Жолдогу автоунаалар. Архив

Жөнү жок сигнал берип ачууга алдырба. Айдоочулук этикет

626
(жаңыланган 16:51 27.10.2019)
Sputnik апта сайын "Этикет" рубрикасынын алкагында коомчулук жүргөн ар кайсы жайларда жана жагдайларда өзүн-өзү татыктуу алып жүрүүнүн эрежелери менен тааныштырат.

Айдоочунун рулдагы этикетин эч ким атайын ойлоп тапкан эмес. Ал муктаждыктан улам бара-бара келип чыккан эрежелер тобу. Жолдо жүрүү маданияты бир гана сый мамиле үчүн эмес, коопсуздук үчүн дагы маанилүү.

Автоунаа айдоону үйрөтүү боюнча бир дагы китепке жазылбаган эрежелерди Sputnik Кыргызстандын окурмандарына этикет мугалими Нуржан Исмаилова айтып берди.

Жөнү жок сигнал бербе

Айдоочулардын арасында өзгөчө топ бар. Сигнал басуу боюнча сынак болсо, гран-прини эч кимге бермек эмес. Себеби жок эле "пипилдеткенди" жакшы көрүшөт. Кээде жол чырактын жашылы күйүп-күйө электе алдыңкы машинанын "жанын" сууруп ала жаздайт. Урматтуу айдоочулар, мындай болбойт. Жол эрежесин туура сактап кетип бара жаткан айдоочуга эч качан сигнал бербеңиз. Сиз шашып же жөн гана ылдам айдагыңыз келгени башкаларга тоскоолдук жаратпашы керек. Эгер тажрыйбалуу айдоочу болсо жакшы, ал абалды дароо түшүнүп, туура чечим кабыл алат. Ал эми рулда жаңы үйрөнүп жаткан адам болсочу. Бир нерсени туура эмес кылып жатам деген ойдо, ката кетирип алса эмне болот?

Тилектештик

Рулга отурары менен адам аял-эркек, кесип же жаш куракка карабай айдоочулардын "уюмуна" кошулат. Жолдогу бир автоунаанын кыймылына тегеректеги көп кишинин тагдыры байланыштуу болот. Андыктан кан жолго чыкканда тилектештик болгону жакшы. Зарыл болгон учурда бирөөгө жол бошотуп, алдыдагы тоскоолдуктар жөнүндө айтып да койгон туура. Ошондой эле сизге ажат ачкан айдоочуга ыраазычылык билдиргенди унутпаңыз.

Агрессиядан алыс болуңуз. Өчөшпөңүз...

Агрессия менен жол бири-бирине эч качан төп келбейт. Анткени техника менен жол адамдан чыдамдуулукту жана акыл-эстин тунуктугун талап кылат. "Кырсык каш-кабактын ортосунда" дегендей, рулда бара жатканда эмоцияга алдырып, башка нерсеге алагды болсоңуз, ката кетирип алуу оңой эле. Ал эми айдоочунун катасы канча тагдырды талкалаарын өзүңүз жакшы билесиз. Ошондой эле кыжырланып турган башка айдоочуга өчөшпөңүз. Бирөө менен жөөлөшүп, артынан кууп барып кайым айтышуунун нервди жегенден башка пайдасы жок.

Тазалык

Баягы эле бүтпөгөн тазалык темасын улантабыз. Жолдо унаанын терезесинен таштанды ыргытып же "шалп" эттире түкүрүп койгондор жок эмес. Автоунаада бара жатып таштанды ыргытуу — бул жөн гана айлананы булгоо эмес, арттагы автокөлүктөр үчүн коркунуч жаратышы толук ыктымал.

Туура токто

Темир тулпарды ой келди жерге токтото бербеңиз. Бул башкалардын кыймыл-аракетине тоскоолдук жаратышы мүмкүн. Өзүңүз деле ойлоп көрсөңүз, чыга калайын десе эле жолду тороп бирөө турса... Мындайда ким жакшы сөз айтмак эле?

Кээде автоунаа токтотуучу жайда дагы туура токтобогон кишилер бар. Эки машина батчу жерге туурасынан же так ортосуна туруп алышат. Булар жөн гана кыжыр келтирбестен, авариялык абалды жаратышы да мүмкүн.

Балдарга сак болуңуз!

Жашы жете элек баланы артка, коопсуздук курун тартып отургузуу жөн гана сунуш эмес, бул — талап! Ошондой эле бала менен бара жатканда, эки эсе сак болуу керек. Терезеден башын же колдорун чыгарып албасын, карап коюп туруңуз.

Атайын автоунаалар менен жарышпаңыз

Тез жардам, милиция, өрт өчүрүүчүлөр... Ишенип коюңуз, сиздин ишиңизге караганда, ушул мүнөттөрдө булардыкы көп эсе маанилүүрөк. Бирөөнүн өмүрүн, дагы бирөөнүн үй-жайын, мал-мүлкүн сактап калуу же кылмышкердин изин суутпай кармоо керек. Бактыга жараша, акыркы жылдарда Кыргызстанда атайын унааларга жол бошотуу маданияты акырындык менен калыптанып келе жатат.

626
Белгилер:
жол, этикет, айдоочу
Тема:
Өзүн алып жүрүүнүн эрежеси (46)
Тема боюнча
Мээни айлантпай ток этерин жаз! Кат жазуу этикети
Кымбат тамак алып жигиттин айласын кетирбе! Алгачкы жолугушуунун этикети
Өспүрүм балдар. Архив

Туугандары изделүүдө. РФтен кыргызстандыктар таштап кеткен 5 бала алып келинди

53
(жаңыланган 16:02 17.05.2021)
Министрлик бөбөктөрдү кайтарып берүү үчүн тууган-туушкандарын издеп жатат. Азырынча кичинекейлер балдар үйүнө жайгаштырылган.

БИШКЕК, 17-май — Sputnik. Кыргызстанга Москва шаары менен Москва облусунан эки жашка толо элек беш бала алып келингенин Саламаттык сактоо жана социалдык өнүктүрүү боюнча министрликтин маалымат кызматынан кабарлашты.

Бул бөбөктөрдү кыргызстандык кыз-келиндер Россиядагы төрөт үйлөрүнө таштап кетишкен. Кичинекейлер мекенине алып келингенден кийин балдар үйлөрүнө убактылуу жайгаштырылган. Маалыматта министрлик бөбөктөрдү кайтарып берүү үчүн тууган-туушкандарын издеп жатканы айтылды.

2021-жылдын башынан тарта Кыргызстанга 11 бөбөк алып келинген. Алардын алтоосун ата-энеси таштап кеткен.

53
Белгилер:
балдар, Россия, Кыргызстан
Тема боюнча
Чүйдөгү балдар үйүнөн качып кеткен өспүрүм изделүүдө. Сүрөт
Аял керосин лампаны күйгүзүп жатат. Архив

18-майда Бишкектин бир нече районунда жарык болбойт. График

39
(жаңыланган 16:02 17.05.2021)
Электр жарыгы шаардын кичи райондорунда, айрым конуштарда, ошондой эле бир катар көчөлөрдө өчүрүлөт.

БИШКЕК, 17-май — Sputnik. Эртең, 18-майда, Бишкектин айрым райондорунда убактылуу жарык болбойт. Бул тууралуу маалымат "Түндүк электр" ишканасынын расмий сайтына чыкты.

Бул күнү мекеменин жумушчу топтору үйлөрдүн электр зымдарын, трансформаторлорду жана көмөк чордондорду оңдоо иштерин жүргүзөт.

График:

  • Саат 09:00 дөн 17:00 гө чейин — 10-кичи райондогу №1 көп кабаттуу үй;
  • Саат 09:00 дөн 18:00 гө чейин — Арча-Бешик, Ынтымак, Киргизия-1 конуштарында, ошондой эле Азия, Абдрахманов, Шералиев, Садырбаев, Эркин-Тоо, Бос-Бөлтөк, Кожомкулов, Буденный, Абдраимов, Жеңиш, Баялинов, Малышев, Минск жана Багратион көчөлөрүнүн айрым бөлүктөрүндө жана Беломорский кууш көчөсүндө электр жарыгы убактылуу өчөт.
  • Саат 09:00 дөн 18:00гө чейин —Токомбаев көчөсүнүн Байтик баатыр көчөсүнөн Жукеев-Пудовкин көчөсүнө чейинки бөлүгү.
39
Белгилер:
оңдоо иштери, өчүрүү, "Түндүк Электр" ишканасы, Бишкек, электр жарыгы
Тема боюнча
Суусу азайып кеткен Токтогул суу сактагычынан таасирдүү 15 сүрөт
Депутат Алтынбек Сулайманов. Архив

Кумтөр бул рак! Депутат алтын кенин таптакыр жаап салууну сунуштады

0
(жаңыланган 18:23 17.05.2021)
Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

БИШКЕК, 17-май — Sputnik. Жогорку Кеңештин "Бир Бол" фракциясынын лидери Алтынбек Сулайманов Кумтөр кенин жаап салууну сунуштады.

Бүгүн, 17-май күнү, парламентте аталган ишкананы сырттан башкарууга алуу маселеси каралып жатат.

Эл өкүлү мындай сунушун экологияны сактап калуу керек деп түшүндүрүп, коңшу Кытай өлкөсүн мисал келтирди.

"Кытай 30 жылда бизге окшоп миллиард эмес, триллиондорду таап, бирок экологиясын талкалап алган. Эми 30 жыл иштеп, экономикасын көтөргөн акчанын баарын салса дагы кайра калыбына келтире албасын түшүндү. Азыр башкаларга экологияңарды сактагыла деп айтып жатат. Бүткүл дүйнө экологияны биринчи орунга коюп, жашыл экономиканы көздөй бара жатат", — деди депутат.

Сулаймановдун айтымында, Кумтөрдү кайсы тарап иштетсе дагы мындан ары өлкөнү зыянга гана учурата берет.

"Мамлекет начар менеджер" деп бекеринен айтылбайт. Өзүбүз иштетсек деле талап-тонолуп, экология ого бетер талкаланат. Биз жаратылышка каршы чыгып элдин, балдарыбыздын саламаттыгын садага чаап жатабыз. Кумтөр — бул рак, акырындык менен күчөп бара жатат. Аны азыр кесип алып салып, бул теманы жабышыбыз керек", — деди Сулайманов.

Анын ордуна эл өкүлү "дүйнө эли сыяктуу инновация жана башка тармактарды өнүктүрүп, акылдуу жаштардын "мээсин" пайдаланууга чакырды.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
сунуш, Алтынбек Сулайманов, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кумтөр боюнча келишимдерге кол койгон аткаминерлердин тизмеси
Эки талапкер бар. "Кумтөр Голд Компани" ишканасын ким башкарышы мүмкүн