Милиция кызматкеринин баш кийими. Архив

Тең ата сүйлөшсүн! Баткен милициясынын башчысына генералдыкты берүү сунушталды

1674
(жаңыланган 14:45 31.10.2019)
Депутаттын айтымында, чек арадагы ар кандай кырдаалдар боюнча сүйлөшүүгө келгенде Кыргызстандын өкүлдөрү моралдык жактан ыңгайсыз болуп жатат.

БИШКЕК, 31-окт. — Sputnik. Жогорку Кеңештин депутаты Алиярбек Абжалиев парламенттин жалпы жыйынында Баткен облустук милициясынын жетекчисине генерал наамын берүү керектигин белгиледи.

Абжалиев чек арага байланышкан ар кандай кырдаалдар боюнча сүйлөшүүлөрдү, жолугушууларды өткөргөндө коңшу мамлекеттен эки-үч генерал келерин, биздикилер полковник гана болгондуктан тең ата сүйлөшүүдө моралдык жактан ыңгайсыздык жараларын кошумчалады.

"Негизи Баткендеги ОИИБдин башчылыгы — генералдык кызмат. Азыр ал жактагылар жалаң полковник. Сүйлөшүү учурунда "Урматтуу, жолдош полковник" деп кайрылганда моралдык ыңгайсыздык бар экен. Баткен милициясынын жетекчисине министрдин орун басары - ОИИБдин жетечиси деген статус берип, бул жактан генералды жөнөтүү керек, же болбосо ОИББдин жетекчисине генералдык наамды бериш керек", — деди.

Депутат чек арадагы коңшу мамлекеттин Исфара шаарында генерал отурганын айтып, бул маселени карап, чечүү керектигин белгиледи.

1674
Белгилер:
статус, генерал, Баткен, Алиярбек Абжалиев, Жогорку Кеңеш
Тема боюнча
Террорчулар кыргыз көрүстөнүн тебелеп-тепсеп... Баткенчи жоокердин маеги
Кыргызстан футбол курамасы. Архивдик сүрөт

Дүйнө чемпионатына жолдомо: КР футболчуларынын оюнга чыкчу күндөрү айтылды

15
Мурдагы график боюнча Кыргызстан командасынын тандап алуу турлары марттан июнь айына чейин өтүшү керек эле, бирок коронавирус пандемиясынан улам жылдырылган.

БИШКЕК, 7-июн. — Sputnik. Кыргызстан футбол союзу 2022-жылкы Дүйнө чемпионатына тандап алуу оюндардын боюнча болжолдуу датасын жарыялады.

Улуттук курама команда өткөн жылы Тажикстан, Мьянма, Монголия, Япония өлкөлөрүнүн футболчулары менен төрт жолу беттешкен. Ал эми экинчи айлампада 2019-жылы ноябрь айында Тажикстан менен ойногон. Калган таймаштар март-июнь айларына белгиленген болчу. Бирок коронавирус пандемиясынан улам мелдештер жылган.

Мындан улам оюндарды күздө өткөрүү пландалууда.

  • Мьянма — Кыргызстан (конокто) — 13-октябрь;
  • Кыргызстан — Монголия (өз үйүндө) — 12-ноябрь;
  • Япония — Кыргызстан (конокто) — 17-ноябрь.

Учурда F тайпасында Кыргызстан экинчи орунда турат.

15
Белгилер:
график, дүйнө чемпионаты, дүйнө, оюн, футбол, Кыргызстан
Тема боюнча
Франциялык футболчу дүйнө чемпионатында алган алтын медалын сатып жиберди
Кирешеси 1 млрд. долларга жете турган биринчи футболчунун ысымы аталды
Facebook соцтармагы. Архивдик сүрөт

Facebook расизмге каршы аракет көрө баштады

13
Жакында эле дүйнөлүк ЖМКлар Facebook афроамерикалыктарды кемсинткен постторду жазган 190 миң аккаунтту өчүрүп салганын жазды.

БИШКЕК, 7-июн. — Sputnik. Facebook компаниясынын жетекчиси Марк Цукерберг афроамерикалык Жорж Флойддун өлүмүнөн кийин өзү негиздеген социалдык тармак расалык теңчилик боюнча жаңы саясат баштаарын билдирди. Бул тууралуу "Известия" басылмасы жазды.

"Биз расалык теңчиликке үгүттөө  боюнча жаңы кадамдарды таштай баштадык. Албетте, АКШдагы жана дүйнөдөгү улутчулдукту жана теңсиздикти жеңүү кыйын, бирок биз бул нерсеге кичинекей болсо дагы салым кошушубуз керек", — деди Цукерберг.

Анын айтымында, теңсиздик, бийлик тараптан коркутуп-үркүтүү боюнча билдирүүлөргө карата жаңы талаптар жана жоопкерчилик иштелип чыгат.

"Компаниянын азыркы саясаты деле зордук-зомбулукка жол бербейт. Кайсы бир тарапка карата зомбулук тууралуу пост болсо, аны жок кылып салуу туура деп ойлойбуз. Дагы талкуулар болуп жатат", — деди компания негиздөөчүсү.

Жакында эле дүйнөлүк ЖМКлар Facebook афроамерикалыктарды кемсинткен постторду жазган 190 миң аккаунтту өчүрүп салганын кабарлады.

Эске салсак, Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

13
Белгилер:
Марк Цукерберг, Facebook, АКШ
Тема боюнча
Кокусунан кетирген катадай эмес. Facebook неге актанды?
АКШ соту Facebook компаниясын 5 млрд. доллар айыпка жыкты. Себеби