Жыландын уулуу заттары. Архивдик сүрөт

Өкмөт уулуу заттарды колдонуунун эрежесин бекитти

57
Аталган эреже өлкөдө таасири күчтүү уулуу заттарды колдонууда коопсуздукту камсыз кылуу, авариялык кырдаалдардын тобокелчилигин төмөндөтүү, жарандардын өмүрүн жана ден соолугун сактоо максатында кабыл алынды.

БИШКЕК, 30-окт. — Sputnik. Кыргызстанда таасири күчтүү уулуу заттарды колдонуудагы коопсуздук эрежелери бекитилди. Бул тууралуу өкмөттүн маалымат кызматынан кабарлашты.

Тийиштүү чечимге премьер-министр Мухаммедкалый Абылгазиев кол койгон.

"Бул чечим коопсуздукту камсыз кылуу, авариялык кырдаалдардын тобокелчилигин төмөндөтүү, жарандардын өмүрүн жана ден соолугун сактоо максатында кабыл алынды. Аталган коопсуздук эрежесин иштеп чыгууда Евразия экономикалык биримдигинин талаптары жана техникалык жөнгө салуунун эл аралык тажрыйбасы эске алынды", — деп айтылат маалыматта.

Премьер-министр Мухаммедкалый Абылгазиев. Архивдик сүрөт
© Фото / пресс-служба правительства / Алишер Алиев
Белгилей кетүүчү жагдай, коопсуздук эрежелеринин редакциясы толугу менен өкмөттүн 1999-жылдын 21-сентябрындагы №513 токтому менен бекитилген. Ал өзүнө уулуу заттарды алуунун, өткөрүүнүн, сактоонун, эсебин жүргүзүүнүн жана ташуунун тартиби жөнүндө көрсөтмөнү камтыйт.

Маалыматта коопсуздук эрежелери баңгизаттар, психотроптук заттар жана пестициддерге байланыштуу болгон процесстерде колдонулбай турганы айтылат. Ошондой эле өлкөнүн мыйзамдарына жана эл аралык келишимдерге карама-каршы келбейт.

Кабыл алынган эреже бардык объектилерди техникалык жактан жөнгө салууга, аварияга каршы туруктуулугун жогорулатууга, ишкерликтеги тобокелчиликтердин деңгээлин азайтууга жана атамекендик, чет өлкөлүк инвесторлор үчүн бул объектилердин коопсуздук жаатындагы шарттарын жакшыртууга мүмкүнчүлүктөрдү түзөт.

57
Белгилер:
эреже, уулуу заттар, өкмөт, Мухаммедкалый Абылгазиев, Кыргызстан
Тема боюнча
ЕАЭБ өлкөлөрүндө негизги азык-түлүктүн баасы канча? Статистика
Абылгазиев: ЕАЭБ өлкөлөрү бири-биринин шартын түшүнүп иш кылышы керек