Жээнбеков Абдыкадыр Орозбековдун 130 жылдык мааракесине катышты. Сүрөт
(жаңыланган 15:19 26.10.2019)
Президент өз сөзүндө Абдыкадыр Орозбеков эл арасында "Аксакал", "Биринчи төрага" деген наам менен таанылганын айтты.БИШКЕК, 26-окт. — Sputnik. Президент Сооронбай Жээнбеков Баткен облусунун Кадамжай районунда мамлекеттик жана коомдук ишмер Абдыкадыр Орозбековдун 130 жылдыгына арналган иш-чарага катышты. Бул тууралуу мамлекет башчынын маалымат кызматы билдирди.
Президент Сооронбай Жээнбеков Баткен облусунун Кадамжай районунда мамлекеттик жана коомдук ишмер Абдыкадыр Орозбековдун 130 жылдыгына арналган иш-чарага катышты© Пресс-служба президента КР / Султан Досалиев
Президент өз сөзүндө Абдыкадыр Орозбеков эл арасында "Аксакал", "Биринчи төрага" деген наам менен таанылганын айтты© Пресс-служба президента КР / Султан Досалиев
Кыргыз элинин жаркын келечегин баарынан жогору койгон Абдыкадыр Орозбеков чыгаан, таланттуу, мекенчил жетекчилерди кызматка даярдаган© Пресс-служба президента КР / Султан Досалиев
Жусуп Абдрахманов, Касым Тыныстанов, Төрөкул Айтматов, Ишеналы Арабаевге окшогон тарыхый инсандар менен кыргыз мамлекетин өнүктүрүү ишинде үзөңгүлөш болгон.© Пресс-служба президента КР / Султан Досалиев
©
Пресс-служба президента КР / Султан Досалиев
Президент өз сөзүндө Абдыкадыр Орозбеков эл арасында "Аксакал", "Биринчи төрага" деген наам менен таанылганын айтты.
"Абдыкадыр Орозбеков эч нерседен тайманбаган, акты ак, караны кара деп, чындыкты бетке айткан адам болгону көптөгөн тарыхый булактарда бар. Кандай курч маселе болбосун, эч качан бой көтөрбөстөн эл менен биргеликте чечкен", — деди Жээнбеков.
Абдыкадыр Орозбековдун кыскача өмүр баяны
Ал 1889-жылы жарык дүйнөгө келип, атасынан эрте ажырап, кедейликтин запкысын бала кезинен тарткан.
1918-жылы 28 жаш курагында большевиктердин катарына өтүп, Кызыл Армиянын Фергана штабында алгач кызыл гвардиячы, кийин командири болуп дайындалган. Жер-жерлердеги элдик бийликтерди бекемдөө боюнча зор эмгеги жогору бааланып, Эмгек Кызыл Туу ордени менен сыйланган.
- 1925-жылдан 1937-жылга чейин 3 жолу мамлекеттик жогорку кызматка шайланган;
- 1925-жылы Кара-Кыргыз автономиялуу облусунун аткаруу комитетине төрагалык кылган;
- 1926-жылы Кыргыз автономиялуу облусу түзүлүп, Борбордук аткаруу комитетинин төрагасы болгон;
- 1936-жылы Кыргыз АССРи союздук республика болуп кайрадан түзүлүп, ошол жылы Кыргыз ССРинин Борбордук аткаруу комитетинин төрагасы болгон;
- 1937-жылы жалган жалаа менен камакка алынып, 1938-жылы атууга кеткен. Каза болгондон 18 жыл өткөндөн кийин, тагыраагы, 1956-жылы толук акталган.
Кыргыз элинин жаркын келечегин баарынан жогору койгон Абдыкадыр Орозбеков чыгаан, таланттуу, мекенчил жетекчилерди кызматка даярдаган. Жусуп Абдрахманов, Касым Тыныстанов, Төрөкул Айтматов, Ишеналы Арабаевге окшогон тарыхый инсандар менен кыргыз мамлекетин өнүктүрүү ишинде үзөңгүлөш болгон.
Белгилер:
Германия Кыргызстандын карызын кечет, бирок бир шарты бар
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.
Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.
©
Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.
Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.
Белгилер:
Ысык-Көл: медиктерге берилген жолтандабас президенттин иш башкармалыгында жүрөт
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.
Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.
©
Sputnik / Александр Кряжев
Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.