Басып бараткан бала. Архив

17 жылдан бери үн катпаган улан сүйлөп таң калтырды. Сүрөт

4672
Эми кайдыгер карабаган адамдар Дэвидге жардам берүү үчүн дүйнөнүн булуң-бурчунан колдоо сөздөрүн жазып жана белектерин жөнөтүп жатышат.

БИШКЕК, 7-ноя. — Sputnik. Америкалык Керри Блох жана анын аутизм менен жабыркаган уулунун тарыхы көп адамды кайдыгер калтырбай, көңүлүн ойготкон. Бул туурасында Buzzfeednews жазды.

​Керри Twitter аккаунтуна 21 жаштагы уулу Дэвиддин сүрөтүн жайгаштырган. Анда улан көптөн бери сүйлөө мүмкүнчүлүгүнөн ажырап, бир топ жыл өткөн соң үн катканы жазылган.

"Аутизм менен ооруган 21 жаштагы уулум киши менен сүйлөшө албайт. Бүгүн ал мага "Деги мен кимдир бирөөгө жагамбы?" деген суроо берди", — деп жазды энеси.

Америкалык аял дарыгерлердин балалуу боло албайсың деп айтканына карабай 40 жашында төрөгөн. Төрт жашка чыкканда Дэвидден аутизмдин оор белгилери байкала баштап, сүйлөбөй калган. Кийинчерээк баладан иммундук жетишсиздикти табышкандыктан, үйдөн окууга туура келген. 

Дэвиддин энеси уулу жалгыз экендигин жана анын достору жоктугун айткан. Эми анын Twitter аккаунтуна жазган постунан кийин кайдыгер карабаган адамдар Дэвидге жардам берүү үчүн дүйнөнүн булуң-бурчунан колдоо көрсөткөн кат жазып баштаган. Андан сырткары, белектерди жөнөтүшкөн. Маалыматта бул азыр да уланып жатканы айтылган.

4672
Белгилер:
колдоо, Twitter, аял, аутизм, Америка
Тема боюнча
Невролог Бабажанов: аутист балдар мамлекеттик мектепте окубаганы жакшы
Диего Марадонанын таблодогу сүрөтү. Архив

Өз тажиямда эмне дээр элем... Марадонанын эски видеосу желдей тарады

22
(жаңыланган 16:39 27.11.2020)
Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.

БИШКЕК, 27-ноя. — Sputnik. Соцтармакта Диего Марадонанын өзүнүн акыркы сапарга узоо зыйнатында эмне деп айткысы келмектиги боюнча суроого жооп берген видеосу вирустай тарап жатат.

"Чемпионаттын" маалыматына караганда, бул 2005-жылы аргентиналык теле берүүгө чыккан La noche del 10 берүүсүнүн үзүндүсү.

"Өзүмдүн акыркы сапарга узаган зыйнатымда эмне деп айткым келер эле... Футбол ойногонума рахмат. Бул спорт мага кубаныч жана эркиндик берди. Асманды колуңа кармап тургандай эле сезим. Топко дагы рахмат. Табытыма "топко рахмат" деп жазып койгула", — деген Марадона.

Видео Bolavip Facebook аккаунтуна жарыяланды.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

22
Белгилер:
футболчу, топ, Диего Марадона
Тема боюнча
Футбол, бокс, кокаин. КР калысына рахмат айткан Марадона тууралуу фактылар
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

58
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

58
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат