Экс-башкы прокурор Аида Салянова. Архив

Салянова: Сегизбаев инимдин өлүмүн уюштургандарды колдонуп жүргөн

(жаңыланган 13:29 11.10.2019)
Салянова Сегизбаевге көп суроолор болорун, бирок күбөлөрдү сурап бүтө албай жаткандыктарынан улам УКМКнын мурдагы башчысына собол узатууга жетпей жатышкандыгын кошумчалады.

БИШКЕК, 11-окт. — Sputnik. Экс-башкы прокурор Аида Салянова ага кылмыш ишин ачууда УКМКнын мурдагы жетекчиси Абдил Сегизбаев инисинин өлүмүн уюштурган кишини колдонуп жүргөн деген пикирин Бишкектин Биринчи Май райондук сотунда процесске келген учурунда айтты.

Аталган сотто Улан Саляновдун өлүмү боюнча иш каралмак.

"Сегизбаевди суроо боюнча ходатайство беребиз, анткени бул ишке чейин мени каралоодо инимдин өлүмүн уюштурган адамды колдонуп жүргөн. Суроолорумду берип, чындыкка жетишим керек. Себеби колдонгондугун даана билем. Кылмыш иши бар. Мага "Белизгейт" иши козголуп, Елиесеев ишин фабрикация кылып жатканда дагы менин үстүмдөн бир нече иш козгогонго аракет кылган. А бирок такыр окшобой коюп, аягына жеткен эмес... Инимди өлтүрүүнү уюштурган Абыкулов аттуу киши Москвадан экстрадицияланган. Ошол адамды жана үй-бүлөсүн колдонуп жүргөн", — деди Салянова журналисттердин суроолоруна жооп берип жатып.

Ал Сегизбаевге көп суроолор болорун, бирок күбөлөрдү сурап бүтө албай жаткандыктарынан улам УКМКнын мурдагы башчысына собол узатууга жетишпей жатышкандыгын кошумчалады.

Эске салсак, Улан Салянов Көк-Жар айылындагы өз үйүндө 6-ноябрда киши колдуу болгон. Бир нече киши анын үйүнө кирип барып ок чыгарган. Тергөөнүн маалыматында, маркум алгач ур-тепкиге алынып, андан соң өлтүрүлгөнү айтылган. Факты боюнча Кылмыш-жаза кодексинин 97-беренесинин негизинде кылмыш иши козголгон.

Кылмышка шектүү эки адам — 33 жаштагы Эрмек Осмонкулов жана 31 жаштагы Заур Насруллаев кармалып, үчүнчүсү издөөгө алынган. Ал эми 2019-жылдын 23-майында ИИМдин Криминалдык милиция кызматынын өкүлдөрү Москвага барышкан. Колго түшкөн 36 жаштагы Асанэмир Абыкулов атайын конвой менен Бишкекке алып келинип, №1 тергөө абагына киргизилди. Ал алдамчылыкка жана адам өлтүрүүгө шектелүүдө. Киши 2018-жылдын январь айында Москвадан кармалган.

Sputnik Кыргызстан Абдил Сегизбаев менен байланышууга аракет кылып, бирок жооп ала алган жок.

Белгилер:
колдонуучу, Абдил Сегизбаев, Улан Салянов, Аида Салянова, Кыргызстан
Тема:
Аида Салянованын иниси Улан Саляновдун өлүмү (22)
Тема боюнча
Салянованын инисинин өлүмү: ИИМ саясий өңүт болушу мүмкүндүгүн айтты
Салянованын инисинин өлүмү: үчүнчү шектүү Бишкекке алып келинди
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 23:26 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.