Бишкектин тургундары милициянын ишине кандай баа берет? Сурамжылоо

Жазылуу
Sputnik Кыргызстандын кабарчысы милициянын иши боюнча жүргүзүлгөн виктимологиялык изилдөөнүн жыйынтыгын анализдеп чыкты. Сурамжылоонун жыйынтыгын төмөнкү инфографикадан караңыздар.

Бишкектин жана жаңы конуштардын тургундары милициянын ишине кандай баа берерин Улуттук статистика комитетинин адистери аныктады. Алар борбор калаанын төрт районунун жана жаңы конуштардын жашоочулары арасында сурамжылоо жүргүзгөн. Атап айтканда, Биринчи Май, Ленин, Свердлов, Октябрь райондору, Ак-Ордо, Рухий Мурас, Ак-Бата, Эне-Сай, Бакай-Ата, Ак-Тилек, Мурас-Ордо, Калыс-Ордо, Жеңиш, Көлмө конуштарынын 18ден 65 жашка чейинки 1990 тургуну катышкан.

Президент Сооронбай Жээнбеков принял министра внутренних дел Кашкара Джунушалиева - Sputnik Кыргызстан
Эки ирет Атамбаевдин каарына калып... Кашкар Жунушалиев тууралуу 7 факты
Изилдөө өткөн жылдын ноябрь-декабрь айларында БУУнун Баңгизат жана кылмыштуулук боюнча Кыргызстандагы башкармалыгынын колдоосу менен жүргүзүлгөн.

Анкетанын бир бөлүгү айрым себептер менен милицияга кайрылууну эп көрбөгөндөргө арналган. Сурамжылоого катышкан бишкектиктердин 29 пайызы укук коргоо органдарына арыз жазбаганын айткан. Анткени алар "милицияга кайрылуунун пайдасы жок", "эч кандай чара колдонулбайт" деп эсептешет. Жаңы конуштун тургундары дагы ушундай эле позицияны карманары белгилүү болду.

Ошол эле учурда милициянын көңүл кош мамилесинен улам даттангысы келбегендер да бар. Мисалы, суралгандардын 26 пайызы кылмышкердин келтирген зыяны анчалык олуттуу болбогону үчүн арыз жазуудан баш тарткан. Ал эми 20 пайызы маселени өз алдынча чечүүгө аракет кылган.

Милиция кызматкерлери. Архив - Sputnik Кыргызстан
Милиционерлер айлаңызды кетирип опузаласа... Арызданчу номерлер
Милицияга кайрылгандардын 61 пайызы эч кандай майнап чыкпаганын билдирген. Муну кылмышкерлер эркиндикте кенен жүрүп, жоголгон буюмдар табылган эмес деп түшүнүүгө болот.

Сурамжылоого катышкандардын жарымынан көбү (54 пайызы) милициянын ишине канааттанбайт. Белгилей кетчү жагдай, жаңы конуштардын тургундары укук коргоо органдарынын ишинин сапатына шектенүү менен карашат.

Катышуучулардын сегиз пайызынын милиционерлерге иши түшкөн, алардын ичинен 30 пайызы тартип сакчылары пара талап кылганын айткан. Деген менен ар бир онунчу жаран пара берүүгө өзү кызыкдар болгонун моюндаган.

Жаңылыктар түрмөгү
0