Тойдо бийлеген жигит. Архивдик сүрот

Ырчылардын капчыгын калыңдаткан тойдогу хит ырлар

2515
(жаңыланган 11:07 02.12.2019)
Күздүн акыркы айы. Тойлордун аягы дагы деле тыйыла элек. Учурдан пайдаланып ырчы, тамадалар капчыгын калыңдатып жаткан кез. "Тойго" деп ыр жаздыргандар чачтан көп. Ырчылар эле эмес тамадалар дагы тойго "дежурный" ырларын даярдап калышыптыр.

Sputnik тойдо элдин маанайын көтөрүп хитке айланган ырларды тизмектейт.

Үлпөт той кантип "Жар-жарсыз" өтсүн. Мен ырчы деген айымдардын баары "Жар-жар" ырын жаздырып койгон. Эки жашты меймандардын алдына алып чыкканы үчүн алар кем дегенде 200 доллардан алышат. Кызыгы, көп ырчы бул ырды ырдаганы менен бири да клип тарттырбаптыр.

Үлпөт той сыяктуу азыр кыз узатуу да шаан-шөкөт менен өтүп калды. Мындайда ырчылар да жөн турабы, дароо кыз узатууга ылайыктап ырдын түрүн чыгарышты. Алардын ичинен Мирлан Баековдун "Ата тилеги" ыры тойлордо көп жаңырат.

Ишен Назаровдун "Апакем" аттуу ыры калың журтка той аркылуу таанылды окшойт. Ата-энелердин 50-60 жылдык тойлору Ишен Назаровсуз өтпөй калгандай. Ырчы бир чыгармасы менен элге да таанылып, капчыгын да калыңдатып алса керек.

"Тамашоудан" чыккан Ak Orgo Boys жана АИ-92 тобунун "Дык Кын Дыш" деген ыры быйыл тойлордун көркүн ачып, жаш-кары дебей бийлетип жатат. Кайсы тойго барба сөзсүз коюлат.

Ушул эле чыгармачыл топтун "Дум Бари Думба" деген чыгармасы бар экен. Үлпөт, бешик, тушоо тойлордо жаштарды тердеткиче бийлетип, маанай көтөрүп келет.

Тойдун көбү Мирбек Атабековсуз өтпөйт. Быйыл анын "Жалынам" аттуу чыгармасы хит болуп, тойлордун көркүн ачты.

Элдин маанайын көтөргөн шаңдуу той ырларынын катарына ырчы Төлөгөн Мамыровдун аткаруусундагы "Суунун боюнда" чыгармасын кошсо болот.

Эки жыл мурда чыкса деле Нурмат Садыровдун аткаруусундагы "Торгоюм" ыры тойдон түшө элек. Бул ырсыз куда тосулуп, той өтпөйт.

"МузАман" тобунун "Дадагаң болуп кетейин" деген чыгармасы да "Торгоюмдан" кем калбайт. Бул ыр жаңырары менен бий аянтчасы элге толуп калат.

Тамашоучу Самат Эркинбеков Кубик Калыковдун "Той ырын" жаңылап иштеп чыккан. Заманбап кылып клип да тарттырган. Бул ыр да тойлорду көрккө чыгарып, элдин маанайын көтөрүп келет.

2515
Белгилер:
капчык, чыгармачылык, маанай, ыр, той
Тема боюнча
Тойду өзүңөр каалагандай өткөргүлө. Үйлөнө тургандарга 6 кеңеш
Кыркылык берилбесин! Өзбекстан депутаттары той-аш өткөрүү тартибин сунуштады
Таиланддык киши дүңгүрөтө той жасап, келинчегин карызга батырып кетти
Талас шаарында Манас ордо. Архив

Шейшембиге карата аба ырайы

5
(жаңыланган 21:06 13.07.2020)
14-июлда түнкүсүн Ош, Баткен облустарынын кээ бир тоолуу райондорунда жана тоо этектеринде өткүн өтүп, күн күркүрөшү мүмкүн. Калган аймактарда күн ачык болот.

БИШКЕК, 13-июл. — Sputnik. 14-июль, шейшемби күнү, өлкөнүн тоолуу райондорунда жана Жалал-Абад облусунун тоо этектеринде өткүн өтүп, күн күркүрөйт. Бул тууралуу Кыргызгидромет билдирди.

Маалыматка ылайык, республиканын бийик тоолуу райондорунда кар жаашы мүмкүн. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Кайра жаан жаайбы? Бир жумага карата аба ырайы

Абанын температурасы Чүй өрөөнүндө +30...+35, Талас аймагында +29…+34, Ош, Жалал-Абад, Баткен облустарында +31...+36, Ысык-Көл жана Нарын жергесинде +22...+27 градус болору айтылды.

Күндүн табы Бишкекте +33...+35, Ош шаарында +34...+36 жана Чолпон-Атада +22...+24 градуска чейин жогорулайт.

5
Белгилер:
аба ырайы, Кыргызстан
Тема боюнча
COVID таасири: метеорологдор беш жылда климат кандай өзгөрөрүн айтышты
 Жакынкы күндөрү Дүйнөлүк саламаттыкты сактоо уюмунун Женевадагы имараты. Архивдик сүрөт

Кыргызстанга ДССУнун эксперттери келет. Сапардын максаты

25
(жаңыланган 20:59 13.07.2020)
Бүгүн вице-премьер Аида Исмаилова ДССУнун өкүлү Тасним Ататра менен алдыдагы кызматташтыктар боюнча сүйлөшкөн.

БИШКЕК, 13-июл. — Sputnik. Жакынкы күндөрү Дүйнөлүк саламаттыкты сактоо уюмунун (ДССУ) эксперттери Кыргызстанга келери күтүлүүдө. Бул туурасында өкмөттүн маалымат кызматы кабарлады.

Билдирүүгө ылайык, алар өлкөдөгү учурдагы абалды баалоо жана коомдук саламаттыкты сактоо тутумун санариптештирүү боюнча "Жол картасын" иштеп чыгуу максатында келишет.

Кырдаал оор экен. Россиялык эксперттер ооруканаларга барып, КРдеги абалга баа берди

Бүгүн вице-премьер Аида Исмаилова жана ДССУнун өкүлү Тасним Ататра өзгөчө кырдаал шартында коомдук саламаттыкты сактоону башкарууну колдоо максатында маалыматтык агымды жана ресурстарды координациялоо маселесин талкуулашкан.

Жолугушуунун натыйжасында уюмдун өкүлдөрү коомдук саламаттыкты сактоо тутумунун бирдиктүү базасын түзүүгө, программалык камсыздоону иштеп чыгууга жана адистерди окутууга техникалык жардам көрсөтүүгө даярдыгын билдиришкени айтылат.

25
Белгилер:
келүү, эксперт, Дүйнөлүк саламаттыкты сактоо уюму, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
ДССУ жаңы вирус тууралуу айткан кытайлык окумуштууларга жооп берди
ДССУ: дүйнөдө коронавируска каршы 141 вакцина иштелип чыгууда