Президент Сооронбай Жээнбековдун ЖМК өкүлдөрү менен болгон жолугушуусу тууралуу ача пикирлер айтылды

Журналисттер кандай ойдо калышты? Президент менен жолуккандан кийинки 7 пикир

2931
(жаңыланган 18:45 04.11.2019)
Жээнбековдун жалпыга маалымдоо каражаттарынын өкүлдөрү менен болгон жолугушуусу тууралуу коомчулукта бир топ кеп болду. Аталган иш-чарада көшөгө артында эмнелер болгондугун билүүнү чечтик.

БИШКЕК, 4-ноя. — Sputnik. Президент Сооронбай Жээнбековдун ЖМК өкүлдөрү менен болгон жолугушуусу тууралуу ача пикирлер айтылды. Бир катарлары мамлекет башчы өзүн оор басырыктуу кармап, ишенимдүү алып отурду десе, бир даары анын жоопторунда конкреттүүлүк жетишпей жатты дешти...

Sputnik Кыргызстан эл аралык маалымат агенттиги менен радиосунун жетекчиси Елена Череменина: 

Руководитель международного информационного агентства и радио Sputnik Кыргызстан Елена Череменина
© Пресс-служба президента КР / Султан Досалиев
Sputnik Кыргызстан эл аралык маалымат агенттиги менен радиосунун жетекчиси Елена Череменина

— Президент Сооронбай Жээнбеков ЖМК жетекчилери менен жолукканда бардык нерсеге көңүл буруп, өзүн ишенимдүү жана жай алып отурду. Бардык журналисттерге бирдей, урматтоо менен мамиле жасап, бирөөнү алыс, башка бирөөнү жакын кармап мамиле жасаган жок. Жээнбеков дээрлик бардык сайттар менен гезиттерди окуй тургандыгын, ал эми анын командасы басылмалардагы сын-пикирге реакция жасаганга аракеттенерин билдирди.

Кыргызстандын президенти Сооронбай Жээнбеков
© Пресс-служба президента КР / Султан Досалиев
Мамлекет башчы бардыгына, ал тургай жагымсыз суроолорго да жооп берди, кээде тамашалап отурду. Маселен, президенттик укуктарын кеңейтүү үчүн Конституцияга өзгөртүү киргизүү боюнча референдум өткөрүү ниети бар-жогун сурашканда, "эмне, ошондой кылса болобу?"— деп жооп берди.

Ал, мындан сырткары, парламенттик республиканы мындан ары өнүктүрүү жана сот реформасын аягына чыгаруу боюнча так позициясын айтып берди. Буга дубандардын экономикасын өнүктүрүү жана чек арага жакын аймактардын маселелерин чечүүнү да киргизгени айкын болду.

ЭлТР каналынын башкы директору Айбек Мусаев: 

Генеральный директор канала ЭлТР Айбек Мусаев на встрече с президентом
© Пресс-служба президента КР / Султан Досалиев
ЭлТР каналынын башкы директору Айбек Мусаев

— Баары ачык-айкын болду, журналисттер коомчулукту тынчсыздандырган суроолорду беришти. Райым Матраимовду, анын үй-бүлөсүн жана сырткы саясатты да эстешти. Президент баарына так жооп берди. Эң башкысы, Сооронбай Жээнбеков Кыргызстандагы кландык башкарууга жооп бербей тургандыгын айтты.

Kaktus.media сайтынын түптөөчүсү Дина Маслова: 

Учредитель сайта Kaktus.media Дина Маслова на встрече с президентом
© Пресс-служба президента КР / Султан Досалиев
Kaktus.media сайтынын түптөөчүсү Дина Маслова

— Президент Сооронбай Жээнбеков токтоо болуп отурду. Ал эч качан кишинин жеке өзүнө асылбайт. Анткен менен кээ бир — сот реформасы жана Атамбаев жөнүндө суроолор ал үчүн жагымсыз болгону сезилип турду. Конкреттүүлүк аз, жалпы сөздөр көп болду.

Эсимде өзгөчө сакталып калганы — Райым Матраимов туурасында суроо болду. Президент аны коррупциянын символуна айлантып салышканын, бирок фактылар жок экендигин айтты. Факты бербейсиңерби дегендей кылды. Бирок президентке фактыларды берүү журналисттердин иши эмес да. Бул тартип коргоо органдарына берилүүчү суроо. Биздин милдет — багытталган маселелерди көрсөтүп, айтуу.

France-Presse агенттигинин Кыргызстан боюнча кабарчысы Толкун Наматбаева: 

Корреспондент агентства France-Presse по Кыргызстану Толкун Наматбаева во время встречи с президентом
© Пресс-служба президента КР / Султан Досалиев
France-Presse агенттигинин Кыргызстан боюнча кабарчысы Толкун Наматбаева

— Мен Сооронбай Жээнбековдун маанайы жакшы экенин байкадым. Катуу сын камтылган ыңгайсыз суроолор берилгенде да колунан келишинче ачык жооп берүүгө аракет кылып жатты.

Менимче, ал мындай суроолорго, ошол эле кландык башкаруу, бир туугандары сыяктуу соболдорго даяр болчу. Баарлашуунун жүрүшү мага жакты.

Өлкө башчынын 12 жашынан тарта намаз окуй турганы абдан таң калтырды. Ушунун өзү эле анын кандай үй-бүлөдө өскөнүн көрсөтүп турат.

"Новые лица" гезитинин башкы редактору Лейла Саралаева: 

Главный редактор газеты Новые лица Лейла Саралаева во время встречи с президентом
© Пресс-служба президента КР / Султан Досалиев
"Новые лица" гезитинин башкы редактору Лейла Саралаева

— Курч суроолор дээрлик берилген жок. Жеке мен өзүм башка президенттер менен жолуккандагыдай эркиндикти сезген жокмун. Ал кезде биз эң эле ыңгайсыз суроолорду да бере алчубуз.

Кыргызстандын президенти Сооронбай Жээнбеков. Архив
© Пресс-служба президента КР / Султан Досалиев
Бирок сын айтчу журналисттердин баарын чакырышыптыр, мен да алардын катарындамын. Алмазбек Атамбаев тууралуу сурай турганымды баары эле билишчү. Суроо бере баштаганда токтотуп коюшабы деп корктум эле, бирок андай болгон жок, сөзүмдүн аягына чыга алдым.

Чынын айтсам, жолугушууга ичим чыккан жок, президенттин жооптору так болбой, жалпылап сүйлөдү. Бир да иштин жыйынтыгын айта албады, эч кандай программалык билдирүү да жасалган жок.

"НТС" телеканалынын башкы директору Миржан Балыбаев: 

Генеральный директор телеканала НТС Миржан Балыбаев во время встречи с президентом
© Пресс-служба президента КР / Султан Досалиев
"НТС" телеканалынын башкы директору Миржан Балыбаев

— Менин иштеп жатканыма жарым эле жыл болду, мындай иш-чарага да биринчи жолу катыштым.

Алгач суроолорго чек коюлбайт деп убадаланган болчу. Президентке курч суроолор бериле турганы айдан ачык эмес беле. Аларды коомчулук канчадан бери талкуулап келе жатат. Менимче, Сооронбай Жээнбеков мындай суроолордун баарына жооп берүүгө даяр болчу.

"Кабар" маалыматтык агенттигинин директору Кубан Табалдиев: 

Директор информационного агентства Кабар Кубан Таабалдиев во время встречи с президентом
© Пресс-служба президента КР / Султан Досалиев
"Кабар" маалыматтык агенттигинин директору Кубан Табалдиев

— Президенттин айткандарынын ичинен эң эле маанилүүсү болуп, менимче, Кытай — Кыргызстан — Өзбекстан темир жолунун курулушу тууралуу сөзү болду. Сооронбай Жээнбеков бул маселеге Россия да кошулганын белгиледи. Бул теманын чагылдырылып келе жатканына көп убакыт болсо дагы президент темир жол тууралуу биринчи жолу ачык айтты.

Жолугушуунун расмий бөлүгү эки жарым саатка созулду. Сооронбай Жээнбеков баарына сөз сүйлөөгө мүмкүнчүлүк берди. Алгач баарыбызга бирден гана суроо берүү айтылса, журналисттер 2-3 суроо берип жатышты. Расмий бөлүк аяктагандан кийин да ЖМК жетекчилери суроолорун токтоткон жок. Баарына жооп берди. Менимче, жолугушуу жылуу, жагымдуу маанайда өттү.

2931
Белгилер:
темир жол, Елена Череменина, ЖМК, жолугушуу, Сооронбай Жээнбеков
Тема боюнча
Жээнбеков: "Ата-Түрк" паркынан жер берилген, бирок үй курган эмесмин
Эч кимди аябайм! Жээнбеков сот реформасы кандайча жүрүп жатканын айтты
Аралашчу болсо мага айткыла! Жээнбеков бийликтеги туугандары тууралуу
Кой-Таштагы биринчи операция үчүн күч түзүмдөрү жазаланабы? Жээнбековдун жообу
Телефондо сүйлөшүп аткан адам. Архивдик сүрөт

Электрондук эсеп-фактура боюнча кайда кайрылса болот? Телефондор

3
(жаңыланган 21:56 07.07.2020)
Салык кызматы көрсөтүлгөн номерлер боюнча маалымат берүүдө жооптуу кызматкерлер туура эмес аракеттерге барса, (0312) 613186 номери аркылуу ишеним телефонуна кайрылууну өтүндү.

БИШКЕК, 7-июл. — Sputnik. Салык кызматы "Электрондук эсеп-фактура" маалыматтык системасынын иши тууралуу жооп бере турчу аймактардагы салык кызматкеринин телефон номерлерин жарыялады.

Эске салсак, 1-июлдан тарта электрондук эсеп-фактуралар, товарларды онлайн идентификациялоо каражаттары менен маркалоо жана май куюучу жайларды башкаруунун автоматташтырылган системасы ишке киргизилген.

Салык кызматы WhatsApp жана Telegram мессенджерлеринде адистештирилген топ түзүлгөнүн да билдирди.

"Мессенджерлердин жардамы менен КНС төлөөчүлөр, товарларды импорттоочулар жана экспорттоочулар электрондук эсеп-фактураны колдонууда пайда болгон бардык маселелер боюнча аймактык салык органына онлайн режиминде кайрыла алышат",— деп айтылат маалыматта.

Бул саботаж! Салык кызматы май куюучу айрым жайлар боюнча пикирин билдирди

"Электрондук эсеп-фактура" маалыматтык системасынын иши тууралуу жооп бере турчу салык кызматкерлердин телефон номерлери:

Бишкек:

  • Октябрь району — Тоялы Шоконов, (0502) 717 171;
  • Ленин району — Рахим Бегалиев, (0552) 523 488;
  • Свердлов району — Алмасбек Сабралиев, (0552) 229 780;
  • Биринчи  май району — Мирлан Абдыкадыр уулу, (0706) 644 144.

Чүй облусу:

  • Токмок — Эльвира Орозалиева, (0550) 723 994;
  • Аламүдүн району — Чынар Темирова, (0700) 869 680;
  • Кемин району — Гүлмира Чудинова, (0702) 982 449;
  • Ысык-Ата району — Урмат Батыркулов, (0556) 004 700;
  • Жайыл району — А. Өмүрзакова, (0701) 313 303;
  • Москва району — Малика Өскөмбаева, (0555) 289 355;
  • Панфилов району — Бек Турсункулов, (0559) 886 556;
  • Сокулук району — Нурлан Асанбаев, (0704) 152 233;
  • Чүй району — Айсулуу Өмүркулова, (0703) 907 155.

Салык кызматында жашыруун схемаларды аныктай турган борбор түзүлдү

Ысык-Көл облусу:

  • Ысык-Көл району — Нурия Исраилова, (0701) 509 159;
  • Ак-Суу району — Чолпон Сейталиева, (0500) 388 416;
  • Тоң району — Наргиза Долумбекова, — (0703) 869 787;
  • Жети-Өгүз району — Гүлзат Ибраева, (0707) 544 983;
  • Түп району — Нурсултан Асангазиев, (0709) 411 811;
  • Каракол — Фатима Мадатбекова, (0705) 157 711.

Ош облусу:

  • Алай району — Бактыбек Топчубаев, (0778) 134 604;
  • Чоң-Алай району — Үмүтай Орозова, (0770) 130 707;
  • Араван району — Сыргабек Мурзабеков, (0551) 155 456;
  • Кара-Суу району — Акматбек Айдаров, (0558) 595 000;
  • Ноокат району — Медербек Токтосунов, (0502) 959 517;
  • Өзгөн району — Азим Амиракулов, (0777) 000 152;
  • Ош шаары — Назира Кайназарова, (0550) 590 752.

Баткен облусу:

  • Баткен — Каныбек уулу Замирбек, Шумкарбек Салиев, (0777) 227 132, (0777) 148 181;
  • Баткен району — Султанбек Тиллабаев, (0776) 460 528;
  • Лейлек району — Сагынбек Наркозиев, (0771) 321 912;
  • Кадамжай району — Тынчтык Абдикааров, (0774) 807 899;
  • Кызыл-Кыя — Салижан Шамшудинов, (0557) 494 494;
  • Сүлүктү — Оролбек Кучаров, (0774) 553 814.

Сазыков: 1-июлдан тарта электрондук эсеп-фактура ишке кирет

Нарын облусу:

  • Нарын — Р. Жанбоев, (0700) 173 675;
  • Ат-Башы району — Болот Жапаров, Гүлмайрам Жалгапова, (0703) 121 195, (0708) 450 044;
  • Нарын району — Улан Исмаилов, (0703) 568 080.

Жалал-Абад облусу:

  • Сузак району — Уулжан Бостонова, (0771) 090 052;
  • Ала-Бука району — Махмуджан Муллакулов, (0501) 170 060;
  • Токтогул району — Руслан Сатылганов, (0770) 429 654;
  • Тогуз-Торо району — Гулзар Абдыманбетова, (0708) 451 175;
  • Базар-Коргон району — Жаңылай Акматова, (0778) 747 676;
  • Жалал-Абад — Алмазбек Мирзабеков, (0555) 056 400;
  • Таш-Көмүр — Бейше Касымбеков, (0779) 455 445;
  • Кара-Көл — Болотбек Койчиев, (0778) 620 945.

Талас облусу:

  • Талас району — А. Кененсариева, (0776) 611 461;
  • Бакай-Ата району — Мундусбек Бейшекеев, (0701) 008
  • Кара-Буура району — Бектур Чукунов, (0550) 049 022;
  • Манас району — Бактыяр Муктарбеков, (0703) 354 820;
  • Талас — Дариха Бердикеева, (0701) 515 577.

Сазыков: алты айдын жыйынтыгы менен 5 млрд сом салык чогулбай калды

Өзгөчөлөнгөн бөлүктөр:

  • Ири салык төлөөчүлөрдү көзөмөлдөө башкармалыгы — Жамиля Мамбеталиева, (0701) 257 432;
  • ИСТКБ-Түштүк — Санжар Алмазбеков, (0557) 099 900;
  • ЭЭА — Сайкал Карабалаева, (0703) 151 818.

Салык кызматы көрсөтүлгөн номерлер боюнча маалымат берүүдө жооптуу кызматкерлер туура эмес кадамдарга барса, (0312) 613186 номери аркылуу ишеним телефонуна кайрылууну өтүндү.

3
Белгилер:
кызматкер, кайрылуу, телефон, эсеп-фактура, салык
Тема боюнча
Ош шаарынын 3D картасы түзүлүп, бир нече электрондук кызматтар ишке кирет
Сазыков: 1-июлдан тарта электрондук эсеп-фактура ишке кирет
Манас эл аралык аэропорту. Архивдик сүрөт

34 жашта эле... "Манас" аэропортунун мурдагы вице-президенти көз жумду

29
(жаңыланган 21:49 07.07.2020)
Илим Карыпбековдун айтымында, аэропорттун мурдагы аткаруучу директору Даир Токобаев пневмонияга кабылган. Ал 34 жашта болчу.

БИШКЕК, 7-июл. — Sputnik. "Манас" эл аралык аэропортунун мурдагы вице-президенти Даир Токобаев каза болду. Бул тууралуу анын мурдагы кесиптеши Илим Карыпбеков соцтармак аркылуу кабарлады.

Анын айтымында, Токобаев пневмонияга кабылган. Ал 34 жашта болчу.

Абалы кескин начарлап кеткен. Чыныбай Турсунбеков реанимацияда үзүлгөн

"Даир боорукер, акылдуу, өз ишин мыкты билген кесипкөй адам эле. Артында балдары калды. Ал пневмонияга кабылган. Абдан өкүнүчтүү, абдан! Жакындарына терең кайгыруу менен көңүл айтам", — деп жазган Карыпбеков.

Илим Карыпбеков өзү "Манас" эл аралык аэропортунда 2014-2015-жылдары аткаруучу директор болуп иштеген.

29
Белгилер:
пневмония, Кыргызстан
Тема:
Кыргызстандыктарды кыйнаган пневмония
Тема боюнча
Депутат Чыныбай Турсунбековдун сөөгү бүгүн жерге берилет
Алмамбет Шыкмаматовдун жубайы Жанара Турдакунова пневмониядан каза болду