Футбол күйөрмандары. Архив

Ичип алып элдин айласын кетирбе! Күйөрмандын этикети

547
(жаңыланган 18:19 09.11.2019)
Sputnik апта сайын "Этикет" рубрикасынын алкагында коомчулук жүргөн ар кайсы жайларда жана жагдайларда өзүн-өзү татыктуу алып жүрүүнүн эрежелери менен тааныштырат.

Саналуу күндөрдөн кийин кыргыз футболчулары алгач япониялык, андан соң тажикстандык атаандаштары менен беттешет. Эки оюнду тең футбол күйөрмандары чыдамсыздык менен күтүүдө.

Бирок аз жерден кыргызстандыктар курама команданын япониялыктар менен беттешин көрбөй кала жаздады. Анткени Кыргызстан — Мьянма командаларынын Бишкектеги беттешинде фанаттардын бири оюн талаасына чуркап чыгып, анын айынан биздин федерацияга айып салынып, келерки оюндарды күйөрмандарсыз өткөрүү чечимин кабыл алышы мүмкүн эле.

Мындан улам Sputnik Кыргызстан спорт күйөрмандарынын этикетин карап чыгууну туура көрдү. Жазылбаган эрежелер тууралуу этикет мугалими Нуржан Исмаилова айтып берди.

Стадиондун талаптарын сакта

Ар бир футбол талаасынын талаптары болот. Мисалы, сырттан суусундук, тамак-аш, жер-жемиш алып кирүүгө тыюу салынат. Ушул сыяктуу эрежелерди сактаган туура, анткени ал бузулса өзүңүзгө эле жаман. Уюштуруучулар менен кер-мур айтышкандан көрө, сүйүктүү командаңыздын оюнунан ырахат алган жакшы эмеспи.

Айланадагыларга тоскоол болбо

Албетте, күйөрмандык кылган команда ат салышып жатканда эмоцияны басып коюу оңой эмес. Бирок аша чаап эле кыйкырып-өкүрүп, жаныңдагылардын кулагын тундурган дагы туура болбой калат. Ошондой эле баннер көтөрүп күйөрмандык кылууда дагы алды-артты карап оокат кылыңыз. Өтө чоң баннер көтөрүп алсаңыз, арттагыларга оюнду көрсөтпөй тоскоол болушуңуз мүмкүн.

Ичип алып барбаңыз

Спорттук иш-чарага мас болуп алып барууга болбойт. Себебин өзүңүз жакшы билсеңиз керек. Ала күү болуп алып, атаандаштардын күйөрмандарына ызырынып турганыңызды элестетип көрсөңүз. Негизи эле эмоциясы чыңалып турган элдин арасында акыл-эстин тунук болгону жакшы.

Футбол талаасына чыга калбаңыз

"Атың чыкпаса жер өрттө" деген макал бул жагдайга такыр эле туура келбейт. Ишенип коюңуз, бир нече мүнөттүк "атактуулуктун" артында кыжырланган милиция менен сүйлөшүү жана айып пул жатат. Ал эле эмес, бул нерсе сүйүктүү командаңызга көлөкөсүн түшүрүп, эл аралык уюмдар бүтүндөй федерацияга айып салып коюшу ыктымал.

Атаандашты сыйлоо

Албетте, ар бир күйөрман атаандашты моралдык жактан басмырлап, өз командасына дем-күч бергиси келет. Бирок ар бир өзүн сыйлаган күйөрман атаандаш командага дагы сый мамиле кылышы зарыл. Мисалы, башка өлкөнүн курама командасы болгон учурда алардын мамлекеттик гимнин тынч туруп угуп, спортчулар оюн талаасына чыккан маалда кол чаап койсо ашыкча болбойт. Ошондой эле алардын дарегине одоно сөздөрдү айтуу дагы туура эмес.

Артыңдан тазалай кет

Ала келген суусундуктун бөтөлкөсүн, отургучка төшөгөн кагазды сөзсүз ала кет. Таштандыны чогулта кетүү бир гана адамдын эмес, бүтүндөй улуттун маданиятынан кабар берет.

547
Белгилер:
эреже, күйөрман, футбол, Кыргызстан
Тема:
Өзүн алып жүрүүнүн эрежеси (42)
Тема боюнча
Жигитине көз артпа. Курбу кыздар ортосундагы этикет
Бири-бириңди сынап, кафеде орун талашпагыла. Кудалашуу маданияты
Вичке экспресс-тест өткөрүү. Архивдик сүрөт

Бир жылда 850 кыргызстандык ВИЧ жуктурганы аныкталып, 77 киши көз жумду

5
Бүгүнкү күндө антиретровирустук дарыларды колдонуп жүргөн ВИЧ менен ооругандар ден соолугу чың адамдардай эле көпкө чейин жашай турганы белгиленет.

БИШКЕК, 2-дек. — Sputnik. Кыргызстанда 2019-жылы ВИЧ инфекциясын жуктуруп алган 850 адам аныкталды. Бул тууралуу Улуттук статистика комитети билдирди.

Алардын 70 пайызы жыныстык жол менен илештирип алганы белгиленет. Бул илдетке чалдыккандардын саны 2015-жылы 393 болсо, былтыр 595 учурга же 1,5 эсеге көбөйгөнү айтылат.

Ошону менен бирге өткөн жылы 77 адам ВИЧтен көз жумган. Алардын көпчүлүгү (50 киши) эркектер.

"Каза болгондордун айрымдарынын өлүмүнө ашыкча өлчөмдө баңгизат колдонуу жана башкалар себеп болгон. Өлгөндөрдүн дээрлик баары (99 пайызы) 30 жаштан 50 жашка чейинкилер. Башкача айтканда, эмгекке жарамдуу курактагылар. ВИЧ инфекциясынан өлүмдүн эң жогорку көрсөткүчү Ош, Чүй жана Жалал-Абад облустарында катталды", — деп айтылат маалыматта.

Бүгүнкү күндө антиретровирустук дарыларды колдонуп жүргөн ВИЧ менен ооругандар ден соолугу чың адамдардай эле көпкө чейин жашай турганы белгиленет.

5
Белгилер:
статистика, дарылоо, өлүм, жуктуруу, вич
Тема боюнча
Карагулова: республика боюнча 10 миң 214 адам ВИЧ/СПИД менен жашайт
Жалал-Абадда ВИЧ илдетин жуктургандарды аныктоо боюнча акция башталды
Арча-Бешик конушуна асмандан көрүнүш. Архивдик сүрөт

Шаршембиге карата аба ырайы

105
2-декабрга караган түнү өлкөнүн тоолуу райондорунда кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 1-дек. — Sputnik. 2-декабрь, шаршембиде, күндүз республиканын көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй облусунда -1…+4, Талас жергесинде 0…-5, Ош, Жалал-Абад, Баткен аймактарында +4…+9, Ысык-Көлдө жана Нарында 0…+5 градусту түзөт.

Ош жана Бишкек шаарларында жаан-чачын күтүлбөйт. Күндүн табы борбордо 0…+2, Ош шаарында +7…+9 градус жылыйт.

105
Белгилер:
Кыргызстан, аба ырайы
Тема боюнча
Дагы кар жаайбы? Бир жумага карата аба ырайы