Президент Сооронбай Жээнбековдун Instagram соцтармагындагы аккаунту. Архивдик сүрөт

Аткаминерлердин аккаунтуна эмне кызыктар жарыяланат? Рейтинг

665
(жаңыланган 15:56 06.11.2019)
Өлкөнүн биринчи адамдарынан соцтармактагы баракчалары өтө эле кызыксыз. Айрымдарын маалымат катчылары же жардамчылары алып барары байкалып эле турат.

Кыргызстанда социалдык тармактардын таасири күч. Жаңы мыйзам долбоору болобу, же кайсы бир аткаминердин кемчилигиби, айтор баса калып талкуулап жатып, карапайым элдин пайдасына чечип койгон учурлар жок эмес.

Далай тагдырлар калчанган социалдык тармакта өлкөнүн биринчи адамдары эмне кылат болду экен? Муну билүү үчүн президенттин, өкмөт башчынын жана министрлердин аккаунттарын барактап көрдүк.

Чынын айтканда, бул  адамдардын баракчалары өтө эле кызыксыз. Айрымдарын маалымат катчылары же жардамчылары алып барары байкалып эле турат. Өздөрү отургандар деле ээлеген кызматынан улам элден жазганабы, бирдемени туура эмес жазып, сынга кабылбайын дейби, эч качан "чийинден" чыгып же кайсы бир маселе боюнча пикирин айтпайт. 

Албетте, ар кыл темада постторду жазып, элдин суроосуна түз жооп бергендер дагы жок эмес. Бирок алар саналуу.

Негизи социалдык тармактарда жогорку кызматтагыларды төрт топко бөлсө болот. Биринчиси — "расмийлер". Жалаң гана жумуш жөнүндө айткандар. Экинчи топко көпчүлүк министрлер кирет. Буларды социалдык тармактан таппайсың, тагыраагы, расмий баракчасы жок. Балким башка ысым менен аватарына гүлдүн же тоонун сүрөтүн коюп алып отурушу толук мүмкүн. Үчүнчү топтогулар — ээн-эркин жүргөндөр. Ар кайсы темада жазып, пикир калтырып, "достордун" суроолоруна жооп беришет. Түртүнчүсү — аккаунту бар деген аты эле бар, өздөрү колдонбойт.

Президент Сооронбай Жээнбеков

Сооронбай Жээнбековдун Facebook тармагында верификация болгон расмий баракчасы жана жеке аккаунту бар. Ага 4200дөн ашык адам жазылган.  Экөөнө тең жалаң расмий жаңылыктар жарыяланат. Президенттин аккаунтундагы кабарлар көбүнесе 100дөн төмөн "лайк" алат.  Анын постторуна көбүнчө министрлер, элчилер, журналисттер жана депутаттар "жакты" деген белги коюшат.

Анткен менен Instagram баракчасы салыштырмалуу популярдуураак. Ага 273 миң адам катталган. Ар бир посту бери дегенде 1000ден ашык "лайк" алат. Өзү эки адамга катталган. Бири — мурдагы президент Алмазбек Атамбаевдин расмий баракчасы. Экинчиси — президенттин маалымат катчысы Толгонай Стамалиева. Баса, президенттин бул аккаунтуна интернет колдонуучулар пикир калтыра албайт. Мындай мүмкүнчүлүктү алып салышкан.

Посмотреть эту публикацию в Instagram

Публикация от Жээнбеков Сооронбай Шарипович (@sooronbai_zheenbekov_official)

Twitter баракчасында президентти 1000ден ашуун адам окуйт. Дал ошол жакта маалыматтар кызыктуу, президенттин өзүнүн атынан өтө кыска жана жөнөкөй тил менен жазылган. Мисалы, жаш ишкерлер менен жолугушуу болсо, өлкө башчы алардын атына чейин жазат. Жада калса, президенттин Twitter баракчасына бишкектик Максат жана Чыңгыз аттуу ишкерлердин өндүргөн продукциялары сүрөтү менен жарыяланган.

Премьер-министр Мухаммедкалый Абылгазиев

Посмотреть эту публикацию в Instagram

Публикация от Mukhammedkalyi Abylgaziev (@m.abylgaziev_official)

Эмнегедир өкмөт башчынын Facebook жана Twitter баракчасы жок. Анын баскан-турганын бул тармактарда маалымат кызматы алып барган "Кыргыз өкмөтү" аттуу аккаунт чагылдырып турат. Instagram аккаунтуна 38,3 миң киши жазылган. Өзү беш адамга катталган Алар: президент Сооронбай Жээнбеков, россиялык кесиптеши Дмитрий Медведев, армениялык кесиптеши Никол Пашинян, Казакстандын өкмөт башчысынын расмий баракчасы жана премьердин өзүнүн маалымат катчысы Чыңгыз Эсенгул уулу. Премьердин постторун мынча же тигинче киши окуйт деп бир беткей айтууга болбойт. Айрым жаңылыктарына коюлган "лайктар" араң 100гө жетсе, айрымдары 7-8 миңден ашып кетет. Баракчасына эч качан жеке турмушу жана үй-бүлөсү тууралуу жазбайт. Расмий маалыматтар гана жарыяланат.

Вице-премьерлер

Төрт виценин ичинен Кубатбек Боронов менен Алтынай Өмүрбекова социалдык тармактарга катталган. Бирок Кыргызстанда өтө популярдуу Facebook тармагында экөө тең анча активдүү эмес. Мисалы, Бороновдун бир миңден ашуун "досу" бар. Акыркы жолу былтыркы жылдын апрель айында Россия президенти Владимир Путиндин жаратылышта эс алуусу тууралуу жергиликтүү каналдын видеосун бөлүшкөн

Ал эми Алтынай Өмүрбекова Instagram аккаунтун көбүрөөк колдонот. Ал жакта 3,3 миңден ашуу досу бар. Баракчасына бир гана расмий жаңылыктар эмес, жеке турмушу тууралуу дагы жазат. Мисалы, үй-бүлөсү менен конокко барган учурдагы сүрөттөрдү жарыялайт. Вице-премьердин баракчасынан жүрөк элжиреткен постторду дагы көрүүгө болот. Былтыркы жазда ал жаздын белгиси байчечекей гүл ачкан сүрөттү жарыялап, пост жазса, акыркы жолу Женева шаарында мейманканада Кыргызстан жөнүндө китепти көргөнүнө сүйүнгөн.

Посмотреть эту публикацию в Instagram

Публикация от Алтынай Омурбекова (@altynai_omurbekova)

Ал эми калган вице-премьерлер Замирбек Аскаров менен Жеңиш Разаков социалдык тармактардан алыс. 

Активдүү министрлер

Социалдык тармактарда өзүн сууда жүргөн балыктай сезген өкмөт мүчөлөрү саналуу гана. Алардын ичинде эмгек жана социалдык өнүктүрүү министри Улукбек Кочкоров, тышкы иштер министри Чыңгыз Айдарбеков жана юстиция министри Марат Жаманкулов бар.

Айдарбеков Facebook тармагына өзү көп пост жазбайт. Анын баракчасын министрликтин жаңылыктарын жазып маалымат катчысы жана башка колдонуучулар толтуруп коюшат. Акыркы жолу өзү 24-октябрь күнү кесиптештерин дипломаттар күнү менен куттуктаган. Бирок өз баракчасына жазылган көпчүлүк маалыматтарга "лайк" басып турат.

Посмотреть эту публикацию в Instagram

Публикация от Чингиз Айдарбеков (@chingiz_aidarbekov)

Бирок Instagram аккаунту кызыктуу. Аны өзү алып барары көрүнүп турат. Мисалы, чет өлкөлөрдөгү иш сапарлары учурундагы сезимдери, жеке пикирлери менен бөлүшөт. Женевадагы БУУ кеңселеринин биринин сүрөтүн жайгаштырып, бул дипломатиялык кызматында эң чоң таасир калтырган жайлардын бири болгонун жазган. Акыркы постунда учактын айнегинен сыртты карап турган сүрөтүн жүктөп, аны байкатпай тартып алышканын жазган.

Улукбек Кочкоровдун Facebook дагы, Instagram дагы аккаунттары активдүү. Анда министр бир гана иши менен чектелип калбай, ар кыл темада ой толгойт. Мисалы, өзүнүн туулган күнүндө апасы менен түшкөн сүрөтүн жарыялап, ата-энеси алты айлык наристесинен ажырап калып күйүт тартып жүргөн кезде төрөлгөн уул экенин жазганы бар. Мындан тышкары, министр мекендештерди майрамдары менен куттуктоону унутпайт. Ошондой эле анын баракчасынан министрликтин ишеним телефондорун, министр элди кабыл ала турган күндөр боюнча маалымат алса болот. Баса, Кочкоров калктын аялуу катмары менен иштегендиктенби, айтор шыктандыруучу видеолорду жүктөгөн учурлары дагы болот.

Посмотреть эту публикацию в Instagram

Публикация от Улукбек Кочкоров (@uluk.kochkorov)

Instagram баракчасына 9300дөй адам катталган.

Марат Жаманкулов Facebook тармагында көбүнесе жергиликтүү ЖМКлардын укук тармагына тиешелүү жана Юстиция министрлигинин жаңылыктары менен байма-бай бөлүшүп турат. 

Аты бар...

Экономика министри Санжар Муканбетовдун, өзгөчө кырдаалдар министри Нурболот Мирзахмедовдун, билим берүү жана илим министри Каныбек Исаковдун, маданият, маалымат жана туризм министри Азамат Жаманкуловдун Facebook баракчалары бар. Бирок активдүү колдонушпайт.

Соцтармактан "качкан" министрлер

Ички иштер министри Кашкар Жунушалиев, финансы министри Бактыгүл Жээнбаева, транспорт жана жолдор министри Жанат Бейшенов жана айыл чарба министри Эркинбек Чодуев социалдык тармактардан өтө эле алыс. Тагыраак айтканда, расмий баракчалары жок.

665
Белгилер:
аткаминер, Twitter, Instagram, Facebook, пост, Мухаммедкалый Абылгазиев, Сооронбай Жээнбеков, аккаунт, социалдык тармак
Тема боюнча
Атагы артып... Шевченконун Instagram-аккаунтуна катталгандар миллионго жетти
Өкмөттө эң көп жана эң аз айлык алган министрлер. Тизме
Парктагы бакта клен жалбырактары

Шейшембиге карата аба ырайы

19
27-октябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-окт. — Sputnik. 27-октябрь, шейшембиде, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй өрөөнүндө +17…+22, Таласта +16…+21, Ош, Жалал-Абад, Баткен облустарында +18…+23, Ысык-Көл жана Нарын аймактарында +11…+16 градус болору айтылды.

Ош менен Баткенде бүгүн жер силкинди

Бишкек жана Ош шаарларында жаан-чачын күтүлбөйт. Күндүн табы Бишкекте +20…+22 градус, Ош шаарында +21…+23 градуска чейин жетет.

19
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы
Кыргызстандык окуучу Нурболот Исматиллаев

Көзүмө жаш келди. Россияда сынакта элди сыймыктанткан Нурболоттун апасы менен маек

319
(жаңыланган 20:54 26.10.2020)
Жекшемби күнү “Россия 1” телеканалынын “Удивительные люди” деп аталган таланттуу адамдардын сынагына кыргызстандык окуучу Нурболот Исматиллаев катышып, калыстарды таң калтырды.

Өспүрүм эки этаптан турган сынактын биринчи турунда стакандардан тездик менен пирамида куруп (спорт-стекинг) жатып берилген арифметикалык эсепти так аткарып койгон. Экинчи этабында 15 орундуу санды 15 орундуу санга көбөйтүү менен укмуш адам аталып, залды жаңырткан көрүүчүлөрдүн сүрөөнүнө, калыстардын суктануусуна ээ болду. Бирөөсүнүн "Кыргызстанда ушундай балдар бар экенине сыймыктанам" деген сөзү өлкөнүн абалына тынчсызданып турган ар бир мекендештин жүрөгүнө дары болду.

Баарыбызды сыймыкка бөлөгөн Нурболот Бишкектеги №68 гимназияда 6-класста окуйт. Ал “Интеллект” билим берүү борборунда менталдык арифметика боюнча эки жыл билим алган. Ушул эле борбордон спорт-стекинг (стакандардан тездик менен пирамида куруу) менен да алектенип, жакшы ийгиликтерди жараткан. Аталган борбордун жетекчиси Жакшылык Матановдун айтымында, менталдык арифметика жана спорт-стекинг баланын акыл-эсинин өсүшүнө, мээдеги майда моторикалардын өрчүшүнө чоң өбөлгө түзөт. Менталдык арифметикага беш жаштан он эки жашка чейинки гана балдар кабыл алынат. Андан кийин кеч болуп калат.

Sputnik Кыргызстан агенттиги Нурболоттун апасы Минура Токторова менен байланышып маек даярдады.

Минура Токторова уулу Нурболот учурда IT тармагына да кызыгып, келечекте IT адиси болууну жана дүйнөнү кыдырууну кыялданат.

Юный кыргызстанец Нурболот Исматиллаев во время выступления. Архивное фото
© Фото / из личного архива Минуры Токторовой
Башкалардан 15 орундуу санды 15 орундуу санга көбөйтө алгандыгы менен айырмаланды. Негизи жыйырма орундуу санды көбөйтүүгө жетишкенбиз. Бирок ал кээде туура, кээде туура эмес чыгып калып жаткандыктан 15 орундуу сан менен бардык

— Нурболотту кандайча менталдык арифметикага катыштырып калдыңыз?

— Мен башынан эле Нурболоттун математикага жөндөмдүүлүгүн байкачумун. Кыргызстанга менталдык арифметика алгач келгенде эл арасында аябай талкуу жараткандыктан жакшы көрсөткүчтөр болуп жатканын угуп кызыгып калдык. Ошондон тарта окуу борборлорду тандап, Жал кичи районунда жайгашкан "Интеллект" билим берүү борборуна барып, алгачкы сабагына катыштык. Бирок өзүбүз Кызыл-Аскерде тургандыктан аябай алыс болуп каларын ойлогондо айный баштадым. Жолдошум экөөбүз үйгө жакыныраак жерден окуталы дедик. Аны балама айтсак "бул жакка бир келгенден кийин аягына чыгам" деп болбой койгон. Акыры жаман болгон жок. Бир жыл алты ай окуп, жакшы жыйынтыктарды көргөздү. Кышында эшик ызгаар болуп турганда боорум ооруп "бүгүн барбай эле койчу" деп айныткан күндөрүм да болду. Бирок көгөрүп "жок" деп болбой барчу.

Юный кыргызстанец Нурболот Исматиллаев с отцом и матерью. Архивное фото
© Фото / из личного архива Минуры Токторовой
Алгач Россияга видео жөнөттүк алар жактырып, кийин онлайн текшеришти. Андан өтүп кетти. Ошондон кийин гана келишим түздүк. Негизи жаздан бери эле даярдык көрүп жатканбыз

— "Удивительные люди" теледолбооруна кандайча барып калды?

— "Интеллект" билим берүү борборунун "Россия 1" телеканалынын таланттуу адамдар катышкан "Удивительные люди" сынагы менен келишими бар экен. Анын негизинде аталган долбоорго Кыргызстандан жылына онго чейин бала катышып турууга мүмкүнчүлүк бар. Былтыр да Кыргызстандын атынан бир эле бала катышкан. "Интеллект" окуу борборундагы окуган башка балдардан 15 орундуу санды 15 орундуу санга көбөйтө алгандыгы менен айырмаланып, быйыл Нурболот барды. Негизи жыйырма орундуу санды көбөйтүүгө жетишкенбиз. Бирок ал кээде туура, кээде туура эмес чыгып калып жаткандыктан 15 орундуу сан менен бардык. Алгач Россияга видео жөнөттүк, алар жактырып, кийин онлайн текшеришти. Андан өтүп кетти. Ошондон кийин гана келишим түздүк. Негизи жаздан бери эле даярдык көрүп жатканбыз.

Юный кыргызстанец Нурболот Исматиллаев во время занятий по футболу. Архивное фото
© Фото / из личного архива Минуры Токторовой
Балам Кыргызстандын атынан катышып жатканына сыймыктанып отурдум. Башкача сезимдер коштоду. Бир чети санааркадым. Бирок Нурболотко ишендим

— Балаңыз "Россия 1" телеканалында эл алдына чыкканда кандай сезимде болдуңуз?

— Аябай толкунданат экенсиң. Балам Кыргызстандын атынан катышып жатканына сыймыктанып отурдум. Башкача болдум, айтор. Бир чети санааркадым, бирок Нурболотко ишендим. Себеби ага чейин элдин алдына чыгып көнүп калган. Анын үстүнө "Баластан" каналында да иштеп жатат. Ошентсе да сахнага жаркыраган жарыктар берилип, элдин көбүнөн балам деле бир аз сүрдөдү. Атасы да колу бошобой бара албай калган. Теледолбоорго Нурболот экөөбүздүн эле видеобуз чыгып, ал да интервьюсунда "менталдык арифметикага апам алып барган" деп мен жөнүндө эле айта бериптир. Кийин режиссёрлор "баланын атасы жокпу?" деп сураганын угуп, балам аягында атаң тууралуу да айт дегем. Бирок сүрдөп унутуп калыптыр (күлүп). Болбосо атабыз Нурболотту абдан колдойт. Бардык олимпиадаларга өзү алып барат.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Ташкентте өткөн эл аралык олимпиадада менталдык арифметика боюнча 3-орунду алып келди. Андан кийин Ысык-Көлдө жана Оштон 1-орунду багынтып, кийин онлайн турүндө өткөн дүйнөлүк олимпиадада 1-орунга ээ болду

— Нурболот берүүнүн жүрүшүндө орто жерден ыйлап жиберген экен...

— Кечээтен бери тааныштардын баары мага чалып, көрүп отуруп сүйүнгөндөн ыйлаганын айтып "кантип жөн эле отурдуң?" деп сурап жатышат. Мен балама ишенгем. Негизи баарын туура эле чыгарган. Бирок 15 орундуу санды көбөйткөндө компьютердин экранына толук батпай, алдына түшүп кеткендиктен кээ бир сандары көрүнбөй калган. Кайра текшерип жатканда ошондон жаңылып калды. Жөн гана "жооп" деген баскычты эле басып коюшу керек эле. Бала неме адашып кетти. Ошол жерде отуруп уулума "жоопту" эле басасың деп айта албай же баламдын оюн түшүндүрүп бере албай кызыктай абалда калдым. Режиссёрлор "ыйлаган жериңди кийин көрсөтпөй кесип коёбуз" деп кайра экинчи мүмкүнчүлүк бергенде дароо чыгып эле эсепти туура чыгарып кетти. Аталган долбоордо 600 киши иштейт экен. Репетиция учурунда бир эле Нурболот менен он чакты киши иштеди. Психологдору да күчтүү экен.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Менталдык арифметика жана спорт-стекинг боюнча Казакстанда өткөн Central Asia"s Got Talent сынагына катышып, финалга чыккан. Бирок добуш берүүдө Тажикстан биринчиликти алып кетти

— Канча күн жүрдүңөр?

— Россияга 20-сентябрда учуп кеткенбиз. Үч күн даярдандык, үчүнчү күнү кечинде сынакка тартылдык. Ага чейин бизди шаарга алып чыгышып, кошумча видеого тартып даярдашты. Кандай кийим кийип, кайсы жерден чыгуу керектигинен бери дайындалып туруп тартуу иштери башталды. Шоунун ортосунда Нурболот сүрдөп, ыйлап жибергенде да, залга дароо эле психологдор чуркап чыгып, балага психологиялык колдоо көрсөтүп кайра сахнага алып чыгышты. Кийин калыстар тобу да жылуу пикирин билдирип, "Кыргызстанда ушундай балдар бар экенине сыймыктандым" дегенде көзүмө жаш тегеренди.

— Жыйынтыгы кандай болду?

— "Удивительные люди" телесынагынын 5-сезонундагы добуш берүүнүн жыйынтыгы менен Нурболот 3-орунду алды.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Нурболот көп орундуу сандарды көбөйтүүгө аябай кызыгып окуйт. Генден да көп нерсе көз каранды го деп калам, себеби атасы математикага абдан кызыгат. Тайларында да математиктер бар

— Азыр "Баластанда" да иштеп жатабы?

— "Баластан" балдар каналында "Билесиңби?" берүүсү жаңы ачылды. Аталган телеберүүнү алып баруучулукка кастинг жарыяланган. Нурболот сынактан өтүп, азыр ошол жакта иштеп жатат.

— Буга чейин да эл аралык олимпиадаларга катышкан экен?

— Аталган окуу борборунда окуп жатып эле олимпиадаларга бара баштады. Алгач Ташкентте өткөн эл аралык олимпиадада менталдык арифметика боюнча 3-орунду алып келди. Андан кийин Ысык-Көлдө жана Оштон 1-орунду багынтып, кийин онлайн түрүндө өткөн дүйнөлүк олимпиадада 1-орунга ээ болду. Нурболот көп орундуу сандарды көбөйтүүгө аябай кызыгып окуйт. Генден да көп нерсе көз каранды го деп калам, себеби атасы математикага абдан кызыгат. Тайларында да математиктер бар.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Кийин калыстар тобу да жылуу пикирин билдирип, "Кыргызстанда ушундай балдар бар экенине сыймыктандым" дегенде көзүмө жаш тегеренди

— Спорт-стекингден да ийгиликтерди жаратканын уктук?

— Ооба, "Интеллект" борборунан спорт-стекинг курсуна да катышты. Аталган спорттун түрү боюнча былтыр эл аралык олимпиада өтүп, ага катышуу үчүн Кыргызстанга бир орун берилген. Нурболот Кыргызстан боюнча 1-орунду камсыздап, 2020-жылдын апрель айында Сингапурда өтүүчү олимпиадага жолдомо утуп алган. Бирок коронавирус пандемиясынан улам бара албай калды. Ошондой эле менталдык арифметика жана спорт-стекинг боюнча Казакстанда өткөн Central Asia's Got Talent сынагына катышып, финалга чыккан. Бирок добуш берүүдө Тажикстан биринчиликти алып кетти.

— Үй-бүлөңүздөр тууралуу айтып берсеңиз?

— Мен Улуттук университеттин кыргыз филологиясы факультетин бүтүргөнүм менен мугалим болуп иштеген жокмун. "Эркин Тоо" гезитинде корректор болуп иштеп, кийин балдарга тарбия берүү, окутуп эле үйдө отуруп калгам. Атасы "Дордойдо" соода кылат. Нурболот улуу балабыз. Мындан кийин тогуз жана беш жаштагы балдарыбыз бар.

319
Белгилер:
сынак, маек, менталдык арифметика
Тема боюнча
3D китебинин автору: оюн түрүндөгү "Ойнобук" баланын акылын өстүрөт
Баланы китепке кантип кызыктыруу керек. Култаеванын балдар адабияты тууралуу маеги
Facebook компаниясында иштеген Зияда: телегейи тегиз эч бир өлкө жок