Милиция кызматкерлери. Архив

ИИМ милиционерлердин массалык түрдө иштен алынышына жооп берди

2160
Кээ бир ЖМКларга Кыргызстанда милиционерлер массалык түрдө иштен айдалып жатканы боюнча маалымат тарап жатат. Министрлик буга комментарий берди.

БИШКЕК, 15-окт. — Sputnik. Ички иштер министрлиги милиционерлер массалык түрдө иштен алынып жатканы боюнча маалыматты четке какты.

ИИМден билдиришкендей, мындай маалымат кээ бир ЖМКлар аркылуу тарап жатат. Министрлик келерки жылы милиционерлердин шарты, тескерисинче, кыйла жакшырарын билдирди.

Маалыматка караганда, 2020-жылдын 1-январынан тарта күчүнө кире турган "Укук коргоо органдарында кызмат өтөө" жөнүндөгү мыйзам боюнча милиционер иштен алынган күндө дагы ага жөлөк пул менен пенсияга кошулган кошумча каражат төлөнөт. Ошондой эле мыйзам боюнча негизги айлык 40 пайызга жогорулайт.

"Кошумча айлык дагы 30 пайызга көтөрүлөт. Мындан сырткары, социалдык кепилдиктер дагы берилет", — деп айтылат маалыматта.

Министрлик мыйзам күчүнө кириши менен иштеп жаткан кызматкерлердин гана эмес, пенсияга чыккан ардагерлердин дагы шарты жакшырарын белгиледи.

2160
Белгилер:
айлык-акы, пенсия, милиция, ИИМ
Тема боюнча
Эки ирет Атамбаевдин каарына калып... Кашкар Жунушалиев тууралуу 7 факты
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

22
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

22
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

71
(жаңыланган 15:24 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Новый директор национальной киностудии Кыргызфильм имени Т. Океева Акжолтой Бекболотов
© Фото / пресс-служба МКИТ КР
Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

71
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды
Избиратель ищет себя в списке на участке №1327 в Бишкеке в ходе голосования на выборах седьмого созыва ЖК

Жогорку Кеңеш шайлоо босогосун азайтуу мыйзам долбоорун кабыл алды

0
(жаңыланган 18:50 22.10.2020)
Жыйында баяндама жасаган Сулайманов депутаттардын бардык сунушу четке кагылып, түп нускасы гана калтырылганын билдирди. Мыйзам долбоору президент кол койгондон кийин күчүнө кирет.

БИШКЕК, 22-окт. — Sputnik. Парламент шайлоо мыйзамдарына өзгөртүү киргизүү боюнча мыйзам долбоорун үч окууда жактырды.

Аталган демилге кечээ, 21-октябрда, парламентте биринчи окуудан өткөн. Бүгүн дароо экинчи жана үчүнчү окууда каралып, 84 депутаттын макулдугу менен колдоо тапты. Каршы добуш бергендер болгон жок.

Жыйында баяндама жасаган Алтынбек Сулайманов депутаттардын бардык сунушу четке кагылып, түп нускасы гана калтырылганын билдирди. Анын арасында "шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотуу" демилгеси да кирбей калды.

Сулайманов кийинчерээк аны өзүнчө мыйзам долбоору менен алып келине турганын белгиледи.

Мындан улам үч сунуш калтырылды. Алар төмөнкүлөр:

  • парламенттик шайлоонун күрөөсү 5 миллион сомдон 1 миллион сомго түшүрүлөт;
  • босого чеги 7 пайыздан 3 пайызга төмөндөтүлөт;
  • шайлоо участкасын алмаштырууга шарт түзгөн №2 форма жокко чыгарылат.

Эми бул мыйзам долбоору президент кол койгондон кийин күчүнө кирет.

0
Белгилер:
колдоо, өзгөртүүлөр, мыйзам, шайлоо, Алтынбек Сулайманов
Тема:
Жогорку Кеңешке боло турган кайра шайлоо
Тема боюнча
ЖК комитети эки шайлоонун мөөнөтүн жылдыруу мыйзам долбоорун колдоду
Шайлоолордун мөөнөтүн жылдырууну кайсы депутаттар демилгеледи. Тизме