Бала көтөрүп турган аял. Архив

Сулуу эмес деп аялын балдары менен кетирип салган бар. Камкорчу менен маек

5652
Жаш келин көз жашын көлдөтө жардам сурап турду. Тамтыгы кеткен батир, эч нерсе жок, бопбош. Эки чүрпөсү да чырылдайт, экөөнүн тең карды ач... Бир апта өтпөй "Добрые руки" тобунун негиздөөчүсү ошол үй-бүлөнү жаңы батирге көчүрүүгө көмөктөшкөн.

Фазиль Турсуновдун ашып-ташкан байлыгы деле жок, бардар бүлөдөн деле чыккан эмес. Ата-энесинен эрте ажыраган. Бир күнү ал социалдык медиага жарыяланган катардагы эле билдирүү кыйын күнгө кабылган кишинин турмушун өзгөртчү күчкө ээ экенин аңдаган.

Основатель группы Добрые руки Фазиль Турсунов на радиостудии Sputnik Кыргызстан
© Sputnik / Табылды Кадырбеков
Основатель группы "Добрые руки" Фазиль Турсунов

— Жардамга кол сунган биринчи киши туурасында айтып берсеңиз.

— Бир жыл мурун жардамга муктаж Бактыгүл аттуу жаш келин жөнүндө жаңылыкты окуп калдым. Төрт баласы менен жесир калыптыр. Баш калкалар турагы, жээрге тамагы жок... Социалдык медиадагы ал посттун алдында "Ошончо бала төрөгөн соң аларды багыш өзүнүн көйгөйү" дегендей сөздөр менен байкуш келинди талоонго алышкан.

Бактыгүлдү аядым. Ага 5 миң сом бере аларымды айттым. Ошондон кийин ага жардам көрсөткүсү келген ондогон адам мага кайрыла баштады. Бактыгүл үйүндө көмүрү жок экенин, муздаткычы бош экенин айткан.

Азык-түлүк сатып алдык, жардам бергиси келген балдарга телефон чалдым, алар көмүр түшүрүп беришти. Баары ошентип башталган. Ал туурасында социалдык медиага жаздык... Мактануу үчүн эмес, бирөө зарылып турганда кол сунгандан кемип калбай турганыбызды башкалар да түшүнсүн дедик. Социалдык медианын Facebook менен Instagram өңдүү бутактарынан баракча ачып койдум.

Жардамга муктаж адамдар аябай көп. Тилекке каршы, баарына көмөктөшүп жетише албайсың, күчүң да, каражатың да түтпөйт. Ошондуктан толук эмес үй-бүлөлөргө, майыптыгы бар балдарга жардамдашабыз. Бир эреже бар: эмне керек болсо, жардам беребиз, тиричилик техникасын алып берип, чатырын жаап, дары-дармегин алып беребиз, бирок колго акча карматпайбыз.

Основатель группы Добрые руки Фазиль Турсунов
© Sputnik / Табылды Кадырбеков
Основатель группы "Добрые руки" Фазиль Турсунов

— Айрым адамдар өз кызыкчылыгы үчүн башкалардан көптү үмүт этип, догуруна жардам күтүшөрүнө да күбө болуп жүрөбүз. Сизден пайда гана көрүүгө умтулгандарга да кабылган чыгарсыз...

— Кайрымдуулук ишмердикти баштоого түрткү болгон Бактыгүл айым көңүлүмдү калтырган. Тикмечиликти бекер үйрөнүп алуусун өтүндүм, эгер сертификат алып чыкса, тигүү машинасын сатып бермекмин. Эки жума араң чыдап окуду да, курсту таштап салып дайыны жок болуп кетти. Бирок кийин кайра келип, тигүү машинасын талап кылды. Макулдашуубузду эсине салдым, кайра мага жинденсе болобу.

Менин милдетим — татаал кырдаалга тушуккан адамга жардамдашуу, аны алдыга умтулууга багыттоо. "Адамга балык бер — бир күн тое жейт. Балык уулоону үйрөт — өмүр бою ток болот" деген сонун накыл кеп бар эмеспи. Көпчүлүк башканын колун караган мажүрөө турмушка кайыл, аларга баары карыз деп ойлошот. Ыңгайлуудур, бирок күрөшүү керек да.

Бактыгүлдүн окуясы аргамды түгөттү. Ал балдарын окууга жибергенге каражаты жок экенин айтып кайра жардам сурады. Бир араб уюмуна катталууну сунуштадым, ал муктаждарга айына 12 миң сомдон берип турмак. Бактыгүл маңдайы жарыла сүйүнүп макул болгон. Көрсө, ал эбак ошол уюмдан жардам алып жүргөн экен, мени жөн гана алдап коюптур.

Башка учурлар да болгон. Мисалы, Бишкектеги 8-кичирайондун 60 жаштагы тургуну жардам сурап келди. Пенсия алат экен, балдары Бишкекте турат. Ошентсе да кайрымдуулук менен алектенип жаткан соң биз ага көмөк көрсөтүүгө тийиш экенбиз. Акча, азык-түлүк талап кылды, биз ага батир ижаралап, бардык зарыл нерселер менен камсыздообуз керектигин айтат. Арзаныраак райондон батир ижаралоону сунуштасам ачууланып, элди алдап жатасың деп кыйкырып кирди. Ушундайлар да кездешет.

— Сизге кайрылган акыркы кишинин окуясын баяндасаңыз.

— Бишкектин бир тургунун күйөөсү жаш аялмет экенине карабай кетирип салат. Ден соолугу начар экен, анан да балдарынын атасы анын чырайын жактырбайт имиш. Ал келин кудай жалгап Шлагбаум жактан батир ижаралоого каражат табат. Бирок аны үй деш да кыйын, дубалдары сыйрылган, жепирейген бир батир. Эч кандай шарты жок, муздак, суук. Жолукканыбызда ыйлап, кайдыгер карабай кол сунганыбызга ыраазычылык билдирди.

Бул үй-бүлө жөнүндө социалдык медиага жаздым, ондогон адам кол сунууга даяр экенин билдирип, акча которуу үчүн банктагы эсебин сурай башташты. Баарына акчалай жардам бербей турганыбызды айттым, анан кайрымдуу бирөө бир жылга батир ижаралап, азык-түлүк жагынан да каралашып турмакчы болду.

Жүрөк жылытарлык дагы бир окуя болгон. Уулунун бөйрөктөрү иштен чыга баштаган киши чалды, жумасына эки ирет гемодиализ алышы шарт экен, ага каражаты жок. Бир процедура 100 доллар, айына 800 доллар керектелет. Ал үй-бүлөгө жардам берүү үчүн саламаттык сактоо министринин орун басарына кайрылдым, ал биздин топто бар. Көп өтпөй баягы киши мени издеп таап, көзүнө жаш ала ыраазычылык билдирди, уулу акысыз дарылана турган болуптур.

Основатель группы Добрые руки Фазиль Турсунов на радиостудии Sputnik Кыргызстан
© Sputnik / Табылды Кадырбеков
Основатель группы "Добрые руки" Фазиль Турсунов

— Милиция, салыкчылар тарабынан текшерүү же бут тосууларга кабылган жоксузбу?

— Кудай жалгап мени көп милиционер жана башка мамлекеттик кызматкерлер колдоп келишет. Андай кишилер жардам берип жатышканын айтышпайт дагы. Мисалдар оголе арбын, "Добрые руки" тобунун мүчөлөрү жасаган жакшылыктарды бир нече саатта санап бүтө албайсың. Кимисине телефон чалып жардам керектигин айтпайын, баары кол сунууга даяр. Алар баш тартпайт, себеби ишенишет, чындап көмөктөшкүлөрү келет.

Бир жолкусунда биз ресторандар түйүнү, бир нече фонд жана жергиликтүү ашпозчулар менен сүйлөшүп, карылар үйүнө даамдуу тамак уюштурдук. Үч казан палоо басып, майрам куруп бердик. Ал жактагы ата-апаларды көрүп, жүрөгүм тилинди. Андай жерге ата-энесин кантип таштап салышат, түк түшүнө албайм...

— Укалоочу болуп иштейт эмессизби. Жакындарыңыз кайрымдуулукка көп убакыт сарптаганыңызга кандай карашат?

— Башында түшүнбөй, эмне зарылдыгы бар деп сурап жүрүштү. Атам да, апам да жок, каралашар кишиң болбосо, ач-ток жашаган кандай экенин билем. Чайдын ордуна кант кошулган суу ичүү эмне экенин билем, себеби болгон тамак ошол...

Көп бүлөлүү элек, тогуз бир тууганбыз, мен тогузунчу баламын. Атам аты жаман кеселден өтүп кеткен, апам бизди жалгыз чоңойтту. Дал ошол тушта Советтер Союзу ыдырап, мамлекет тарабынан берилчү бардык жеңилдик, жардамдардан куру калдык.

Апама кол кабыш кылуу үчүн мектептен соң фермага барып, малчы болуп орношком. Биринчи маянамды 1997-жылы тапкам, 20 сом болчу. Апам аны кайдан алганымды сурап, анан фермага барып тактаган соң гана ынанган. Андан көп өтпөй апамдан айрылып калдык.

Баарына бир нерсе айткым келет: ата-эненин баркын билгиле. Алардан айрылып калганча мунун канчалык маанилүү экенин аңдабапмын. Адам эртең эле өтүп кетиши мүмкүн, сиз жакшы көрөрүңүздү айтууга үлгүрбөйсүз, ийнине башыңызды коюп, майда-чүйдөдөн кеп салууга жетишпей каласыз...

Основатель группы Добрые руки Фазиль Турсунов
© Sputnik / Табылды Кадырбеков
Основатель группы "Добрые руки" Фазиль Турсунов

— Кайрымдуулук ишмердигиңизде көңүлүңүздү катуу ооруткан учурдан кеп салсаңыз.

— Муктаж адамдар аябай көп экени, ал эми мамлекет алардын абалына көңүл бурбаганы көңүл чөгөртөт. Майыптыгы бар балдар, саламаттыгы өтө начар карыялар көп, аларды көрмөксөн болушкандай туюлат кээде. Бирок кыйын күнгө кабылган бир кишиге эле кол сунсаң, баары өзгөрөрүнө күбө болуп жатпайбызбы.

Адамдардын бирөөнүн колун карап жашоо кадыресе көрүнүш экенине чындап ишенип алганын түшүнбөй кетем. Бирок өлкөбүздө тааныбаган эле бир кишиге көмөктөшүү үчүн убактысын аябаган кайрымдуу адамдар арбын экени кубандырбай койбойт.

5652
Белгилер:
үй-бүлө, жардам, акча, кайрымдуулук
Тема боюнча
Тирүүлөй өрттөмөк болгондо Бишкекке качкам. Афгандык жигиттин ымандай сыры
Кайын журтума "чындыкты айткылачы" дей бердим... Баткен жоокеринин жесири менен маек
Бактын аяздуу бутактары

Жыл аяктаарда ызгаар суук болобу? Декабрга карата аба ырайы

3
Өлкөнүн дээрлик бардык аймактарында аба ырайы климаттык норманын чегинде болмокчу. Жаан-чачын дагы айлык нормасынан ашпайт.

БИШКЕК, 2-дек. — Sputnik. Кыргызстан боюнча декабрь айынын аба ырайын алдын ала билдирген синоптиктер адаттагыдан айырмаланган көрүнүштөр болбостугун айтты. Анткен менен өлкөнүн тоолуу аймактарында сууктун күчү 34 градуска чейин жетери кабарланды.

Среднемесячная температура по Кыргызстану в декабре 2020 года
© Фото / Кыргызгидромет
Кыргызстандагы 2020-жылдын декабрьда орточо айлык температурасы

Чүй облусунда жалпы жонунан суук 16 градуска чейин түшүп, ал эми жылыганда 2 градуска көтөрүлөт. Ал эми Таласта жалпы жонунан суук 18 градуска жетет. Ош, Жалал-Абад жана Баткен облустарында жаан-чачын нормадан арбын болушу күтүлүүдө. Көл кылаасында жылуулук 8 градустан ашпайт. Ал эми Теңир-Тоодо сууктун күчү декабрда -20…-25 градуска жетери айтылды.

Световая карта среднемесячного количества осадков по Кыргызстану в декабре 2020 года
© Фото / Кыргызгидромет
Кыргызстандагы 2020-жылдын декабрьда орточо айлык жаан-чачын

Чүй облусу

Абанын айлык орточо температурасы боюнча алганда -1…-3°, тоо этектеринде жана Кемин өрөөнүндө -4…-6° болушу күтүлөт.

Ай ичинде абанын температурасы түнкүсүн -3°…+2 градустан -5…-10 градуска чейин болору айтылды. Ал эми күндүз -2°…+3°, +7…+12 градуска чейин өзгөрүлүп турат.

Кээ бир күндөрү абанын температурасы түнкүсүн -11…-16, түндүк тарапта -15…-20, күндүз -3…-8 градуска чейин төмөндөшү мүмкүн.

Кемин өрөөнүндө жана тоо этектериндеги райондордо абанын температурасы түнкүсүн -3… -8, күндүз +1…+6 градустун тегерегинде болушу күтүлөт.

Кээ бир күндөрү абанын температурасы -12…-17, күндүз -4…-9 градус болору айтылды.

Жаан-чачындын айлык көлөмү нормага жакын, тоо этектериндеги райондордо нормадан арбын болушу күтүлөт.

Талас облусу

Абанын айлык орточо температурасын алганда -2…-4° суук болушу күтүлөт.

Ай ичинде абанын температурасы түнкүсүн -4 …+1 градустан, -6…-11ге чейин, күндүз -3 ... +2 градустан +6…+11 градуска чейин өзгөрүп турат. Кээ бир күндөрү түнкүсүн -13…-18, күндүз -4…-9° болору айтылды.

Жаан-чачындын айлык көлөмү нормага жакын болушу күтүлөт.

Ош облусу

Абанын айлык орточо температурасы 0…+2° жылуу, тоо этектериндеги райондордо -1…-3 суук болушу күтүлөт.

Ай ичинде абанын температурасы түнкүсүн -3…-8ден -1…+4° жылуу болсо, күндүз термометр 0…+5 градустан +7…+12° чекке чейин көрсөтүп турат деп болжолдонду.

Тоо этектериндеги райондордо ай ичинде абанын температурасы түнкүсүн -3 …+2 градустан -4…-9га чейин өзгөрүлүп турушу күтүлөт. Кээ бир түндөрү -10…-15 градуска чейин төмөндөшү мүмкүн. Күндүз -4...+1 жылуулуктан +5…+10 градуска чейин өзгөрүлүп турат.

Жаан-чачындын айлык көлөмү нормага жакын, тоо этектериндеги райондордо нормадан арбын болору айтылды.

Жалал-Абад облусу

Абанын айлык орточо температурасы 0…+2°, тоо этектериндеги райондордо 0…-2° болушу күтүлөт.

Ай ичинде абанын температурасы түнкүсүн -3…-8 градустан -1…+4 градуска чейин болот. Күндүз 0…+5тен +7…+12 градус жылуулукка чейин өзгөрүлүп турары айтылды.

Тоо этектериндеги райондордо ай ичинде абанын температурасы түнкүсүн -3 …+2ден -4…-9 градуска чейин өзгөрүлүп турушу күтүлөт. Кээ бир түндөрү -10…-15ке чейин төмөндөшү мүмкүн. Күндүз -4 …+1ден жогорулап, +5…+10° чейин өзгөрүп турат.

Токтогул районунда ай ичинде абанын температурасы түнкүсүн -3…+2ден -5…-10 градуска чейин, күндүз 0…-5тен +2…+7 градуска чейин өзгөрүлүп турат.

Жаан-чачындын айлык көлөмү нормадан жогору болот.

Баткен облусунда

Абанын айлык орточо температурасы 0…+2 жылуу, тоо этектериндеги райондордо 0…-2 градус болушу күтүлөт.

Ай ичинде абанын температурасы түнкүсүн -3…-8ден -1 …+4 градуска чейин, күндүз 0…+5тен +7…+12 градуска чейин чыгышы мүмкүн.

Тоо этектериндеги райондордо ай ичинде абанын температурасы түнкүсүн -3 …+2ден -4…-9 градуска чейин өзгөрүлүп турушу күтүлөт. Кээ бир түндөрү -10…-15ке чейин төмөндөшү мүмкүн. Күндүз -4 …+1ден жогорулап, +5…+10 градуска чейин өзгөрүп турары айтылды.

Жаан-чачындын айлык көлөмү нормага жакын, тоо этектериндеги райондордо нормадан арбын болушу күтүлөт.

Ысык-Көл облусу

Көл кылаасында жылуулук 8 градустан ашпайт.

Абанын айлык орточо температурасы 0…-2, чыгышында -3…-5 градус болушу күтүлөт.

Ай ичинде абанын температурасы түнкүсүн -1…-6дан -7…-12 градуска чейин өзгөрөт. Ал эми күндүз +3…+8 градустун тегерегинде болушу күтүлөт. Бирок кээ бир күндөрү 0…-5° көрсөткүчкө чейин төмөндөй турганы айтылды.

Жаан-чачындын айлык көлөмү нормага жакын болушу күтүлөт.

Нарын облусу

Абанын айлык орточо температурасы -10…-12, Кочкор районунда -7…-9° суук болушу күтүлөт.

Ай ичинде абанын температурасы түнкүсүн -5…-10дон тарта -14…-19 градуска чейин, күндүз -2 …+3төн -4…-9 градус суукка чейин өзгөрүлүп турары айтылды. Кээ бир күндөрү түнкүсүн -20…-25 градус, күндүз -11…-16 градуска жете төмөндөшү мүмкүн.

Жаан-чачындын айлык көлөмү нормага жакын болушу күтүлөт.

Алай өрөөнү

Бул аймакта аталган айда плюс деген көрсөткүчтү жолуктурууга болбой турганын синоптиктер билдирди.

Абанын айлык орточо температурасы -12…-14° болушу күтүлөт.

Ай ичинде абанын температурасы түнкүсүн -9…-14төн тарта -15…-20° суукка чейин өзгөрүлүп турарын кабарлашты. Кээ бир түндөрү -23…-28 градуска чейин төмөндөшү мүмкүн. Күндүз -3…-8ден тарта -9…-14° суук болот.

Жаан-чачындын айлык көлөмү нормага жакын болушу күтүлөт.

Чаткал өрөөнү

Бул аймакта да плюс деген көрсөткүчтү жолуктурууга болбостугун төмөнкү маалыматтан окууга болот.

Абанын айлык орточо температурасы -10…-12° болушу күтүлөт.

Ай ичинде абанын температурасы түнкүсүн -5…-10дон тарта -14…-19° болуп өзгөрүлүп турат. Кээ бир түндөрү -21…-26 градуска чейин төмөндөшү мүмкүн. Күндүз -2…-7ден баштап -8…-13° суукка чейин өзгөрүлүп турушу күтүлөт.

Жаан-чачындын айлык көлөмү нормага жакын болот.

Суусамыр өрөөнү

Аталган өрөөндө эң төмөнкү көрсөткүч түнкүсүн, тагыраагы, -34 градуска жетери айтылды.

Абанын айлык орточо температурасы климаттык нормадан 1 градус жогорулайт да, -14…-18° болушу күтүлөт.

Ай ичинде абанын температурасы түнкүсүн -10…-15тен тарта -18…-23 градуска чейин, күндүз -2…-7ден баштап -10…-15° болуп өзгөрүп турушу күтүлөт. Кээ бир учурда түнкүсүн -29… -34 градуска, күндүз -16…-21 градуска чейин төмөндөйт.

Жаан-чачындын айлык көлөмү нормага жакын болот.

3
Белгилер:
кыш, аба ырайы, Кыргызстан
Тема боюнча
Эртең мененки жана күндүзгү Бишкектин чочуткан көрүнүшү. Видео
Фотофакт: өпкө илдетин чакырган Бишкектин кир абасы
Кийим сатылган дүкөндүн терезесиндеги манекен. Архив

Казакстандык бодибилдер акыры секс куурчагы менен баш кошту. Сүрөт, видео

33
Нур-Султан шаарында жашаган спортчу көптөн бери Марго аттуу куурчак менен кыз-жигит болуп жүргөнүн айтып, былтыр колун сураган.

БИШКЕК, 2-дек. — Sputnik. Казакстандык режиссёр жана бодибилдер Юрий Толочко бир жарым жылдан бери чогуу "жашап" жүргөн Марго аттуу секс куурчагы менен баш кошту. Бул тууралуу ал Instagram баракчасы аркылуу билдирди.

Посмотреть эту публикацию в Instagram

Публикация от OddJack / Юрий Толочко (@yurii_tolochko)

Той ресторанда өткөн. Үйлөнө турчу жигит кадимкидей эле костюм-шым, колукту ак көйнөк кийген. Жаштарды куттуктаганы ондогон киши келгенин байкоого болот. Юрий "кыздын" колуна шакек салып, жайыраак бий аткарышкан.

Посмотреть эту публикацию в Instagram

Публикация от OddJack / Юрий Толочко (@yurii_tolochko)

Белгилей кетсек, Нур-Султан шаарында жашаган бул адам көптөн бери Марго аттуу куурчак менен кыз-жигит болуп жүргөнүн айтып, былтыр анын колун сураган. Үйлөнүү тоюн бир нече жолу пландап, бирок пандемияга байланыштуу жылдырган болчу.

Посмотреть эту публикацию в Instagram

Публикация от OddJack / Юрий Толочко (@yurii_tolochko)

Өзүнүн айтымында, биринчиден, ал мындай жол менен өзүн жаңы ролдо сынап көргүсү келген. Экинчиден, коомдун кандай кабыл аларына кызыккан.

33
Белгилер:
курчак, бодибилдер, үйлөнүү, секс, Казакстан
Тема боюнча
"Шайтанды кубалайбыз". Индияда бир жаштагы бөбөк менен итти үйлөнткөн окуя
Секс-куурчактын кооптондуруучу жагдайлары айтылды