Жүк ташуучу унаалар. Архив

Кыргыз-өзбек чек арасынан өткөн эл менен жүктүн көлөмү көбөйдү

181
(жаңыланган 19:38 08.10.2019)
Кишилердин көбөйгөнүнөн улам чек арада паспорт текшерген 11 кабина иштей баштады. Алардын үчөө Ош — Анжиян жана Анжиян — Ош каттамындагы автобуста бараткандарды тейлейт.

БИШКЕК, 8-окт. — Sputnik. Ош — Анжиян автобустук каттамынын ачылышы менен кыргыз-өзбек чегиндеги "Достук" чек ара көзөмөл өткөрүү жайынан өткөн жүргүнчүлөр менен жүктүн көлөмү көбөйдү. Бул тууралуу Чек ара кызматынан кабарлашты.

Чек арачылар. Архивдик сүрөт
© Пресс-служба президента КР / Султан Досалиев
Аталган чек ара бекетинен 18 миңге чейин киши өтүп жатат. Дем алыш күндөрү чек арадан өткөндөрдүн саны 24 миңге чейин жетет.

Кишилердин көбөйгөнүнөн улам чек арада паспорт текшерген 11 кабина иштей баштады. Алардын үчөө Ош — Анжиян жана Анжиян — Ош каттамындагы автобуста бараткандарды тейлейт.

Белгилей кетсек, быйыл 25-сентябрдан тарта Ош шаарынан Өзбекстандын Анжиян шаарына маршрутка каттай баштаган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
181
Белгилер:
каттам, Өзбекстан, Анжиян, чек ара
Тема боюнча
Эми Оштон Анжиянга автоунаа каттайт. Баасы канча болот?
Өзбекстан менен Түркмөнстан чек арасын толук тактоого камынып жатат

Москва сахнасында кыргызды даңазалаган залкарлар. Таберик сүрөт

6
(жаңыланган 13:59 01.10.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
Дирижер Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаев (солдон оңду карай). 1958-жыл, Москва шаары
© Фото / из семейного архива Орозовых

Солдон оңду карай бала көтөрүп турган хор дирижеру Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаевдин сүрөтү 1958-жылы Москва шаарында тартылган.

Ал жылы Москвада Кыргыз искусствосунун жана адабиятынын экинчи декадасы өтүп, ага кыргыз элинин акын-жазуучу, ырчы, аткаруучу, чыгармачыл инсандары катышкан.

Имараты жок көчөдө калган дымагы күч артисттер. "Туңгучтун" таберик сүрөтү

Ошол учурду КРдин эл артисти, белгилүү төкмө акын Замирбек Үсөнбаев мындайча эскерет:

"Мен сүрөттөгү инсандарды бала кезимде көрүп калдым. Алардын ортодогу жаштарында айырма бар, бирок замандаштар. Ыбырай аксакал Ысык-Көлдө жашап, ошол жакта турчу. Ал эми Карамолдо Орозов, Осмонкул Бөлөбалаев, Саякбай Каралаев, Молдобасан Мусулманкулов жана менин атам Алымкул Үсөнбаев Фрунзе шаарында жашачу. Алардын бардыгы чогулуп алып шерине жеп, комуз чертип ырдап, бири-бири менен жакшы катышта эле. Алардын төкмөлүгүнө, манас айтканына, комуз черткенине күбө болуп калдым. Булардын ар бири жөнүндө бир айлап айтсак дагы сөз бүтпөйт. Убакыттын өтүшү менен эскерилбей, унутуп бара жатабыз. Мисалы, Карамолдо Орозов менен Ыбырай Тумановду комуздун генийи деп айта алам. Экөө тең үч кыл комузга симфонияны батырган инсандар. Аларды белгилүү бир даталарда эстебей, жаштарга байма-бай айтып турушубуз керек", — деди Үсөнбаев.

Арсен Өмүралиевди атасындай көргөн шакирттер. Таберик сүрөт

Эске сала кетсек, 1958-жылы Москвадагы Кыргыз искусствосунун экинчи декадасынын өтөрүнө үч жума калганда Күлүйпа Кондучалова министр болуп дайындалып, ага 1100дөй кыргызстандык катышып, иш-чара жогорку деңгээлде өткөн.

6
Белгилер:
таберик сүрөт, чыгармачылык, Москва, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Кара жумушта жүрүп киного аралашкан Үсөн Кудайбергенов. Таберик сүрөт
"Мугалимим, биринчи сүйүүм, балдарымдын атасы". "Ак кемедеги" таберик сүрөт
"Жылаңач" эпизодго Москвадан кыз алдырып... Асел Эшимбекованын таберик сүрөтү
КТРК телеканалдын логотиби. Архив

"Түндүк электр" дебат учурунда КТРКнын жарыгы өчүп калганына түшүндүрмө берди

73
(жаңыланган 12:32 01.10.2020)
Учурда жарыктын өчүрүлүшү боюнча атайын комиссия түзүлдү. Жыйынтыгына жараша тиешелүү чара көрүлмөкчү.

БИШКЕК, 1-окт. — Sputnik. "Түндүк электр" ишканасы саясий партиялардын шайлоого карата дебаты учурунда КТРКнын жарыгы өчүп калганына түшүндүрмө берди.

Белгилей кетсек, кечээ, 30-октябрда, кечки саат 21.48ден 21.56га чейин (8 мүнөткө) КТРКнын административдик мекемесинде жарык берүү үзгүлтүккө учураган.

"Саат 21:36да "Новозападная" кабелдик линиясындагы 35 киловаттык "Жер" деген секциядагы коргонуу линиясы өзүнөн өзү иштеп кеткен. Анын натыйжасында "Новозападная – Сельмаш-1" кабелдик линиясы жабыркаган. "Түндүк электрдин" кызматкерлери ыкчам түрдө "Жерди" таап, башка линияга которуп, көйгөйдү чечишти", — деп айтылат маалыматта.

Учурда жарыктын өчүп калышынын себебин иликтеген комиссия түзүлдү. Жыйынтыгы боюнча тиешелүү чара көрүлөт.

73
Белгилер:
КТРК, жарык өчүрүү, "Түндүк Электр" ишканасы
Тема боюнча
"Түндүк электр" миллиондоп карыз болгон 10 ишкананын тизмесин чыгарды