Кыргызстандын президенти Сооронбай Жээнбеков

Жээнбеков: Усубалиев апийимди өстүртпөй чоң кырсыктан сактап калган

327
(жаңыланган 12:36 06.11.2019)
Мамлекеттик жана коомдук ишмер Турдакун Усубалиевдин 100 жылдыгына арналган салтанат Токтогул Сатылганов атындагы Кыргыз улуттук филармониясында өттү.

БИШКЕК, 6-ноя. — Sputnik. Турдакун Усубалиев Кыргызстанды кооптуу долбоорлорду ишке ашыруудан сактап калган. Бул тууралуу президент Сооронбай Жээнбеков Усубалиевдин 100 жылдык мааракесине арналган салтанатта билдирди.

Мамлекет башчысы учурунда Усубалиев Соң-Көлдүн суусун Нарын дарыясына бурабыз деген коогалаңдуу долбоордон жана Чаткал дарыясына суу сактагыч куруп, ал территорияны сууга бастыра турган коркунучтан сактап калганын улуу муун жакшы билерине токтолду. Аны менен катар Чүйдө кара куурайды өстүрүүнү токтотууга жетишкенин айтты.

"Чүйдө кара куурайды, Ысык-Көлдө апийимди өстүрүүнү токтотуу үчүн Союздун деңгээлинде кайра-кайра маселе коюп жүрүп элибиздин генофондун зыян келтирчү чоң кырсыктан сактап калган. Бул аракеттери анын канчалык көрөгөч жана даанышман, өз эли-журтун сүйгөн мыкты патриот уул болгондугун айгинелеп турат", — деди Жээнбеков.

Президент өз сөзүндө Усубалиевдин кылган эмгеги башынан аягына чейин жалпы элге, өлкөнүн кызыкчылыгына арналганын белгиледи.

327
Белгилер:
салтанат, маараке, Турдакун Усубалиев, Сооронбай Жээнбеков
Тема боюнча
Өлкөнү кыйроодон сактап калган. Турдакун Усубалиев тууралуу айтылбаган 10 факты
Бишкекте Турдакун Усубалиевдин 100 жылдыгына карата митинг-реквием өттү
Жээнбеков Усубалиевдин атын Бишкектин бир районуна берүүнү сунуштады
Жээнбеков Турдакун Усубалиевдин Кыргызстанды башкарган жылдарына баа берди