Хэллоуинге карата АКШнын президенти Дональд Трамп жана биринчи айым Мелания Ак үйдүн аймагында майрамдык салтанат уюштурду

Трамп АКШлык аял асырап алган кыргыз кызын Ак үйгө чакырды. Сүрөт

(жаңыланган 16:20 31.10.2019)
АКШнын президенти жана жубайы болуп түшкөн кичинекей кыздын сүрөтүн багып алган энеси Facebook баракчасына жарыялады.

БИШКЕК, 30-окт. — Sputnik. Хэллоуинге карата АКШнын президенти Дональд Трамп жана биринчи айым Мелания Ак үйдүн аймагында майрамдык салтанат уюштурду.

Иш-чарага чакырылгандардын арасында Кыргызстандан алып кетип, америкалык аял багып алган сегиз жашар Хайден да болду. Бөбөктү Памела Аллен мындан жети жыл илгери алып кеткен.

Дональд Трамп жана биринчи айым Мелания болуп түшкөн кызынын сүрөтүн энеси Facebook тармагындагы баракчасына жарыялады.

Памела Аллен чоңоюп калган кызынын сүрөтүн койгон.

Алгач кызды АКШга алып кеткенге чейин Анаркүл деп аташкан.

National Council for Adoption деп аталган бейөкмөт уюмдун сайтындагы маалыматтарга таянсак, америкалык үй-бүлө кызды багып алууга 2007-жылы арыз жөнөткөн. Анткен менен процесс беш жылга созулган.

Белгилер:
Ак үй, Хэллоуин, Дональд Трамп, Кыргызстан, АКШ
Тема боюнча
Француздар багып алган кыргыз баланын агасы Акылбек: иним апама окшош экен
Президент Кыргызской Республики Садыр Жапаров. 24 марта 2021 года

Президент Садыр Жапаров Мария Айтматованын жакындарына көңүл айтты

(жаңыланган 20:07 20.04.2021)
Маркум быйыл июль айында 79 жашка чыкмак. Айрым маалыматтарга караганда, Мария Айтматова ооруканада көз жумган.

БИШКЕК, 20-апр. — Sputnik. Улуу жазуучу Чыңгыз Айтматовдун жубайы Мария Айтматова дүйнөдөн кайткандыгына байланыштуу мамлекет башчы Садыр Жапаров маркумдун жакындарына көңүл айтты. Бул тууралуу президенттин маалымат кызматынан билдиришти.

"Мария Айтматованын дүйнөдөн кайткандыгы жөнүндө суук кабарды терең кайгыруу менен кабыл алдым. Бул — анын үй-бүлөсү жана туугандары үчүн гана эмес, баарыбыз үчүн чоң жоготуу. Мария Айтматова биздин эсибизде камкор эне, үй-бүлө очогунун сактоочусу, ошондой эле Кыргызстанды бүткүл дүйнөгө даңазалаган улуу жазуучунун жашоосундагы сүйүктүү жары жана ишенимдүү жубайы катары түбөлүккө калат. Айтматовдордун үй-бүлөсүнө, жакындарына жана туугандарына дагы бир жолу терең кайгыруу менен көңүл айтам", — деди Жапаров.

Маркум быйыл июль айында 79 жашка чыкмак. Айрым маалыматтарга караганда, Мария Айтматова ооруканада көз жумган.

Саламаттык сактоо министрлигинин имараты. Архив

Министрлик Бишкекте уу коргошунга адамдар ууланганын тастыктап, чоо-жайын айтты

(жаңыланган 20:05 20.04.2021)
Ооруканага түшкөн 71 жана 67 жаштагы жубайлар кечээ аконит тундурмасын көбүрөөк дозада ичип алганын айтышкан.

БИШКЕК, 20-апр. — Sputnik. Борбор калаада эки адам уу коргошунга ууланып ооруканага түштү. Бул тууралуу Саламаттык сактоо жана социалдык өнүктүрүү министрлигинен билдиришти.

Алар бүгүн, 20-апрелде, Бишкектеги Травматология жана ортопедия илим-изилдөө борборунун Токсикология бөлүмүнө жаткырылган.

"Уулангандар 71 жана 67 жаштагы жубайлар болгон. Алдын ала диагнозу "аконитке уулануу, аритмогендик шок" деп коюлду. Бейтаптар узак убакыттан бери тундурманы ичип келгенин, күйөөсү жаңы ичип баштагандыктан кечээ дозасын көбөйткөнүн айтышкан. Ооруканада тиешелүү дарылануудан кийин алардын жүрөк-кан тамырынын иштөөсү калыбына келип, экөөнүн тең абалы турукташты. Интенсивдүү терапия уланууда", — деп айтылат маалыматта.

Министрлик уу коргошунга ууланды делген дагы бир бейтап боюнча маалымат берди. Ал да бүгүн Тез жардам кызматынын унаасы менен Улуттук кардиология жана терапия борборуна түшкөн.

"63 жаштагы кишинин жүрөгүнүн согушу солгундап, жүрөгү айланып, кусуп, алсырап, өтө оор абалда жандандыруу бөлүмүнө жаткырылды. Алдын ала диагнозу "белгисиз заттан ууланган" деп айтылууда. Азыркы учурда абалы туруктуу, интенсивдүү терапия уланууда", — деп билдирди министрлик.

Бейтаптын каны жана заарасы алынып, лабораториялык-диагностикалык изилдөө жүргүзүү үчүн Республикалык соттук-медициналык экспертиза бөлүмүнө жөнөтүлгөн.

Буга чейин Бишкектин Тез жардам кызматы уу коргошунга ууланган киши ооруканага жеткирилгенин билдирген.

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Белгилер:
уулануу, уу коргошун, Бишкек
Тема:
Уу коргошун чуусу
Тема боюнча
Уу коргошун менен дарыланган адам өлүп калса ким жооп берет? Министрдин жообу
ЖКнын тармактык комитети министр Бейшеналиевди иштен алуу чечимин кабыл алды