
таза суу, Жогорку Кеңеш, Марлен Маматалиев
Тема боюнча
Жээнбеков Ысык-Көлдүн суу чыкпаган айылдарынын абалын көрдү
Унаадагы кар. Архив

Жекшембиге карата аба ырайы

109
(жаңыланган 21:26 28.11.2020)
Көпчүлүк аймактарда мезгил-мезгили менен кар жаайт. Чүй, Ош, Жалал-Абад, Ысык-Көл облустарынын кээ бир райондорунда жаан-чачын катуу жаашы ыктымал. Зымдарга жана бактарга суу кар жабышып, жолдор тайгак жана тоңголок болот.

БИШКЕК, 28-ноя. — Sputnik. 29-ноябрь, жекшембиде, күндүз Чүй, Ысык-Көл облустарынын айрым райондорунда кар жаайт. Республиканын башка аймактарында жаан-чачын болбойт. Батыштан соккон шамалдын ылдамдыгы айрым жерлерде секундасына 15-20 метрге жетет. Бул тууралуу Кыргызгидромет кабарлады.

Абанын температурасы Чүй, Талас жана Нарын өрөөндөрүндө -3...-8 градус, Ош, Жалал-Абад, Баткенде -3...+2, Ысык-Көл облусунда 0...-5 градус суук болот.

Ош шаарында күн ачык болуп -1...+1 градуска чейин жылуу болсо, Бишкекте мезгил-мезгили менен кар жаап, -3...-5 градусту көрсөтүп турат.

109
Белгилер:
Кыргызстан, аба ырайы
Тема боюнча
Бишкек – Ош жолуна чектөө киргизилип, бардык унаалар текшерилип жатат
Телефон колдонуп жаткан адам. Архив

Апам менен аялымдын урушунан тажадым. Мигрант болуп кетүүнү көздөгөн жигиттин каты

1110
(жаңыланган 19:25 28.11.2020)
"Психолог менен баарлашуу" рубрикасына бул ирет энеси менен аялынын ортосунда чайналган эркектин каты жарыяланды.

Саламатсыздарбы! Мен сиздер аркылуу психологго кайрылууну туура көрдүм. Себеби үйдөгү аба ырайы ошондой болууда. Азыр менден бирөө "эркектер үчүн үйдөгү эң кыйын маселе эмне?" деп сураса багып өстүргөн алтындай энең менен сүйүктүү жубайыңдын тил табыша албагандыгы деп айтар элем. Муну угуп кээ бир жолдошторум мыйыгынан күлөт чыгар. Мен деле буга чейин бул үй-бүлөлүк олуттуу маселе экенин этибар албапмын. Бойдок кезде "келинчегим апама сүйлөсө жолуна салам" дечүмүн. Көрсө ажырашып кетүү менен эле баары бүтүп калбайт экен.

Өзүм үйдүн жалгыз уулумун. Эжем турмушка чыгып кеткен. Өзүмдүн бир кыз, бир уулум бар. Келинчегим балдар менен үйдө. Апам деле эки күндө бир нөөмөттүк жумушка чыгып турат.

Үйдөгү эки жакын адамым, энем менен жубайымдын бири-бирине жасаган мамилесинен тажап бүттүм. Кээде апама болушуп келинчегимди катуу урушуп салам. Андайда ал ыйлап, буркулдап кыялын көрсөтөт. Апамды тыйсам, ал киши да ыйлап, ар нерсени айтып зээнди кейитет. Эмне кыларды билбей деле калдым. Ажыраша да албайм. Экинчисин алсам ушул эле кырдаал кайталансачы? Эки баламдын тагдыры эмне болот? Өгөйлөнүп кор болору турган иш. Келинчегимди жакшы көрөм. Апам да биздин жакшылыгыбызды көрөйүн деп ушул эрезеге жеткирди. Келинчегим үй оокатынын баарын кылат, балдарды карайт. Бирок апамды көрсө эле кабагы бүркөлүп, жаман көрөрү билинип калат. Мага бул оор тиет. Апам деле неберелерин ойнотот, татынакай эле жүрөт. Бирок келинчегимдин оокат кылганын, кээ бир мүнөздөрүн жактырбай бетине айтып салат. Ошентип экөөнүн урушу башталат. Ортодо мен да беймаза болом.

Бир жылча чет жакта иштеп келсемби деп жатам. Сабак болобу деп ойлойм. Чынында үйгө келгим келбей калды. Дагы башка кандай аргам бар?

Саадат Сыдыкова, психолог:

—"Массалык психология жана адамдын "Менине" (Я) анализ жасоо" ишинде Фрейд белгилүү философ Артур Шопенгауэр айткан уламышты мисал кылат. Уламыш боюнча баш калкалоочу жайы жок бир нече жапайы жандык суукта калат. Алар бири-бирине жакын, жабышып, бири-бирин жылытууну каалайт. Бирок анткен сайын ортодогу абал мурункудан да кыйындайт. Себеби бирөөлөрүнүн ийнелери экинчилеринин терисин тешип кетип же мүйүзү тоскоолдук жаратып кыйналышат. Алар канчалык жакшылык кааласа да анысы, тескерисинче, жамандык алып келе берет. Акыры тажаган жапайы жандыктар өз алдынча аракет кылып, жашоо менен күрөшүүгө өтүшөт.

Тилекке каршы, турмушта да кээде эң жакын, кыйышпас адамдарыбыз жашообузду кыйындатып, оор кырдаалга кептеп коёт. Каттын ээси да эки аялдын ортосунда жабыр тартууда. Бирок үйдөгү эки айым тең сизди абдан жакшы көрүшөт. Кыйышпас жакын адамдарыңыз. Бул жерде ич ара конструктивдүү диалогго келүүнүн зарылчылыгы бар.

Бирок апаңыз менен келинчегиңиз сиз менен гана мамиле түзүп, башкача айтканда, "диаданы" (эки кишинин мамилеси) көздөп жатышат. Негизинен энелер баласын төрөлгөндө эле психологиялык жактан өз алдынча бөлүп коюшу керек. Баланы бешикке бөлгөндөй эле эмоционалдык жактан өз алдынча коюу зарыл.

Ушундай оор кырдаалда кат менен кайрылган мырзанын баарынан качып, алыска кетип калууну көздөгөнү өкүнүчтүү. Тилекке каршы, мындай жол менен үй-бүлөнүн пайдубалы урап калышы мүмкүн. Биз талкаланып калган көп эле үй-бүлөлөрдүн тагдырына күбө болуп жүрбөйлүбү. Ошондуктан кайнене менен келин үйдөгү мамилени жана абалды жөнгө салуу жагын карашы керек. Антпесе алар жакын адамынын эмоциялык туруктуулугун талкалап салат.

1110
Белгилер:
үй бүлө, апа, эркек, аял, психолог
Тема:
Психолог менен баарлашуу
Тема боюнча
Ата-энем балалуу аял алышыма каршы чыгып, айлам кетти. Жесил эркектин каты
Бетиме пластикалык операция жасаткам, жигитим билип калабы деп корком. Кыздын каты
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

0
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

0
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш