Турист. Архив

Саякаттай турган эң мыкты жерлер аталды. Ага Кыргызстан да кирди

694
(жаңыланган 14:00 23.10.2019)
Рейтинг 10 өлкө, 10 шаар жана эң пайдалуу 10 сунуш деген төрт категорияга бөлүнгөн. Арасында тоолуу аймактар, жанар тоолуу аралдар бар.

БИШКЕК, 23-окт. — Sputnik. Lonely Planet деп аталган белгилүү эл аралык басылма 2020-жылы саякаттоого эң ыңгайлуу деп аталган жерлердин тизмесин берди. Анын арасында Кыргызстан да бар.

Рейтинг 10 өлкө, 10 шаар жана эң пайдалуу 10 сунуш деген төрт категорияга бөлүнгөн.

Тизмеге кирген багыттар басылманын эксперттери тарабынан үч негизде аныкталган. Анда эл арасында кызыктуу болгону, эстен кеткис таасири жана бир көргөндө эле көз талдырган сулуулугу каралган.

Аймактар категориясында Кыргызстан, Тажикстан жана Өзбекстан аркылуу өткөн Улуу Жибек Жолундагы аймактар биринчи орунга чыккан.

Lonely Planet бул кыйырлар туристтер арасында кызыгууну жаратып, Улуу Жибек Жолу өткөн жерлерге электрондук виза менен, эгерде иш оңунан чыгып калса, такыр эле визасыз кирүүгө болорун белгилеген.

Экинчи орунга Италиянын Марке деп аталган административдик аймагы чыккан. Үчүнчү орунга Япониядагы Хонсю аралындагы Тохоку аймагы кирген.

Ондуктун тизмесине Мэн штаты (АКШ), Австралиядагы Лонд-Хау деп аталган жанар тоо аралы, Кытайдагы Гуйчжоу деп аталган тоодо жайгашкан провинциясы, Испаниядагы Кадис провинциясы, Аргентинанын түндүк-чыгыш бөлүгү, Хорватиядагы Кварнер булуңу, Бразилиядагы Амазонка аймагы кирген.

Өлкөлөр боюнча категориянын башына Бутан Королдугу чыкты. Ал эми шаарлар боюнча лидерликти Зальцбург (Австрия) бербей келе жатат. Саякаттоого эң ыңгайлуу деп Индонезиядагы Чыгыш Нуса-Тенгара провинциясы аталган. Ал Кичи Зонд аралдары архипелагына кирет.

Былтыр Lonely Planet Кыргызстанды 2019-жылы саякаттоого эң мыкты 10 өлкөнүн катарына киргизген.

694
Белгилер:
Кыргызстан, туризм, саякат, рейтинг
Тема боюнча
Кыргызстан 2019-жылы саякаттоого эң мыкты 10 өлкөнүн катарына кирди
Башкы прокуратура. Архив

Башкы прокуратура Жээнбеков менен Зулпукаров канткенде абактан чыгарын айтты  

130
(жаңыланган 22:26 07.12.2021)
Башкы көзөмөл органы мындан аркы кадамдар парламенттин чыгарган чечимине жараша болорун белгилеп жатат.

БИШКЕК, 7-дек. — Sputnik. Башкы прокуратура Жогорку Кеңештин депутаттары Асылбек Жээнбеков, Төрөбай Зулпукаров жана Бакыт Жетигеновду жоопко тартуу сунушу тууралуу түшүндүрмө берди.

Башкы көзөмөл органынын маалыматына ылайык, парламент макулдук берген учурда аталган депутаттар кылмыш жоопкерчилигине тартылат. Ал эми макулдук берүүдөн баш тартса, алардын камактан бошотулушуна негиз болот. Депутаттык ыйгарым укуктарынын мөөнөтү бүткөнгө чейин иш өндүрүштөн убактылуу токтотулат.

“Жогорку Кеңеш өзүнүн ыйгарым укуктарынын алкагында башкы прокурордун сунуштамаларын карап, добуш берүү жолу менен депутаттарды кылмыш жоопкерчилигине тартууга макулдук берүү же баш тартуу чечимин кабыл алат. Демек, кылмыш иши боюнча процессуалдык чечим Жогорку Кеңештин корутундусунун негизинде каралат”, — деп айтылат маалыматта.

Белгилей кетсек, ноябрдын аягында башкы прокурор Курманкул Зулушев үч эл өкүлүн кылмыш жоопкерчилигине тартууга макулдук берүүнү сураган.

Натыйжада анын сунуштамасын кароо үчүн жети депутаттан турган комиссия түзүлдү.

Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында.

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

130
Белгилер:
Асылбек Жээнбеков, Төрөбай Зулпукаров, Башкы прокуратура, чечим, абак
Тема боюнча
Абакта отурган Жээнбеков менен Зулпукаровдун кандай байлыгы бар
ПЦР-тест тапшырып жаткан адам. Архив

Россия ПЦР-тесттин жарактуу мөөнөтүн кыскартты. Кыргызстандыктарга таасир этеби? 

82
(жаңыланган 21:48 07.12.2021)
Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

БИШКЕК, 7-дек. — Sputnik. Россияда коронавируска каршы тапшырылган ПЦР-тесттин жарактуу мөөнөтү 72 сааттан 48 саатка чейин кыскартылды. Бул тууралуу РИА Новости Роспотребнадзордун жетекчиси Анна Поповага таянуу менен билдирди.

Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

Ошондой эле Попова Россияда колдонулуп жаткан ПЦР-тесттердин баары "омикрон" штаммын жугузгандарды дагы аныктай аларын белгилеген.

Эскерте кетсек, учурда Россияга бара жаткан кыргызстандыктар милдеттүү түрдө 72 сааттан кечиктирбей ПЦР-тест тапшырып, терс жыйынтыгын көрсөткөн сертификат менен кетишет. Демек, изилдөөнүн жыйынтыгынын жарактуу мөөнөтү дагы 24 саатка кыскарат.

82
Белгилер:
ПЦР-тест, Россия, кыскартуу, 'омикрон' штаммы
Тема:
Дүйнөгө жайылган коронавирус
Тема боюнча
"Спутник V" вакцинасы "омикрондон" канчалык коргой аларын дарыгер айтып берди
Казакстан өлкөгө кирүү эрежесин катаалдаштырып, чектөө киргизет
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме