Китеп окуу. Архивдик сүрөт

Ысык-Көлдө заманбап китепкана, жаштарды китепке тартуу маселелери талкууланууда

75
(жаңыланган 15:21 03.10.2019)
Конференциянын алкагында азыркы китепкана кандай болушу керек деген маселенин айланасында бир нече талкуу жүрмөкчү.

БИШКЕК, 3-окт. — Sputnik. Кыргызстанда Билим берүү, маданият, илим жана бизнести өнүктүрүү үчүн санариптик чөйрөнү түзүү маселесине арналган эл аралык конференция өтүп жатат. Бул туурасында Маданият, маалымат жана туризм министрлигинин басма сөз кызматынан кабарлашты.

Учурда иш-чарага Россия, Германия, Казакстан, Өзбекстан, Тажикстан жана Азербайжан мамлекеттеринин өкүлдөрү катышууда.

"Адистер конференциянын алкагында өз ара тажрыйба алмашуу менен гана эмес, кызыктуу идеяларды жана өз ишмердүүлүгүн ишке ашыруу үчүн инновацияларды киргизүүнү жана жамааттык көйгөйлөрдү чечүүгө аракет кылып келишет", — деп айтылган маалыматта.

Иш-чарага Кыргызстандын аймагындагы китепканачылардын катышуусу КМШ жана алыскы чет өлкөлөрдөн келген кесиптештеринин ишмердүүлүгү жана тажрыйбасы менен таанышууга, бул тармакта жаңы билимдерди алууга, аны өзүнүн ишмердүүлүгүнө колдонууга жакшы шарт түзөрү белгиленген.

Конференциянын алкагында азыркы китепкана кандай болушу керек деген маселенин айланасында "Электрондук китепкана, электрондук коллекциялар жана фондуларды санариптөө", "Китепканалардын заманбап үлгүлөрү жана өнүгүү стратегиялары", "Заманбап коомдо китеп окуунун ролу" аталышындагы секциялар иштейт.

Ал эми чыгармачылык жана автордук укук туурасында "Автордук укук жана маалыматка ачык жетүү", "Өнүгүүнүн инновациялык үлгүлөрү. Китепкана – чыгармачылыктын жана көңүл ачуунун очогу" деп аталган талкуу жүрөт.

Мурдагы муундардын буга чейинки калтырып кеткен улутка, дегеле адамзатына керек боло турган баалуулуктарды сактап калууга арналган "Маданий мурастарды сактоо көйгөйлөрү" секциясы иштейт.

Жаштарды бул жайга тартуунун жол-жобосун айтып берген "Заманбап китепканада - заманбап жаштар" талкуусу да болот.

200гө жакын китепкана адистери жана жетекчилер катышып жаткан бул иш-чара 5-октябрга чейин уланмакчы.

75
Белгилер:
конференция, финансылык сабаттуулук, талкуу, китепкана, Кыргызстан
Тема боюнча
Турарбеков: жети облустун мугалимдери Баткенде 10 күн бою китеп окушат
Темир базардан өмүр базарга карай. Эксперимент уланат...
Жол бошоткула, арстан ойгонду! Ызгаарда жүрөк жылыткан китепкөй Кош-Дөбө