Facebook компаниясынын баш кеңсесине маалыматтык аналитик болуп эмгектенген Зияда Усен. Архив

Facebook компаниясында иштеген Зияда: телегейи тегиз эч бир өлкө жок

1584
(жаңыланган 17:30 04.10.2019)
Тагдыр карапайым кыргыз кызынын багытын дүйнөнүн булуң-бурчу тегиз таанып, тана албай келаткан Facebook компаниясынын баш кеңсесине бурган. Ушул тапта Зияда Усен АКШнын "Силикондук өрөөнүндөгү" Марк Цукербергдин компаниясында маалыматтык аналитик болуп эмгектенет.

Бирок жаңыдан канат күүлөгөн курагында Зияда Нью-Йорктун көчөлөрүндө ырдап, белгилүү продюсердин көзүнө илинүүнү кыялданчу. Океандын ары жагындагы мекендешибиз менен журналист Айнагүл Сапарбек кызы маек курду.

— Зияда, Сизди АКШга эмне жетеледи?

— Көпчүлүк Америкага жакшы жашоону издеп агылат эмеспи. Менин жолум бир аз башкачараак болду. Улуу эжем бир топ жылдан бери Калифорнияда турчу. Ал экөөбүз план түзгөнбүз - Бишкектен медициналык окуу жайды аяктап келип, билимди жогорулатуучу курстан өтүп, Нью-Йоркто медициналык кызматкер болуп иштөө үчүн лицензияга ээ болуу. Бирок Зияданын өзүнүн да купуя тилектери бар эле (жылмайып). Баео жан белем же ашкере кыялкечминби, айтор, дал ушул державада белгилүү ырчы болууну самагам. Нью-Йорктун көчөлөрүндө ырдаганымды, анан белгилүү бир продюсер мени байкап калып, өнөрүмдү баалап, кызматташууну сунуштаганын элестетип кыялданар элем. Бала кезимден тарта сахнада ырдап, студенттик курагымда топтун курамында Бишкектен өлкөнүн түштүк аймактарына чейин гастролдоп келгенбиз. Бул мага аябай чоң турмуштук тажрыйба болгон, жер кыдырып, эл таанып, ажайып кооз өлкөбүздүн алыскы айыл-кыштактарын көрүп чыккам.

Ошентип Америкага өзүмдүн "америкалык тилегимдин" артынан келдим десем туура болор. Кыялдар орундалат!

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда Усен АКШда жашаганына 10 жылдан ашты. Кыргызстандык кыз ушу тапта Facebook компаниясынын баш кеңсесинде маалыматтык аналитик болуп эмгектенет.

— Нью-Йорктун көчөлөрүндө ырдадыңызбы анан? Азыр ырдайсызбы?

— Бир күнү аткарылат деп ишенем. Азыр өзүмчө кыңылдап калам, бирок эл алдына чыга элекмин.

— АКШга келгени өзүңүздөн кандай өзгөрүү байкай алдыңыз? Канча жыл болду, бул өлкөгө отурукташканыңызга?

— Он жылдан ашып барат. Алгачкы эки жыл мекенге, жакындарыма, досторума аябай куса болдум. Ал убакты эстегим келбейт. Өзгөргөнүмдү деле байкай алган эмесмин, себеби өзүмө талдоо жүргүзгөнгө дагы убакыт жок болчу. Таптакыр бөлөк чөйрөгө туш болдум, же бир досум жок, же англис тилин түзүк билбейм десеңиз. Көптү үйрөнүп, көптү окушум керек эле. Акча жагынан да жардам жоктугунан улам колледжде билим алуудан сырткары 2-3 жерде иштөөгө да үлгүрчүмүн. Мекенде жашап жүргөндө көпчүлүгүбүз колубуздагынын баркын билбей турганыбызды дал ошол учурларда аңдадым. Сыртка чыкканда гана башта этибарга албаган нерселерди баалай баштайт экенсиң. Эмгекчилдигим артты, чет өлкөдө жашоо ушуга үйрөтөт адамды. Анан, албетте, жаңы өлкөнүн бардык эреже жана мыйзамдарын өздөштүрө баштайсың.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда Усен: Нью-Йорктун көчөлөрүндө ырдаганымды, анан белгилүү бир продюсер мени байкап калып, өнөрүмдү баалап, кызматташууну сунуштаганын элестетип кыялданар элем...
 

— Ушул таптагы жашооңузга ыраазысызбы? Же көпчүлүк көксөгөн өлкөдө да адамда бир өксүк болобу?

— Дал Америкага келип отурукташканыма тагдырга абдан ыраазымын. Дал ушул жерде адам өзүн кесипкөй катары көрсөтө алат, мында дүйнөнүн эң мыкты университеттеринде окууга мүмкүнчүлүк бар. Бирок бул оңой-олтоң чыйыр эмес, талбай окуп, көптү үйрөнүп, жергиликтүү салт-санаа, мыйзамдарга көнүп кетүүгө тийишсиң.

Адам умтулса, каалоосу күч болсо, ийгилик багынбай койбойт, бирок анүчүн ачка-ток болсоң да, кыйналып-кысталсаң да баш көтөрбөй окуп, көптү үйрөнө турган жолдорду издөө зарыл. Ар бир өлкө — бул таптакыр жаңы дүйнө, телегейи тегиз жашоону кечирген эч бир мамлекет жок. АКШда мурдагы советтик өлкөлөргө караганда көп нерсе жеңил, бирок ага карабастан, татаалдыктар болбой койбойт. Биз эле эмес, дүйнөнүн ар кыл бурчунан агылган башкалар үчүн деле бул державада жарандык алуу кыйынга турат. Эгер жашоо деңгээлин салыштырсак, албетте, алда канча жогору, бирок ага жетүүнүн баасы да бийик, жолу да татаал.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Facebook компаниясынын кызматкери: алгач акча жагынан да жардам жоктугунан улам колледжде билим алуудан сырткары 2-3 жерде иштөөгө да үлгүрчүмүн. Мекенде жашап жүргөндө көпчүлүгүбүз колубуздагынын баркын билбей турганыбызды дал ошол учурларда аңдадым.

— Марк Цукербергдин компаниясынын каалгасын кантип ачып алдыңыз?

— Мурдагы ишимден үйрөнө турган нерсенин баарын үйрөнүп болгон соң жаңы мүмкүнчүлүктөрдү издегим келди. Резюмемди кызыгуу жараткан жумуштардын баарына жөнөтө бердим. Жакын курбуларымдын бири ошол тушта Facebook компаниясында иштечү. Негизи өзүм жолдуумун, анан бардык шарттар да шайкеш келип, интервьюдан (албетте, ал оңой болгон жок) өтүп, иштеп калдым. Баса, бул жакта да байланыш маанилүү, бирок Кыргызстандагыдай деңгээлде эмес...

— Жумушта көңүлүңүздү көкөлөткөн тарабы кайсы? Кайсы жагы көңүл чөгөрөт?

— Facebook жумуш үчүн эң мыкты жер деп табылган. Өлкөмдү дал ушул ишканада таанытып жүргөнүмө сүйүнөм. Анткени Кыргызстан жөнүндө көбү биле беришпейт. Иштөөгө түзүлгөн бардык ыңгайлуу шарттардан сырткары кеңседен эч жакка чыкпай туруп деле көп нерсени үйрөнүүгө бүт мүмкүнчүлүктөр бар.

Жумушта көңүлүмө төп келбеген көрүнүштү табыш кыйын, мында баарына сый мамиле, дайым сенин ойлоруңа кулак салышат, демилгелериңди ишке ашырууга көмөк көрсөтүп турушат.

  • Снимок кыргызстанки Зияды Усен
    Зияда Усендин эмгектери
    © Фото / Зияда Усен
  • Снимок кыргызстанки Зияды Усен
    Зияда Усендин эмгектери
    © Фото / Зияда Усен
  • Снимок кыргызстанки Зияды Усен
    Зияда Усендин эмгектери
    © Фото / Зияда Усен
  • Снимок кыргызстанки Зияды Усен
    Зияда Усендин эмгектери
    © Фото / Зияда Усен
  • Снимок кыргызстанки Зияды Усен
    Зияда Усендин эмгектери
    © Фото / Зияда Усен
1 / 5
© Фото / Зияда Усен
Зияда Усендин эмгектери

— Жеке баракчаңыздан сүрөт тартканды жактырганыңызды байкадык. Объективиңиз өзгөчөлөнгөн кадрларды кармайт экен... Бул эрмегиңизби?

— Ооба, капыстан эле аралашып, кызыгып калдым. Абдан жакын курбум менен орозо кармадык, ошол маалда эки жакка бирге көп чыкчу болдук. Ал сүрөт тартканды жактырчу. Ооз ачарга чейин Сан-Францискону кыдырып, сүрөт тартуу үчүн кооз жерлерди издейбиз. Аны менен бирге жүрүп өзүм да кызыга түштүм. Ошондон бери мен дагы фотоаппаратты колдон түшүрбөйм. Азырынча жөн гана эрмек, балким кийин чоң бир нерсеге да айланып калар... Негизинен жаратылышты, минимализм чегиндеги архитектураны тартам. Майрам же эс алуу күндөрү көбүнесе океандын жээгинен же шаар аралай сүрөткө кадр издеп жүрө берем.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда Усен: негизинен жаратылышты, минимализм чегиндеги архитектураны тартам. Майрам же эс алуу күндөрү көбүнесе океандын жээгинен же шаар аралай сүрөткө кадр издеп жүрө берем.

— Кесиптештериңиздин кандай кесипкөйлүк сапатына баа бересиз?

— Кесиптештерим дүйнөнүн ар бурчунан, мага алардын маданияты, ашканасы, дини, өлкөлөрүндө көрө турган жерлердин баары кызык. Сураштырып отуруп, сүрөт тартууга кооз жерлерди табам. Кесиптештеримдин улуттук өзгөчөлүктөрү, каада-салт, үрп-адаттарына берилгенин да баалайм. Компания мындай баалуулуктарды колдоого алгандыктан, улуттук майрамдарды көп белгилейбиз, фестивалдарды өткөрөбүз. Айланамда жалаң акылдуу, чыгармачыл адамдар, алардын демилгеге, креативдүү чечимдерге бай экенине суктанып бүтө албайм.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда Усен: кесиптештерим дүйнөнүн ар бурчунан, мага алардын маданияты, ашканасы, дини, өлкөлөрүндө көрө турган жерлердин баары кызык. Сураштырып отуруп, сүрөт тартууга кооз жерлерди табам.

— Сиздин пикириңизде IT тармагын адам канча убакытта үйрөнүп, ишти алып кете алат? Азыр ушул багыт дүйнөдө кеңири тарап барат, сиз дагы жаштарды, айрыкча кыздарды бул ишке үгүттөөр белеңиз?

— Бул адамдын өз мүмкүнчүлүгү жана аракетине жараша. Менимче, кызыккан жумушуң жаатында тийиштүү билимиң болсо, кыйла жеңил. Бирок эң башынан баштай турган болсоңуз, бир нече жыл кетет го. IT тармагы дагы далай жыл алдыңкы сапта кармалат, андыктан, кызыккандар кол куушуруп калбай, ара жолдо калтырбай окуп, үйрөнө бергени дурус. Кыздар мырзалардан кем калышпайт, себеби кандай көйгөй болбосун, аны чечүүнүн бөтөнчө бир жолун табышат. Эгер жан дүйнөгө жаккан жерде иштесе, анда аялзаты жумуштагы эң оор маселелерди да сонун кылып чечип коет.

— Балалыгыңыз Кыргызстандын кайсы жеринде өткөн?

— Көбүнесе Ысык-Көлдө, атамдын жумушунан улам көп жер котордук. Бирок кичи мекеним — кереметтүү Ысык-Көл. 3-классты аяктаганда Бишкекке көчтүк. Борбордо чоңойдум, инсан катары дал ушул шаарда калыптандым. Жашап кеткен жерлердин бардыгын аябай сагынам, эстегенде жылуу сезимдер аралайт. Ал жакта туугандарым, досторум, классташтар, кесиптештерим бар.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда: Ата-энем, улуу эжем да Америкада, агам Канадада жашагандыктан, Кыргызстанга көп деле каттабай калдым. Көптөн бери бара элекмин. Бирок аябай сагындым.

— Жакындарыңыз Кыргызстандабы? Аларга, Мекенге болгон сагынычты кантип таркатасыз? Келип турасызбы?

— Туугандарымдын көбү Кыргызстанда. Бир тууган эжем Таласта турат, төрт жээним, жездем бар. Тууган-туушкандарым, досторумду гана эмес, мекенди, өрөөндөрүн, тоолорун, Ысык-Көлдү, таза аба, даамдуу тамактарды, ал тургай, өзүм иштеп кеткен ооруканаларды да сагынам. Куса болбоюн деп улам телефон чалып турам, улуттук тамак-аштарды, анан да ашлям-фу жасап калам. Ата-энем, улуу эжем да Америкада, агам Канадада жашагандыктан, Кыргызстанга көп деле каттабай калдым. Көптөн бери бара элекмин.

— Кайсы жерлерди кыдырдыңыз? Көргөн мамлекеттердин кайсынысынын эмне өзгөчөлүгүн баса белгилейт элеңиз?

— Калифорния, Флоридадан тарта Нью-Йоркко чейин бир топ штатты кыдырдым. Ал эми чет жакка чыгууга мүмкүнчүлүк болгон эмес. Буюрса, Канада, Исландия, Япония жана бир катар европалык өлкөлөргө барып келсемби дейм. Жакында унутулгус, ажайып кооз сүрөттөрдү тартып келем деп толкунданып жүрөм. Нью-Йорк ушунчалык жакын мага, ал жакка барганда өзүмдү үйүмдөгүдөй эркин сезем.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда Усен: Адам умтулса, каалоосу күч болсо, ийгилик багынбай койбойт, бирок анүчүн ачка-ток болсоң да, кыйналып-кысталсаң да баш көтөрбөй окуп, көптү үйрөнө турган жолдорду издөө зарыл. Ар бир өлкө — бул таптакыр жаңы дүйнө, телегейи тегиз жашоону кечирген эч бир мамлекет жок.

— Кыргызстандагы жаңылыктарга көз жүгүртөсүзбү?

— Тилекке каршы, убакыттын тардыгынан маалыматтарды калтырбай көрүп, окуп турууга чамам жетпейт. Соңку жаңылыктарды ата-энемдикине конокко барганымда атамдан угам. Абдан мекенчил киши өзү.

— Мекенде орун алган көрүнүштөрдүн кайсынысы менен сыймыктанып, эмнесине кейийсиз?

— Албетте, көп нерсеге, ошол эле жемкорлук, бюджеттик каражаттын бөлүнүшү, ооруканалар менен мектептердин абалын угуп кейибей койбойсуң. Бирок жакында алардын баары оң жагына чечилерине ишенем, анткени биздин эл жакшы жашоого татыктуу. Келечегинен көптү үмүттөндүргөн адистерди мамлекеттик деңгээлде колдоп, жаңыдан өсүп келе жаткан жаштарга окуп, өнүгүүгө шарт түзүү зарыл. Ушундай керемет өлкөдө жашап туруп эмнеге өз мекениңде өнүгүп, өсүүгө болбосун? Мындай аракет Кыргызстанга пайда келтире турган адистердин сыртка кетишин азайтмак.

Чакан, бирок көз жоосун алган табияты бар дал ушул өлкөдө төрөлүп-өскөнүмө сыймыктанам, тамырыбызды таанып, бизди эмгекчилдикке, ата-бабаны, улууларды, каада-салтты сыйлай билүүгө тарбиялаган ата-энелерге баа берем.

Кыргызстанка Зияда Усен, работающая информационным аналитиком в компании Facebook в США
© Фото / из личного архива Зияды Усен
Зияда Усен: АКШда көп нерсе жеңил, бирок татаалдыктар болбой койбойт. Биз эле эмес, дүйнөнүн ар кыл бурчунан агылган башкалар үчүн деле бул державада жарандык алуу кыйынга турат. Эгер жашоо деңгээлин салыштырсак, албетте, алда канча жогору, бирок ага жетүүнүн баасы да бийик, жолу да татаал.

— Бул турмушта эмнеге жетип, эмнелерди багындыргыңыз келет?

— Албетте, көп нерсеге жетип, көп жер кыдырууну кыялданам, бирок эң башкысы, ата-энем сыймыктана турган инсан болгум келет. Буга болгон күчүмдү жумшайм.

— Беш же он жылдан кийин да IT тармагында иш улайт белеңиз? Же өздөштүргүңүз келген башка бир тармак дагы барбы?

— Алдыдагы 5-10 жыл аралыгында көп нерсе өзгөрөт, заман менен жарышыш үчүн талбай жөндөм-шыгыңды курчута берүү керек. Андыктан, тынымсыз өнүгүп келе жаткан ушул IT индустриясынан эле көрөм өзүмдү. Жакшы да табарың жашыруун эмес.

1584
Белгилер:
кесип, жумуш, Facebook, АКШ, Кыргызстан
Тема боюнча
Чет жакта иштөөчүлөргө эки кеңеш. Катар аэропортунда иштеген кыргыз жигиттин маеги
Кыргызстанга келип башка чапкандай болдум. Сейрек кесиптин ээси менен маек
АКШга барып окумуштуу болгон айылдык жигит. Илимпоз Сабыров менен маек
Европалыкка турмушка чыгуунун күнгөй-тескейи. Францияда жашаган Шириндин маеги
Ишкер Алмаз Арапов чет өлкөдө акысыз, арзан окуунун сырын айтып берди. Маек
Колунда күйүп турган ширеңке менен киши. Архив

Вандалдар Бишкектин чок ортосундагы скульптураны өрттөп кетишти. Видео

308
(жаңыланган 23:13 25.10.2020)
Скульптура 2018-жылдан бери турган. Кээде анын лагын жаңыртуу үчүн атайын кызматтар алып кетип турушкан.

БИШКЕК, 25-окт. – Sputnik. Бишкектин Эркиндик проспектиндеги жыгачтан жасалган павлиндин скульптурасын вандалдар өрттөп кетишти. Бул тууралуу “Бишкек жашыл чарба” ишканасынын маалымат катчысы Аида Айдаралиева Facebook баракчасына жазды.

“Акыркы кезде вандалдар тууралуу бат-баттан жазып калганым абдан өкүнүчтүү. Павлиндин скульптурасы 2018-жылдан бери турган. Кээде анын лагын жаңыртуу үчүн алып кетип турчубуз. Эми аны вандалдар өрттөп салыптыр. Эмнеге мындай кадамга барышканы белгисиз”, - деди Айдаралиева.

Анын айтымында, видео төрт күн мурда тартылган.

308
Белгилер:
өрт, вандализм, скульптура, Бишкек
Тема боюнча
Дарыканадан акча уурдай качып, кайра кайтарып камалган жигиттин маеги
Талас облустук театрында режиссеру Чолпон Эрикова

Республика боюнча театрда иштеген үч эле айым бар. Режиссер Чолпондун маеги

267
(жаңыланган 22:13 25.10.2020)
Кыргызстанда айымдар арасынан чыккан театр режиссерлорун санай келгенде колдун беш манжасына да жетпейт. Алардын ичинде жаш режиссер Чолпон Эрикова да бар. Чолпон учурда Талас облустук театрында режиссер болуп эмгектенүүдө.

Sputnik Кыргызстан агенттиги 27 жаштагы Чолпон Эрикова менен маектешип, театр жана жаштар тууралуу азыноолок кеп курду.

Театр сизди эмнеси менен өзүнө тартты?

Мен мектепте окуп жүргөндө, бизге “Учур” театры келип спектакль коюп турчу. Алар менен Болот Тентимишов дагы көп келип калды. Актерлорду көрүп аябай таасирленгендиктен, 7-класстан баштап эле мектептеги майрамдарга сценка коюп, идеяларды айтып жүрдүм. Мен 9-класс болгондо апам Кыргыз драма театрына костюмер болуп иштеп калды. Апамды ээрчип театрга барып жүрүп кызыгуум артты. Кийин 11-классты бүтөрүм менен ушул кесипти тандап алдым.

Спектакль в Таласском областном театре. Архивное фото
© Фото / Адилет Кыштообаев
Чолпон Эрикова: өзгөчө Чыңгыз Мамаевдин Алыкулду ойногонун көрүп "буюрса ушул кишилер менен иштешем" деп кыялданчумун

Биринчи жолу көргөн спектаклиңиз эсиңиздеби?

Эсимде, “Учур” театрынын Алыкул Осмонов жөнүндө койгон спектакли болду. Актёрлор көзүмө бир башкача көрүнөр эле. Өзгөчө Чыңгыз Мамаевдин Алыкулду ойногонун көрүп  “буюрса ушу киши менен иштешем” деп кыялданчумун. Азыр минтип кыялым орундалып отурат. Апам театрда иштеп турган кезде залда отуруп алып жомокторду көп көрдүм. Ал кезде 10-класста окучумун. Чоңоюп калсам дагы жаш балача элестетип, жомоктун ичине кирип кетчү элем. Ошондон алган таасирден уламбы, Талас театрында үч жыл катары менен жомок койдум. Анын ичинен бирөөсү өзүмдүн автордук жомогум болду.

Режиссер Таласского областного театра Чолпон Эрикова
© Фото / Чолпон Эрикова
Чолпон Эрикова: алгачкы автордук спектаклимде ашыкча ысырапкорчулук сыпатталган

Актёрлорго таасирленип театрды тандапсыз. Эмне үчүн актриса болгон жоксуз?

Азыр театрда бир штатта режиссёр, жарым штатта актриса болуп иштейм. Негизи режиссерлук кесипке тапшырганда группада эки эле кыз болгондуктан бизди үч жыл актёрлор менен кошуп окуткан. Натыйжада  эки жактуу билим алып, 4-курска жеткенде өзүнчө бөлүнүп режиссер деген диплом алып чыктык. Бирок эки жакта тең иштөөгө тажрыйбам бар.

Спектакль в Таласском областном театре. Архивное фото
© Фото / Адилет Кыштообаев
Чолпон Эрикова: азыр театрларда иштеген жаштар көп. Алар деле мага окшоп жарыбаган маянага иштеп жатышат

Жаш режиссер катары алгачкы автордук спектаклиңизди койгону жатыпсыз...

Курманбек Токтоналиевдин "Дүрбөлөң" аттуу чыгармасын сахналаштырып спектакль коюунун алдында турам. Бул менин алгачкы автордук спектаклим. Мында ашыкча ысырапкорчулук сыпатталган. Жыл бою иштеп тапкан акчасын күзүндө аш-тойлорго сарптап салган элибиздин ашыкча салт-санаасы ашкереленет. Кошумча кошуунун терс жактары жөнүндө да айтылган. Кээде өлүмгө кайгырбай, келген кошумчаны эсептешип калган учурлар кездешет. Боз үйдөгү маркумдун жакындары келген кийиттерге көңүл бурууга мажбур. Себеби кайра бергенде өзүнүкүн өзүнө берип же кымбат кездеме алып келсе арзаныраагын берип уят болбойлу деп кооптонушат. Спектаклди ашыкча ысырапкорчулукту, кереги жок каадаларды токтолу деген мааниде койдук. Туугандар арасындагы таарынычтар да ушундан улам чыгат. Жамандык болгон үйдө эки же үч бодо мал союлат. Ушунун баары эле ысырапкорчулук. Азыр экономикалык каатчылык күч алып турганда мындай ашыкча жөрөлгөлөрдү кыскартуу жагын карасак болмок. Ушул жагын элге жеткирели дедик.

Музыка менен АКШны багынткан кыргыз кызы: ыйлаган күндөрүм көп болду

Режиссер Таласского областного театра Чолпон Эрикова
© Фото / Жылдыз Маликова
Чолпон Эрикова: мен 9-класс болгондо апам Кыргыз драм театрына костюмер болуп иштеп калды. Апамды ээрчип жүрүп театрга кызыгып калдым

Өзүңүз Ысык-Көлдүн кызы болсоңуз дагы кесибиңиздин артынан Таласка барып иштеп жатыпсыз. Кыйналган жоксузбу?

Мурда Таласка келип көрбөгөндүктөн абдан кыйналдым. Эч кимди тааныбайм. Шаардан адашып кеткен учурларым көп болду. Азыр көнүп калдым. Театрдын кызматкерлери өз ишинин патриоту болушат деп коет го, анысы кандай, бул тармакта иштегендер театрдан башка жакты эңсебей калат. Алган акчабыз аз болсо дагы күндүн ысык-суугуна карабастан иштей берет экенбиз. Азыр театрларда иштеген жаштар көп. Алар деле мага окшоп жарыбаган маянага иштеп жатышат. Бирок шаардагы театрларда иштеген жаштарга жеңилирээк. Анткени алар үн жаздырып, тартууларга барып кошумча акча таба алышат. Таластагы театрда жаштардан экөө элебиз. Бул жактан тажрыйба топтоп алайын деп жатам.

Маянаңыз канча?

Айына 4070 сом алам. Мага театр жатаканадан бөлмө бөлүп берген. Утурумдук жашаган жерим чечилгендиктен аз акча алсам дагы сүйүктүү кесибим менен иштөөгө мүмкүнчүлүк бар.

Имараты жок көчөдө калган дымагы күч артисттер. "Туңгучтун" таберик сүрөтү

Спектакль в Таласском областном театре. Архивное фото
© Фото / Адилет Кыштообаев
Чолпон Эрикова: азыр экономикалык каатчылык күч алып турганда ашыкча ысырапты кыскартуу жагын элге жеткирели дедик

Менимче Кыргызстанда режиссер айымдар аз эле болсо керек?

Ооба, республика боюнча театрда расмий түрдө иштеп жаткан режиссёр айымдардан үчөө эле бар. Бул тармакта көп жылдан бери эмгектенип келе жаткан эжелер Замира Акылаева, Эльвира Ибрагимова жана мен.

Алдыда кандай максатыңыз бар?

Буюрса, дагы көп-көп спектаклдерди коюп, өзүмдү сынап көргүм келет. Эл аралык фестивалдарга катышууну максат кылам. Ошондой эле келечекте  жеке театр ачууну көздөп жатам.

267
Белгилер:
маек, спектакль, режиссер, театр
Тема боюнча
Москвада кыргыз театрын ачкан Козубаева: репетиция батиримдин бир бөлмөсүндө өтөт
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

224
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

224
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты