Мурдагы президент Алмазбек Атамбаевдин кеңешчиси Кундуз Жолдубаева. Архив

Кундуз Жолдубаева ИИМге сурак бериш үчүн кирип кетти

326
(жаңыланган 12:34 09.10.2019)
Кундуз Жолдубаева буга чейин ИИМдин тергөө кызматына бир нече ирет адамды барымтага алуу боюнча күбө катары сурак берип чыккан болчу.

БИШКЕК, 9-окт. — Sputnik. Мурдагы президент Алмазбек Атамбаевдин кеңешчиси Кундуз Жолдубаева ИИМге сурак берүү үчүн кирип кетти.

Анын айтымында, тергөөчүлөр аны саат 12.00гө чейин эле келүүсүн талап кылышкан. Бирок ал чакырууда көрсөтүлгөн убакытка гана барарын билдирген. Жолдубаева ИИМдин алдына кичинекей кызы менен келди. Ал адвокаты Замир Жоошевди күтүп, суракка кечигип кирди.

Жактоочу журналисттердин суроолоруна жооп берип жатып Жолдубаеванын статусу өзгөрүшү мүмкүн экенин айтты.

"Бүгүн Кундуз Жолдубаеванын күбө деген статусу шектүүгө алмашып кетиши мүмкүн. Бирок бул бир гана божомол. Буга Алга Кылычевдин көрсөтмөсү себеп болушу ыктымал", — деди Жоошев.

Белгилей кетсек, Кундуз Жолдубаева буга чейин ИИМдин тергөө кызматына адамды барымтага алуу боюнча бир нече ирет күбө катары сурак берип чыккан болчу.

Ал эми жакында эле Кой-Таш окуясы боюнча кармалган Алга Кылычев Алмазбек Атамбаевге жана анын тарапташтарына каршы көрсөтмө берген болчу.

Эске салсак, 7-августта мурунку президент Алмазбек Атамбаевди кармоо операциясы башталып, ал максатына жеткен эмес. "Альфанын" жоокерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 136 киши жаракат алган. Эртеси, 8-август күнү, ошол кездеги ички иштер министринин орун басары Курсан Асанов сүйлөшүүлөрдү жүргүзүп, Атамбаев багынып берген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
326
Белгилер:
ИИМ, сурак, күбө, Кундуз Жолдубаева
Тема боюнча
Алга Кылычев Атамбаевге каршы көрсөтмө берип жатат. Адвокат чоо-жайын айтты
Күч органдары Кундуз Жолдубаеванын үйүн тинтип жатат

Комдонуп, кулакты жапырып. Кара кулак шердин жонунан тартылган видео

16
Америкадагы зоопарктардын биринде кара кулак шердин кантип чуркагандыгын, күүлөнгөндүгүн, дегеле кыймыл аракетин бир нече сантиметр жакындыктан көрсөтүп беришти.

Адатта бул жырткычтын жанына жолоого мүмкүн эмес экендиги баарына дайын. Бул туурасында "National Geographic Россия" сайты жазды.

Кара кулак шер мышык тукумундагы жаныбарлардын эң күлүгү. Үч секунда ичинде ылдамдыгын саатына 112 чакырымга жеткире алат, тагыраагы, тез күүлөнөт. Бир секундада өзүнүн тулку боюнан 16 эсе узун аралыкка чуркоого жөндөмдүү.

Цинциннати зоопаркынын кызматкерлери кызыккандарга сейрек видеону тартуулашты. Сейрек дегендин себеби, бир нече сантиметрден туруп, ошончолук ылдамдыкта, аны менен эч ким катарлаша чуркай албайт. Мындай мүмкүн да эмес, себеби жырткыч чоочун бирөөнү жанына жакын жолотпойт.

Зоопарк кызматкерлери кара кулак шердин бел жагына GoPro камерасын орнотуп, анын бир кадамын көрүүчүлөргө тартуулады. Аны карап турган адам жаныбардын кантип даярданып, кантип күүлөнүп, анан кантип атырыла чуркап бара жаткандыгына күбө боло алат.

16
Белгилер:
кара кулак, зоопарк, ылдамдык, видео, АКШ
Тема боюнча
Иранда иттерди COVID-19ду аныктоого үйрөтүшүүдө. Кызыктуу видео
Карантинден кийин көрүшкөн кожоюн менен эшектин эмоциясы. Видео
Сууга түшүп жаткан балдар. Архив

Сууга түшөрдө баланын жанынан карыш жылбаңыз! ӨКМдин ата-энелерге эскертүүсү

15
Эгер адам сууга чөгө баштаса, өзүн жоготпой, дүрбөлөңгө түшпөй, тынч кармаса өзүн-өзү сактап калуусу мүмкүн. Кескин кыймыл жасабоо керек, анткени суу оозго, өпкөгө тез толуп, буттун тарамыштары түйүлүп калат.

БИШКЕК, 28-май — Sputnik. Өзгөчө кырдаалдар министрлиги сууга түшүүдө киши эмнени эске алыш керектигин санап берип, ата-энелерге балдарды кароосуз калтырбагыла деп катуу эскертти.

Сууга түшүү эрежелери:

  • Агын сууларга, көлмөлөргө сууга түшүүгө тыюу салынат;
  • Сууга чоңдордун көзөмөлүндө гана түшүү керек;
  • Мурда көрүп-билбеген, балыры көп, алыс жерлерге чейин барууга болбойт;
  • Мас болуп сууга түшкөнгө болбойт;
  • Баланы суу боюнда кароосуз калтырбагыла;
  • Кайык, моторлуу кайыктын артынан кубалап, асылууга, жабышууга болбойт;
  • Күн бүркөктө же катуу шамал башталганда сууга түшүүдөн абайлагыла;
  • Үйлөмө матрац, жаздыкча, дөңгөлөктүн камерасында сүзүүгө болбойт. Ал жарылып кетсе, адам терең жерге түшүп кетүүсү ыктымал;

Көпүрө, тосмо, кеме токтоочу жай, кайыктан жана катерлерден сууга секирүүгө болбойт.

Сууда сүзгөндү билбегендер үчүн кеңештер

"Сууга чөгө баштаганда өзүн жоготпой, дүрбөлөңгө түшпөй, тынч кармаса адамдын өзүн-өзү сактап калуусу мүмкүн. Кескин кыймыл жасабоо керек, анткени суу оозго, өпкөгө тез толуп, буттун тарамыштары түйүлүп калат. Терең дем алып, абаны өпкөдө 30 секунддай кармоого аракет кылса натыйжалуу болот", — деп айтылат маалыматта.

Куткаруучулар көлгө түшкөндө алыс жакка сүзүп кетпөөнү, тамакка тоюп алып сууга түшпөөнү да эскертишти.

15
Белгилер:
кеңеш, Суу, куткаруучулар, ӨКМ
Тема боюнча
Ошто Папан суу сактагычынан 22 жаштагы жигиттин сөөгү табылды