Аралашчу болсо мага айткыла! Жээнбеков бийликтеги туугандары тууралуу
(жаңыланган 20:32 02.11.2019)
Мамлекет башчы буга чейин 11 бир тууган экенин, анын үчөө каза болуп калганын айткан. Учурда бир агасы — элчи, иниси — депутат.БИШКЕК, 2-ноя. — Sputnik. Эл кландык башкарууну, балдары, аялы бийлеген бийликти башынан өткөрдү, мен андайга жол бербейм. Бул туурасында президент Сооронбай Жээнбеков ЖМКнын жетекчилери менен жолукканда билдирди.
Мамлекет башчыга анын бийликтеги туугандары ишине кийгилишип же таасирин тийгизбейби деген суроо берилген.
"Мен кландык башкарууга, аялы, балдары аралашкан саясатка күбө болгом, андайга жол бербейм. Мен такыр башкача тарбия алгам. 12 жылдан бери намаз окуйм. Биз бир туугандар бири-бирибиздин ишибизге эч качан аралашпайбыз, бирок керек болгон учурда жардам беребиз. Менин туугандарым аркылуу кайсы бир ишин бүтүрүүгө аракет кылгандарга да чара колдоном. Эгер туугандарым кайсы бир ишке аралашып жаткан фактылар болсо да айткыла! Жаңылыктарды көрүп, гезиттерди окуп турам, кабардар болом", — деди Жээнбеков.Ошондой эле мамлекет башчы алыс-жакын "туугандары" табыла баштаганын да жашырган жок. Ал эми чечим кабыл аларда эч кимдин кийлигишүүсүз жеке өзү бүтүм чыгарарын баса белгиледи.
Сооронбай Жээнбеков буга чейин 11 бир тууган экенин, анын 8и азыр бар экенин айткан. Агасы Жусупбек Шарипов — Кыргызстандын Украина, Молдова, Румыния жана Болгариядагы элчиси. Иниси Асылбек Жээнбеков — Жогорку Кеңештин депутаты.
Белгилер:
Шейшембиге карата аба ырайы
БИШКЕК, 1-мар. — Sputnik. Шейшембиде күндүз өлкө боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Абанын температурасы Чүй облусунда +10…+15, Талас, Ош, Жалал-Абад, Баткен аймактарында +11…+16, Ысык-Көл жергесинде +4…+9, Нарын өрөөнүндө -1…+4 градус болору айтылды.
Бишкек жана Ош шаарларында жаан-чачын болбойт. Күндүн табы борбордо +13…+15, Ош шаарында +14…+16 градус болот.
Белгилер:
Сузакта 14 күндөн бери дайынсыз болуп жаткан киши изделүүдө. Сүрөт
БИШКЕК, 1-мар. — Sputnik. Жалал-Абад облусунун Сузак районундагы Арал айылынын 25 жаштагы тургуну Дастан Кубатбеков 14 күндөн бери дайынсыз болуп, милиция издөө салды. Бул туурасында Жалал-Абад облустук ички иштер башкармалыгынын маалымат катчысы Нурдин Жээнтаев билдирди.
©
Фото / УВД Джалал-Абадской области
Жалал-Абад облусунун Сузак районундагы Арал айылынын 25 жаштагы тургуну Дастан Кубатбеков 14 күндөн бери дайынсыз болуп, милиция издөө салды
"Кубатбеков Дастан Замирбекович 16-февраль күнү саат 10:30 чамасында жашаган үйүнөн чыгып кеткен. Учурда Дастан Кубатбековдун жүргөн жерин аныктоого мүмкүнчүлүк болбой жаткандыгына байланыштуу туугандары жана облустук милиция аны табууга коомчулуктан жардам сурайт", — деп айтылган маалыматта.Белгилери: бою 160-165 см, ак жүздүү, чачы, көзү кара, орто дене түзүлүштө, III топтогу майып, эки кулагы укпайт, сүйлөй албайт (дудук), эки көзү кылый.
Кийген кийимдери: башында боз түстөгү шапка, үстүндө кара өңдөгү жемпир, кызыл жилет, күрөң шым, бутунда жашыл резина өтүк болгон.
Милиция дайынсыз болуп жаткан Кубатбеков тууралуу кандайдыр бир маалымат болсо 102, (03748) 5-02-09, (0778) 15-15-91, (0558) 16-16-91 телефон номерлери аркылуу кабарлап коюуну суранды.
Лукашенконун уулуна генерал наамы берилди
БИШКЕК, 1-мар. — Sputnik. Беларусь президенти Александр Лукашенконун улуу баласы Виктор Лукашенкого запастагы генерал-майор наамы берилди. Бул тууралуу РИА Новости аталган президенттин маалымат кызматынын сайтына таянып кабарлады.
"Полковниктер Владимир Куприянюк, Роман Подлинев, Николай Карпенков, Дмитрий Шахраев, Андрей Павлюченкого кезектеги генерал-майор наамы, ал эми Виктор Лукашенкого запастагы генерал-майор наамы ыйгарылды", — деп айтылат маалыматта.
Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.
"Анда Беларусь башчысы бийликти өзүнүн балдарына берүү боюнча маалыматты четке каккан. Тагыраагы, кеп бул жерде улуу баласы туурасында жүргөн. Мамлекет башчысы Виктор Лукашенко УОК жетекчилигине шайлангандан кийин мамлекеттик кызматкер болбой тургандыгын, аны президенттин улуттук коопсуздук боюнча жардамчылыгынан бошотушарын айткан", — деп жазды РИА Новости.
Беларусь президенти Лукашенко буга чейин жаңы Конституция кабыл алынгандан кийин мамлекет башчысы болбой турганын жар салды.