Жалал-Абад шаарына кире бериштеги арка

Жалал-Абадга кире бергендеги арканы оңдоого кеткен 8 млн. сомдун чоо-жайы

331
Объект 2001-жылы курулуп бүткөн. Ошондон бери биринчи жолу реконструкцияланды. Курулушка жалпы 9,5 миллион сом жумшалган.

БИШКЕК, 5-ноя. — Sputnik. Сузак районунун акиминин биринчи орун басары Төрөгелди Түркбаев Жалал-Абад шаарына кире бериштеги арканы реконструкциялоого сарпталган 8 миллион сом жалаң эле оңдоо иштерине жумшалбаганын билдирди.

Буга чейин калаанын оозундагы арка 2001-жылы курулуп, ошондон тарта биринчи жолу оңдолуп-түзөлүп жатканы айтылды. Ага 7 миллион 894 миң сом сарпталган. Ал эми бул иштерге Жалал-Абад облусунун өнүктүрүү фондусунан 14 миллион сом бөлүнгөнү айтылган. Арканы орнотууга 9,5 миллион сом жумшалганы маалымдалган.

Түркбаевдин айтымында, 8 миллион сомго арка оңдолуп, андан тышкары, айлана-тегерегине арчанын көчөттөрү отургузулуп, дубалдарына кымбат баалуу гранит таштары чөгөрүлгөн.

"Фонддон тышкары жергиликтүү бюджеттен да 550 миң сом каралган. Жалпы жонунан 8 миллион 450 миң сом короттук. Колубуздан келишинче сарамжалдуу болууга аракет кылдык. Тегерегине арчанын көчөттөрүн отургуздук, дубалга гранит таштарды чөгөрдүк", — деди ал.

Белгилей кетсек, реконструкция 2019-жылдын март айынан тарта жүргүзүлүп келди.

331
Белгилер:
фонд, арча, акча, Жалал-Абад
Тема боюнча
Жалал-Абадга кире бериштеги арка 8 миллион сомго оңдолду. Сүрөт
Бишкектеги митингдер өтүүчү парк жаңыланып, оңдолот
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

131
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

131
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

127
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

127
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео