Акча. Архивдик сүрөт

Депутат: бюджеттин маданият үчүн каралган 3%ы да толук берилбейт

73
Азыркы тапта Жогорку Кеңештин тармактык комитеттеринде 2020-жылдын бюджетин бекитүү маселеси каралып жатат.

БИШКЕК, 29-окт. — Sputnik. Кыргызстандын 2020-жылдагы мамлекеттик бюджеттин кирешесин 183 миллиард 708,1 миллион сом деп бекитүү каралууда. Аталган суммага чет өлкөдөн алынган гранттар да кошулган. Бул тууралуу Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин жыйынында маалымдалды.

Анда эл өкүлдөрү "Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндөгү" мыйзам долбоорун талкуулаган.

Каржы министри Бактыгүл Жээбаева республикалык бюджеттин 1,7 миллиард сому социалдык тармактарга бөлүнөрүн билдирди.

Талкуунун жүрүшүндө депутат Садык Шер-Нияз бюджеттен маданият тармагына каралган үч пайыздык каржылоо дагы деле толук кандуу ишке ашпай жаткандыгына кейиди.

"Бөлүнгөн аз каражаттын айынан маданият, адабият жаатында жаңы жылдыздар жаралбай эле шагыраган сайдын ташындай саясатчылар арбып жатканы коңшулардын алдында ыңгайсыз кылууда. Министрлер сооротуучу жооптору менен жомок айтпашы керек", — деди Шер-Нияз.

Белгилей кетсек, азыркы тапта Жогорку Кеңештин тармактык комитеттеринде 2020-жылдын бюджетин бекитүү маселеси каралып жатат. Эгер колдоо тапса парламенттин жалпы жыйынына алынып чыгат.

73
Белгилер:
бюджет, киреше, маданият, каржылык
Тема боюнча
Бишкек мэриясы 6 айда канча каражат таап, аны эмнеге жумшаганы айтылды
Кыргызстан 9 ай ичинде мамлекеттик карызына канча төлөдү
2020-жылкы шайлоолорго бюджеттен канча акча кетет? Расмий түшүндүрмө

Шуулдаган парашют, айланган жер... Россиялык десантчылардын видеосу

71
(жаңыланган 21:45 09.08.2020)
Россиянын Коргоонуу министрлиги Туладагы Аба-десант гвардиясынын аскерлеринин парашюттан машыгуу учурунда секирген видеосун жарыялады.

Аталган кезектеги иш-чара Клоково аэродромунда жасалган. Аскерлер Туланын Слободка деген аймагынын жанына секирген.

Россиялык Су-27 АКШнын тыңчы учагын кайра кайтарды

Видеодон секире турган адамдын учактан абаны көздөй аттагандыгын көрүүгө болот. Бул ар бир адамды ар кандай абалга салган абал. Бирөөлөр ичиркенип жүрөгү шуу десе, экинчилерине адреналин. Видеодо парашютчунун асманда АН-2 учагынын ичинен сыртты көздөй кадам таштап, андан соң кескин айланып, андан кийин жаай каалгый жерди көздөй бараткан учурларды жана финалды, талаага келип түшкөн учурларды ырааттуу көрүүгө болот.

71
Белгилер:
парашют, Аскер, Россия
Тема боюнча
Кемелер парады. Россияда Аскер-деңиз флотунун күнүн белгилешти. Видео

Дүйшөмбүгө карата аба ырайы

85
10-августта түнкүсүн республиканын көпчүлүк аймактарында жамгыр жаап, күн күркүрөйт. Нөшөрдөн улам республиканын тоолуу жана тоо этектериндеги райондорунда сел жүрүшү мүмкүн.

БИШКЕК, 9-авг. — Sputnik. Эртең,10-августта, Кыргызстандын бир нече аймактарында күн 36 градуска чейин ысыйт. Бул тууралуу Кыргызгидромет билдирди.

Нарын, Ысык-Көл аймактарында жана республиканын тоолуу жерлерине жамгыр жаап, күн күркүрөйт. Ош, Жалал-Абад, Чүй өрөөндөрүндө жана Баткен, Таласта жаан-чачын болбойт. Маалыматка ылайык, батыштан соккон шамалдын ылдамдыгы секундасына 4-9 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүй өрөөнүндө +30...+35, Талас жергесинде +28...+33, Ош, Жалал-Абад, Баткен облустарында +31...+36, Ысык-Көлдө +21...+26 жана Нарын аймагында +22...+27 градус болору айтылды.

Күндүн табы Бишкекте +33...+35, Ош шаарында +34...+36, ал эми Чолпон-Атада +23...+25 градуска чейин жетет.

85
Белгилер:
аба ырайы, Кыргызстан
Тема боюнча
Август ысык болобу? Бир айга карата аба ырайынын божомолу