Кафеде иштеген официант. Архивдик сүрөт

Бишкектин кафе-ресторандарына эмнеге стикер чапталбай калды? Расмий жооп

395
(жаңыланган 18:39 08.10.2019)
Редакцияга калаа тургундары кайрылып, эмне себептен тамактануучу жайларга кызыл, жашыл, сары стикерлер чапталбай калганын сураган.

БИШКЕК, 8-окт. — Sputnik. Калаанын кафе-ресторан, дүкөн, ашканаларындагы тамак-аш коопсуздугу эки жыл текшерилбейт. Бул тууралуу Sputnik Кыргызстан маалымат агенттигине Бишкек шаардык санитардык-эпидемиологиялык көзөмөл борборунун тамак-аш коопсуздугу боюнча бөлүм башчысы Махамат Мурзашев билдирди.

Буга чейин редакциябызга калаа тургундары кайрылып, эмне себептен тамактануучу жайларга кызыл, жашыл, сары стикерлер чапталбай калганын сураган. 

Стикеры для оценки качества обслуживания и питания в кафе Бишкека и Иссык-Куля
© Фото / предоставлено Бакытом Давлеталиевым
Стикер аркылуу кафедеги тейлөө, тамактын даамы же өлчөмү деген нерселер бааланбайт

Эске салсак, 2018-жылдын 10-январында коомдук тамактануучу жайларда кызмат көрсөтүүнүн коопсуздук деңгээли жөнүндө токтом кабыл алынган. Ага ылайык, 2018-жылдын 1-апрелинен тарта Бишкек жана Ысык-Көл облустарында жайгашкан коомдук тамактануучу жайлар 12 айдын ичинде текшерилет деп жазылса, экинчи бөлүгү 2019-жылдын 1-апрелинде башталып, анда өлкөнүн бардык аймактарында жайгашкан тамактануучу жайлар көзөмөлгө алынары айтылган.

Токтомго ылайык, Санитардык-эпидемиологиялык көзөмөлдөө борборунун кызматкерлери Бишкек жана Ысык-Көл облустарындагы бардык коомдук тамактануучу жайларды текшерип, мыкты жана начар жайларды аныктаган.  Анда "талаптарга туура келет" деген жашыл стикерди бир эле ресторан алган

Бирок өкмөт 2019-жылдын 1-январынан тарта ишкерлик субъектилерин текшерүүгө мораторий жарыялаган.

Тагыраагы, эми эки жылга чейин ишкерлик субъектилери текшерилбейт. Анын ичинде Санитардык-эпидемиологиялык көзөмөл борбору да тамак-аш коопсуздугун карай албайт.

Махамат Мурзашевдин айтымында, бул жылдар аралыгында тамактануучу жайдан бирөө ууланса ага ал жайдын ээси өзү жооптуу болот.

"2019-2020-жылга чейин Кыргызстан боюнча кафе-ресторан эле эмес соода түйүндөр, тез татымдар да текшерилбейт. Быйыл биз бир да тамактануу жайын караган жокпуз. Кокустан эле кайсы бир ашкана же кафе-ресторандын тамагына нааразы болгон арыз түшсө, аны биз Экономика министрлигине жөнөтүп, ал жактан макулдук алган соң гана текшере алабыз", — деди Мурзашев.

Баса белгилей кетчү нерсе, акыркы эки жылда (2018-2019) тамак-ашка уулангандардын саны башка жылдарга салыштырмалуу кыйла өсүптүр. Бул тууралуу Саламаттык сактоо министрлигинин алдындагы Оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирди.

2018-жылы өлкө боюнча жалпы 479 адам ботулизмден жабыркаса, быйылкы жылдын жети айында эле 279 киши тамактан ууланганы белгилүү болду.

395
Белгилер:
ресторан, кафе, текшерүү, стикер, уулануу, тамак-аш
Тема боюнча
Санэпидем Бишкектеги эң мыкты жана эң начар кафелерге стикер чаптады. 2-бөлүк
Бишкектин эң начар жана эң мыкты кафе-ресторандары. Тизме
Алма сатуу. Архивдик сүрөт

Шерипов: көлдүктөр жаңгакка кызыкдар эмес, алма-өрүккө көнүп алышкан

28
(жаңыланган 16:19 03.06.2020)
Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

БИШКЕК, 3-июн. — Sputnik. Ысык-Көл облусунда жаңгак бышат, бирок көлдүктөр жаңгак өстүрүүгө кызыкдар эмес. Мындай пикирин парламентте Курчап турган чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов билдирди. 

Заместитель директора Государственного агентства охраны окружающей среды и лесного хозяйства Элдияр Шерипов на заседании Жогорку Кенеша. 3 июня 2020 года
© Фото / пресс-служба Жогорку Кенеша
Курчап турган чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов

Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

Депутат Абдыбек Дүйшалиев биосфералык аймак болуп эсептелген Ысык-Көлдө бош жер көп экенин айтып, бул жерде жаңгак бышар-бышпасына кызыкты.

"Көлдө жаңгак бышат жана сапатын жоготпойт. Бирок жергиликтүү эл алма жана өрүк өстүрүп, багбанчылыктын бул түрүн жакшы өздөштүргөн. Бул жемиштер коңшу Казакстанга көп сатылып, жакшы баа болуп берет. Ошол себептен көлдүктөр жаңгак өстүрүүгө кызыкдар эмес. Алар өзгөрүүнү каалабайт", — деди Шерипов.

Ошондой эле ал чындап эле көл аймагында бош жерлер көп экенин айтып, аларды мамлекеттик-жеке өнөктөштүк формасында иштетүүгө кызыкдар экенин кошумчалады.

28
Белгилер:
түшүм, алма, жаңгак, Ысык-Көл, Кыргызстан
Тема боюнча
Адис: быйыл Кыргызстанда жаңгакты үшүк алып кетти
Ат-Башыдагы мал базарга башка облус, район соодагерлери киргизилбей турган болду
Ат-Башыдагы мал базар

Ат-Башыдагы мал базарга башка облус, район соодагерлери киргизилбей турган болду

184
(жаңыланган 16:00 03.06.2020)
Райондогу мал базар иштегени менен ал жакта бир топ чектөө чаралары болот. Ошондой эле башка район, облустун соодагерлери киргизилбей турганы айтылды.

БИШКЕК, 3-июн. — Sputnik. Нарын облусунун Ат-Башы районунда мал базар 7-июндан тарта иштейт. Бул тууралуу район башчысы Нурбек Сатаров брифинг учурунда билдирди.

Анын айтымында, өлкөдө мал базарлардын ишмердүүлүгүнө 21-майдан тарта уруксат берилген. Бирок райондогу мал базар эпидемиологиялык абалдан улам иштей элек болчу.

"7-июнь күнү Ат-Башы мал базары иштеп баштайт, бирок ал жерде чектөөлөр болот. Базарга райондо жашагандар гана бара алат. Башкача айтканда, Нарындан же башка райондон келчү соодагерлер киргизилбейт. Азыр эл жайлоого көчүп, айдап-себүү иштери жүрүүдө. Мындан улам район тургундары, фермерлер малын сатып алсын деп эле базарды ачып жатабыз. Кийим, буюм, тамак-аш азырынча сатылбайт. Базар 14:00гө чейин эле иштеп, анын тегерегине посттор коюлат", — деди Сатаров.

Өкмөттүн Жалал-Абад облусундагы өкүлү Нурболот Мирзахмедов
© Фото / Республиканский штаб КР по борьбе с COVID-19
Район башчысы буга чейин Ат-Башы коронавирустан тазаланганын маалымдаган. Ал жакта жалпы 77 киши вирус илештирип алган.

Аким акыркы 20 күндүн ичинде Ат-Башыда коронавирус жуктургандар катталбаганын айтып, санитардык нормаларды, эрежелерди сактап жаткан район элине ыраазычылык билдирди.

Кыргызстанда жалпысынан алганда коронавирус 1871 адамдан табылды. Алардын арасынан 1265и айыгып, 20 бейтап көз жумду.

184
Белгилер:
эреже, тартип, коронавирус, базар, мал, Ат-Башы, Нарын
Тема:
Коронавируска байланыштуу Кыргызстандагы кырдаал
Тема боюнча
Коронавирустан көз жумган үч бейтап. Министрлик чоо-жайы тууралуу

Эфирге шымы жок чыгып алган депутат, күлкүсүн араң тыйган кесиптештери. Видео

0
(жаңыланган 16:52 03.06.2020)
Европарламенттин Ирландиядагы депутаты Люк Флэнаган видеоконференция учурунда кесиптештеринин алдында адаттагыдан башкача чыккан.

Европарламент бул учурда айыл чарба тармагынын көйгөйлөрүн талкуулап жатканын The Guardian жазды. Кеп кезеги келген Флэнаган эфирге көйнөкчөн, бирок шымы жок пайда болгон. Төшөктүн үстүндө отуруп сүйлөп жаткан депутаттын анда-санда жылаңыч буттарын кармалап, сылап коюп жаткандыгын көрүүгө болот.

Кадрдан кесиптештери күлкүсүн кыйынчылык менен тыйганын байкоо кыйын деле эмес. Ал докладын бүткөндөн кийин комитет жетекчиси жылмайган тейде, ыраазылыгын билдирген.

Парламентарий шымы жок экени парламенттегилерге көрүнүп калгандыгын билгенден кийин, буга маани беле бербегендигин айткан.

0
Белгилер:
видеоконференция, доклад, күлкү, депутат, жылаңачтануу, Ирландия, Европарламент
Тема боюнча
ЖКда ант берип жаткан судья Конституцияга колун койгонду унутуп калды. Видео