Жубайлар. Архив

Күйөөмө бой сала албай койдум... Ата-энеси кудалашкан жерге барган келиндин каты

17179
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында жолдошуна көнө албай кыйналган жаш келиндин каты жарыяланды.

Элетте чоңоюп өстүм. Ата-энем айылдагы кадыр-барктуу адамдар. Үч бир туугандын улуусумун. Апам дайыма "өзүбүз теңдүү адамдарга куда бололу, сүйлөшкөн жигитиңдин тек жайын кара, сураштыр" деп кулагыма кумдай куйчу. Атам да бир сүйлөгөн, оор басырыктуу адам. Алардын сөзүн эки кылбай, бейжай баскан жокмун, мектепти кызыл аттестат менен бүтүрүп, шаарга келип окууга тапшырдым. Группалаштарымдын деле шаан-шөкөтүнө көп катыша берчү эмесмин. Артыман чуркаган, колумду сураган балдар көп болду. Бирок апамдын айтканынан коркуп эле алар менен абайлап мамиле курчумун. Айтор, ата-энеме сөз тийгизип албайын деп жүрдүм. 2-курста бир бала менен кыз-жигит болуп сүйлөшүп калдык. Орду менен сүйлөгөн жакшы бала болчу. Бирок атасы жок өскөн бала экен. Анысын укканда апам так секирип эле сүйлөштүрбөй койду. Ал арада айылдан, башка жактан куда түшүп келе башташты. 3-курста окуп жатканда апам: "Тектүү жерден сага куда түшүп келишиптир, барсаң кор болбойсуң. Бала эки-үч жерден окуган билимдүү экен. Ойлон", - деди. Анан баягы тектүү жердин баласы менен тааныштым. Чынын айтсам, жаккан жок. Менден төрт жаш улуу неме экен. Апама айтсам "кебетесин чылап ичет белең" деп туруп алды. Ошентип көңүлүм жок эле күйөөгө тийдим. Чогуу жашап бир жаздыкка баш койсок, балким, жакшы көрүп кетермин деп ойлодум. Ата-энем укмуш каада, шаан-шөкөт менен узатты. "Улуу кызыбыз" деп элден өзгөчө сеп берди. Кайын журтум да колунда бар адамдар. Үлпөт тоюбуз кычыраган ресторанда, болуп көрбөгөндөй шаң менен өттү.

Азыр кайын журтум менен чогуу турам. Кайнене, кайнатам экөө тең жаны тынбаган кыйын кишилер. Бирок баласы чечкини жогураак, жалкоо экен. Мамлекеттик кызматта атасынын күчү менен иштейт. Ата-энемди уят кылбайын деп жашап келе жатканыма үч жылга чукулдап калды. Бир кызыбыз бар. Бирок күйөөмдү көңүлүм жылып, сүйө албай койдум. Үй-бүлөдөй болуп эзилишип деле кетпейбиз, сүйлөшөөр сөзүбүз деле жок, иши кылып турмушубуз бир башкача. Жалгыз калсак кызыбыз менен эле алаксыйбыз. Апама айтайын дейм, айта албайм. Дос кыздарга же аяштарга деле ачыла албайт экенсиң. Бирок өмүр бою өзүмдү бактысыз сезип өткүм келбейт. Кетип да кала албайм го... Кандай кылсам?

Гүлнара Жасоолова, психолог

Катты жазган келин көп нерсеге ата-энесин күнөөлөп койгондой. Ооба, айрым учурда ата-энелер балдарынын сезимин, оюн эске албай "чай ичишкен куда-сөөк бололу" деп барган жерине карап коюшу ыктымал. Бирок келин бул ойлорун аларга турмушка чыга электе ачык айтышы керек болчу. Азыр бир кызы бар экен. Үй-бүлөсүн сактап калам десе, күйөөсүнө болгон мамилесин, оюн өзгөрткөнгө аракет кылып көрсүн. "Жалкоо, чечкинсиз, ата-энем мажбурлаган үчүн эле тийгем" деп кечке эле ойлой берсе, анда жолдошунун жакшы жактарын көрө албайт, тоскоолдуктар боло берет. Күйөөсүнүн жакшы сапаттарын байкап, ага жылуу мамиле кылса, балким, андагы сезимдер да ачылаар. Жылмаюу, жылуу сөз ортоңдордогу мамилени оңдоп коюшу мүмкүн. Ошондуктан эки тарап тең ортодо сүйүү, бактылуулук болушуна аракет кылышы керек. Ата-энени күнөөлөгөндөн пайда чыкпайт. Алар да сиздин бактылуу болушуңузду ойлогон чыгар. Аракетим жетпей жатат десеңиз, анда психолог менен бетме-бет отуруп сүйлөшүп көрүңүз.

Хотите узнавать раньше самые интересные и важные новости?
Подписывайтесь на наш Telegram-канал
17179
Белгилер:
ата-эне, үй-бүлө, келин, кат, психолог
Тема:
Психолог менен баарлашуу (123)
Тема боюнча
Балалуу келинге арзып калдым, бирок ата-энем каршы... Бойдок жигиттин каты
Бир тууганым мени жашоосунан чийип койду. Эжесине зар болгон кыздын каты
Кыз парктта кол чатыр менен бара жатат. Архив

Жумага карата аба ырайы

7
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

7
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

104
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

104
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео