Чолпон-Ата шаарындагы Рух Ордо комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду.

Чолпон-Атадагы "Рух Ордого" Турдакун Усубалиевдин эстелиги коюлду

1026
(жаңыланган 14:22 02.11.2019)
Көрүнүктүү мамлекеттик ишмердин 100 жылдыгы өлкөнүн булуң-бурчунда белгиленип, бир топ иш-чаралар өтүүдө.

БИШКЕК, 2-ноя. — Sputnik. Чолпон-Ата шаарындагы "Рух Ордо" комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду.

Эстеликтин ачылыш аземи бүгүн, 2-ноябрда, болду. Аталган иш-чарага коомдук ишмерлер жана бийлик өкүлдөрү, президенттик аппараттын жетекчисинин орун басары Курманбек Дыйканбаев, өкмөттүн Ысык-Көл облусундагы өкүлү Акылбек Осмоналиев катышты.

  • На территории культурно-этнографического комплекса Рух Ордо в Чолпон-Ате состоялось открытие статуи герою Кыргызской Республики, государственному деятелю Турдакуну Усубалиеву
    Чолпон-Ата шаарындагы "Рух Ордо" комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду.
    © Фото / пресс-служба полпредства правительства в Иссык-Кульской области
  • На территории культурно-этнографического комплекса Рух Ордо в Чолпон-Ате состоялось открытие статуи герою Кыргызской Республики, государственному деятелю Турдакуну Усубалиеву
    Эстеликтин ачылыш аземи бүгүн, 2-ноябрда, болду. Аталган иш-чарага коомдук ишмерлер жана бийлик өкүлдөрү, президенттик аппараттын жетекчисинин орун басары Курманбек Дыйканбаев, өкмөттүн Ысык-Көл облусундагы өкүлү Акылбек Осмоналиев катышты.
    © Фото / пресс-служба полпредства правительства в Иссык-Кульской области
1 / 2
© Фото / пресс-служба полпредства правительства в Иссык-Кульской области
Чолпон-Ата шаарындагы "Рух Ордо" комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду.

Мамлекеттик ишмердин айкели демөөрчүлөр тарабынан жасалып, 100 жылдык мааракесине карата тургузулган.

Туурдакун Усубалиев 1961-жылдан 1986-жылга чейин Кыргызстан Компартиясынын борбордук комитетинин биринчи секретары болуп иштеген. Тагыраагы, Кыргызстанды 25 жыл жетектеп турган. Ал 2015-жылы 7-сентябрда 96 жашында узак оорудан кийин дүйнө салды.

Көрүнүктүү мамлекеттик ишмердин 100 жылдыгы өлкөнүн булуң-бурчунда белгиленип, ага карата бир топ иш-чаралар уюштурулууда.

1026
Белгилер:
"Рух-Ордо" маданий борбору, айкел, эскерүү, Турдакун Усубалиев
Тема боюнча
"Ак таажычан падышанын" 100 жылдыгы: Бишкекте көргөзмө өтөт
Өкмөт Турдакун Усубалиевдин 100 жылдыгын кантип өткөрүп жатканын айтты
Өмүрү жана тагдыры. Турдакун Усубалиев тууралуу китеп жарык көрдү

Брюс Лини туураган Нурмухаммед өзгөчө өнөрү менен рекорд койду. Видео

43
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

43
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео
Тазалык ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

Бишкекте таңда унаа коюп, ооруканага түшкөн "Тазалыкчынын" абалы айтылды

24
(жаңыланган 18:19 01.03.2021)
Бир нече күн мурун ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

БИШКЕК, 1-мар. — Sputnik. Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди. Бул тууралуу мэриянын маалымат кызматы кабарлады.

Билдирмеге ылайык, бир нече күн мурун таңкы саат 6:30да ишкананын кызматкери Мадина Токобаева апасы Жылдыз Орозалиева менен Каралаев жана Сүйөркулов көчөлөрүнүн кесилишиндеги жолду тазалап жатышкан.

"Эки кызматкер тең өңү чагылышып турган атайын жилеттерди кийгени менен Каралаев көчөсү менен түштүк-чыгыш тараптан катуу ылдамдыкта келе жаткан BMW үлгүсүндөгү кара түстөгү унаа Мадина Токобаеваны сүзүп кеткен. Ал бети-башы канжалап, эс-учун жоготуп жатып калган. Энеси айдоочунун унаасынын номерин караганга жетишкен эмес, ал из жашырып кеткен", — деп айтылат маалыматта.

Токобаева Тез жардам кызматынын унаасында эсине келген, учурда Бишкек шаардык травматология жана ортопедия илим-изилдөө борборунда дарыланууда. Мээси чайкалып, буту сынып, көзү-башы көгөрүп, шишигени белгилүү болду. 

Исполняющий обязанности мэра Бактыбек Кудайбергенов навестил работницу муниципального предприятия Тазалык, пострадавшую в результате наезда
© пресс-служба мэрии города Бишкек
Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди
"Бүгүн мэрдин милдетин аткаруучу Бактыбек Кудайбергенов жана вице-мэр Жамалбек Ырсалиев ооруканага келип кызматкердин абалын билип кетти. Кыздын абалы бир аз жакшырып, өз алдынча отуруп калды", — деп жазылган билдирмеде.

Мэрия кошумчалагандай, жол кырсыгынан кийин айдоочунун тууганы делген Фархад аттуу адам Токобаеванын дарылануусуна жардам бергени айтылган. Рулда 17 жаштагы бала болгон. Жол кырсыгынын себеби аныкталып жатат.

Ошондой эле "Тазалыктын" кызматкерлери камсыздандырылганы, ишкана материалдык жардам көрсөткөнү белгиленди.

24
Белгилер:
мэр, жол кырсык, кызматкер, МП "Тазалык", Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда тайгаланган автоунаа арыкка түшүп кетти. Видео
Бишкекте Subaru түркүктү сүзүп, ал унаанын үстүнө кулаган. Кырсыктын видеосу