ЖАМК кызматкерлери. Архив

ИИМдин айыптоолоруна ЖАМК жооп кайтарып, милиционерлерди сындады

246
(жаңыланган 14:59 03.11.2019)
Коомчулукту дүрбөлөңгө салган окуядан кийин ЖАМК менен ИИМ ортосунда талаш жаралды. Эки мамлекеттик орган жатак абагына которулган соттолуучулардын кайра кылмышка барып жаткандыгына кимдер күнөөлүү экендигин талашууда.

БИШКЕК, 3-ноя. — Sputnik. Эгер участкалык милиционерлер соттолгондордун мыйзам бузганын өз убагында кабарлап турса, жатак абагынан жаза өтөө мекемелерине которулгандардын саны көбөймөк. Бул тууралуу Жаза аткаруу мамлекеттик кызматынан билдиришти.

Буга чейин Ички иштер министрлиги тарабынан сөөгү "Манас" аэропортунан табылган кишинин өлүмүнө шектелип кармалгандар жатак-колониясында жазасын өтөп жаткандар экенин, абак жетекчилеринин шалаакылыгынан улам кылмышка жол берилгени маалымдалган.

Ал эми ЖАМК бир жылдан ашык убакыт аралыгында соттолгон 74 адам мыйзамды сактабагандыгы үчүн жатак абагынан жаза өтөө мекемесине которулгандыгын кабарлады.

"Эгер ыйгарым укуктуу участкалык милиционерлер кесилгендердин түрдүү былыктарын өз убагында кабарлап турса, жатак абагынан катуу жана жалпы жаза өтөө мекемелерине которулгандардын саны кескин көбөйөт", — деп ЖАМКдан билдиришти.

Кимдерди жатак абагына которсо болот же болбойт?

  • Жаза аткаруу мамлекеттик кызматы камактагыларды которуу жобосун да түшүндүрүп берди. Мыйзамга ылайык, төмөндөгү жагдайларда кесилгендер жатак абагына катталат:
  • оор эмес, анча оор эмес кылмыштар үчүн жазасынын төрттөн бир бөлүгүнөн көбүрөөгүн өтөсө;
  • оор кылмыш жасап өз мөөнөтүнүн үчтөн бир бөлүгүнөн көбүрөөк убакыт камакта болсо;
  • өзгөчө оор кылмышка барса, шарттуу эркинен ажыратылып бирок кайра мыйзам жоопкерчилигине тартылып камакта өз мөөнөтүнүн үчтөн эки бөлүгүн өтөсө.

Кылмышкер жатак абагына кандай жагдайларда которулбайт:

  • өмүр бою эркинен ажыратылса;
  • соттолуучу террористтик, экстремисттик мүнөздөгү беренелер менен кесилсе;
  • кылмыштуу топ же уюмдун курамына кирип эркинен ажыратылса;
  • жашы жете электерге карата оор же өтө оор кылмыш жасаса.

Эркинен ажыратылгандар жаза аткаруу мекемесинин жетекчисине арыз менен кайрылат. Андан соң гана жатак абагына которуу маселесин атайын комиссия карайт.

Азыркы маалда ЖАМКтын атайын комиссиясына 1 413 материал боюнча кайрылуу түшүп, 907 адам жатак абагына которулду.

246
Белгилер:
түрмө, ЖАМК, Кыргызстан
Тема боюнча
Аэропортто киши өлтүрүп, сөөгүн багажникке салып кетти делгендер кармалды
ЖАМК Башкы прокуратуранын койгон дооматына жооп берди
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

91
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

91
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди
Чүй өрөөнү. Архивдик сүрөт

Жекшембиге карата аба ырайы

29
Түнкүсүн Чүй, Жалал-Абад, Ош облустарынын тоолуу райондорунда жана Ысык-Көл менен Нарын жергесинин кээ бир өрөөндөрүндө өткүн өтүп, күн күркүрөйт.

БИШКЕК, 30-май — Sputnik. 31-майда Жалал-Абад, Ош жана Баткен облустарынын тоо этектеринде жана тоолуу райондорунда өткүн өтүп, күн күркүрөшү күтүлөт. Ал эми калган аймактарда күн ачык болот. Бул тууралуу Кыргызгидромет маалымдады.

Түндүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге чейин жетет.

Абанын температурасы Талас менен Чүй өрөөнүндө +28…+33 градус, Ош, Баткен, Жалал-Абад облустарында +30…+35 жана Ысык-Көл менен Нарын жергесинде +23…+28 градус ысык болору айтылды.

Ал эми күндүн табы Бишкек шаарында +30…+32 градуска чейин көтөрүлсө, Ошто +33…+35 градуска дейре жогорулайт.

29
Белгилер:
май, аба ырайы, Кыргызстан
Тема боюнча
Аптанын соңунда жаан жаайт. Бир жумага карата аба ырайы
Министр: туристтер Ысык-Көлгө эч тоскоолдуксуз кире алат