Жол кырсыгында каза болгон төкмө акын, актер Акжолтой Канат уулу

Буюрбай калды... Акжолтой Канатбек уулу тууралуу 6 факты

21799
(жаңыланган 11:00 14.11.2019)
Төкмө акын Майра Керим кызынын кичүү уулу Акжолтой Канат уулу жол кырсыгынан көз жумду. Каргашадан жанындагы келинчеги, дагы эки жигиттин каза тапканы маалым болду.

Апасынан калган өнөрдү улап, айтыштарга катышып алдыңкы орундарды багынтып жүргөн акын жигит тууралуу Sputnik Кыргызстан агенттиги фактыларды чогултту.

Үйдүн кичүүсү. Акжолтой Канат уулу 1993-жылы 20-майда Ысык-Көл облусунун Тоң районунун Ак-Сай айылында төрөлгөн. Апасы Майра Керим кызынын улуту казак. Бирок Канат Байышов аттуу кыргыз жигитине ашык болуп калып, мекенин таштап Кыргызстанга келин болгон. Майра Керим кызы атактуу төкмө акын, обончу, аткаруучу эле. Тилекке каршы, 2009-жылы оор илдеттен көз жумган. Акжолтой үч бир туугандын кичүүсү болчу. Эжеси менен агасынын Казакстанда турары айтылды.

Посмотреть эту публикацию в Instagram

Публикация от Rhyme_AALY (@akjol_kanatbek)

Эне өнөрүн улаган уул. Айтыш, акындык өнөр жаатында жүргөн таланттардын айтымында, Майра Керим кызы Акжолтойду айтыштык өнөргө эрте эле аралаштырган. Апасынын көзү өткөндөн кийин анын өнөрүн улап айтыштарга чыгып, алдыңкы орундарды ала баштайт. Мындан беш жыл мурда "Көк Асаба" гезитине берген маегинде "Апамдын тилеги болгон "Айым айтыш" коомдук фондун жандандырам. Бул коомдук фондду апам баштайм деп жүрүп асылган дарттан арыла албай аркы дүйнѳгѳ кетип калды. Айтышууга шыгы бар кыздардын тамырын тартып, шыгына дем берейин деп жатам" деген экен.

Билими. Акжолтой Канатбек уулу менен чогуу жүргөн досторунун айтымында, төкмө акын Мураталы Күрөңкеев атындагы Кыргыз мамлекеттик музыкалык окуу жайында билим алган. Бирок окуусун толук бүтүргөн эмес. Сахналаштарынын айтымында, ал театралдык окуу жайды аяктаган.

Погибший в ДТП акын Акжолтой Канат уулу
© Фото / Элнура Суйунбек кызы
Майра Керим кызы Акжолтойду айтыштык өнөргө эрте эле аралаштырган

Көп кырдуу талант. Акжолтой Канатбек уулу төкмө акын эле эмес, ырчы, актер дагы болчу. Чыңгыз Айтматов атындагы орус драма театрында штаттан тышкары актер болуп иштечү. "Демон" спектаклинде башкы ролдордун бирин аткарган. Азыркы тапта режиссер Сүйүн Откеевдин "Кыялкечтер" тасмасында башкы ролду ойноп жаткан. Досторунун айтымында, Акжолтой ыр жаздырып, клип тарттырып, жакында Раймаалы деген каймана ат менен сахнага чыгууга камынып жүргөн. 

Жаңы баш кошкон түгөйлөр. Төкмө акын сүйүктүүсүнө баш кошконуна 2-3 ай гана болгонун бирге иштешкен дос, санаалаштары айтты. Келинчеги Изард 24 жашта, Токтогулдун кызы эле.

Посмотреть эту публикацию в Instagram

Публикация от АДИЛЕТ АЗИМОВ (@adiletazimov)

Тойго баратып ажал тапкан. Акжолтой Канат уулу 11-ноябрга караган түнү Балыкчыдан Кочкор районун көздөй баратып жол кырсыгына кабылган. Ал отурган машина жүк ташуучу унаа менен кагышып, алдына кирип кеткен. Мунун кесепетинен Акжолтой, жубайы жана дагы эки жигит каза болгон. Акжолтой менен бирге жүргөн дос балдарынын айтымында, унаадагылар Тоң районуна тойго барышкан. Ал жактан чыгып Кочкордогу дагы бир жакшылыкка барышмак. Унаада кырсыктаган балдар акыркы жолу өздөрүн видеого тартып, Кочкорго бара жатышканын айтып, ырдап соцтармакка жүктөшкөн.

21799
Белгилер:
ажал, актер, кырсык, төкмө акын
Тема боюнча
Майра Керим кызынын уулу, төкмө акын Акжолтой жол кырсыгынан каза болду
Акжолтой Канат уулунун сөөгү кичи мекенинде жерге берилет
Балыкчыдагы Ордо муниципалдык жаштар борбору жаңы имаратынын ачылышы

Балыкчыдагы "Ордо" муниципалдык жаштар борбору жаңы имараттуу болду

18
(жаңыланган 23:19 25.02.2021)
Аталган борбор жаштарды шаардагы социалдык-экономикалык жана коомдук турмушка кеңири тартуу максатында уюшулган.

БИШКЕК, 25-фев. — Sputnik. Балыкчы шаар мэриясынын алдындагы "Ордо" муниципалдык жаштар борборунун жаңы салынган имараты расмий иштеп баштады. Бул тууралуу ачылыш аземге катышкан аймактык кабарчы билдирди.

  • Балыкчы шаар мэриясынын алдындагы Ордо муниципалдык жаштар борборунун жаңы салынган имараты расмий иштеп баштады
    Балыкчы шаар мэриясынын алдындагы "Ордо" муниципалдык жаштар борборунун жаңы салынган имараты расмий иштеп баштады
    © Sputnik
  • Аталган борбор жаштарды шаардагы социалдык-экономикалык жана коомдук турмушка кеңири тартуу максатында уюшулган
    Аталган борбор жаштарды шаардагы социалдык-экономикалык жана коомдук турмушка кеңири тартуу максатында уюшулган
    © Фото / © Sputnik
  • Ага Япония өкмөтү 43 миң доллар берип, долбоорду Бириккен Улуттар Уюмунун (БУУ) өнүктүрүү программасы жүзөгө ашырган
    Ага Япония өкмөтү 43 миң доллар берип, долбоорду Бириккен Улуттар Уюмунун (БУУ) өнүктүрүү программасы жүзөгө ашырган
    © Sputnik
  • Борбордо жергиликтүү активдүү жаштар биригип, демилгелерди көтөрүп, кийин жергиликтүү өз алдынча башкаруу органдары менен ишке ашырууга шарт түзүлөт
    Борбордо жергиликтүү активдүү жаштар биригип, демилгелерди көтөрүп, кийин жергиликтүү өз алдынча башкаруу органдары менен ишке ашырууга шарт түзүлөт
    © Sputnik
1 / 4
© Sputnik
Балыкчы шаар мэриясынын алдындагы "Ордо" муниципалдык жаштар борборунун жаңы салынган имараты расмий иштеп баштады

Аталган борбор жаштарды шаардагы социалдык-экономикалык жана коомдук турмушка кеңири тартуу максатында уюшулган. Ага Япония өкмөтү 43 миң доллар берип, долбоорду Бириккен Улуттар Уюмунун (БУУ) өнүктүрүү программасы жүзөгө ашырган.

"Бул жерге шаардын потенциалдуу жаштары чогулат. Биргелешкен пландарды түзүп, жергиликтүү коомдун туруктуу өнүгүүсүнө катышууга мүмкүнчүлүк түзүлөт", — деди БУУнун Өнүктүрүү программасынын туруктуу өкүлүнүн орун басары Томица Паович.

Борбордо жергиликтүү активдүү жаштар биригип, демилгелерди көтөрүп, кийин жергиликтүү өз алдынча башкаруу органдары менен ишке ашырууга шарт түзүлөт. Ошондой эле жаштар саясатын калыптандырып, ишкердикке багыт алып, калааны өнүктүрүүгө салым кошууга түрткү болору белгиленди.

Ачылыш салтанатка Япониянын элчилигинин жана БУУнун өнүктүрүү программасынын, жергиликтүү өз алдынча башкаруусунун өкүлдөрү, өкмөттүн Ысык-Көл облусундагы өкүлү жана шаар жаштары катышты.

18
Белгилер:
азем, ачылыш, имарат, борбор, жаштар, Балыкчы
Тема боюнча
Шыктандырат! Балдар үйүнүн бүтүрүүчүлөрү чакан бизнес ачканда. Видео
Жарманкеде жашылча-жемиш сатуу. Архив

Нарында азык-түлүк, буюм-тайымды арзандатуу үчүн жарманкелер уюштурулду

40
(жаңыланган 22:21 25.02.2021)
Мындай иштер өкмөттүн аппаратынын тапшырмасына ылайык, бааларды базар наркынан арзандатуу максатында жасалып жатат.

БИШКЕК, 25-фев. — Sputnik. Нарын облусунда калкка зарыл болгон азык-түлүк жана буюм-тайымдардын жарманкелери уюштурулуп жатат. Бул тууралуу облустагы өкүлчүлүктүн маалымат кызматы билдирди.

Мындай иштер өкмөттүн аппаратынын тапшырмасына ылайык, бааларды базар наркынан арзандатуу максатында жасалууда.

  • Нарын облусунда калкка зарыл болгон азык-түлүк жана буюм-тайымдардын жарманкелери уюштурулуп жатат
    Нарын облусунда калкка зарыл болгон азык-түлүк жана буюм-тайымдардын жарманкелери уюштурулуп жатат
    © Sputnik
  • Бул тууралуу облустагы өкүлчүлүктүн маалымат кызматы билдирди
    Бул тууралуу облустагы өкүлчүлүктүн маалымат кызматы билдирди
    © Sputnik
  • Мындай иштер өкмөттүн аппаратынын тапшырмасына ылайык, бааларды базар наркынан арзандатуу максатында жасалууда
    Мындай иштер өкмөттүн аппаратынын тапшырмасына ылайык, бааларды базар наркынан арзандатуу максатында жасалууда
    © Sputnik
  • Жарманке ушул жылдын 1-апрелине чейин жума сайын жер-жерлерде өткөрүлүп турмакчы
    Жарманке ушул жылдын 1-апрелине чейин жума сайын жер-жерлерде өткөрүлүп турмакчы
    © Sputnik
1 / 4
© Sputnik
Нарын облусунда калкка зарыл болгон азык-түлүк жана буюм-тайымдардын жарманкелери уюштурулуп жатат

Жарманке ушул жылдын 1-апрелине чейин жума сайын жер-жерлерде өткөрүлүп турмакчы.

"Бүгүн, 25-февралда, мындай жарманке Жумгал районунун Куйручук айылында өткөрүлдү. Аталган айылдагы мал базарга келген район тургундары жарманкеге да катышып, керектүү азык-түлүк, буюм-тайымдарын арзаныраак баада алышты", — деп айтылат маалыматта.

Жарманкелер төмөнкү даректерде уюштурулат:

  • Нарын шаарынын Ленин көчөсү, "Санэпид" аймагы — 1-8-15-22-29-мартта;
  • Ак-Талаа районунун Баетов айылы - 5-12-19-26-мартта;
  • Ат-Башы районунун Ат-Башы айылы - 28-февралда, 7-14-21-28-мартта;
  • Кочкор районунун Теңдик айылында — 27-февралда, 6-13-20-27-мартта;
  • Нарын районунун Миң-Булак айыл аймагына караштуу Өрнөк айылы — 27-февралда, 6-13-20-27-мартта;
  • Жумгал районунун Куйручук айылы — 4-11-18-25-мартта жана 1-апрелде уюштурулмакчы.
40
Белгилер:
жарманке, баалар, азык-түлүк, Нарын
Тема боюнча
Дем алыш күндөрү Бишкектин үч районунда жарманке өтөт. Азык-түлүктөрдүн баасы
Президент Садыр Жапаров жана Россиянын президенти Владимир Путин Кремлдеги жолугушуу учурунда

Садыр Жапаровдун чет өлкөгө жасаган биринчи сапарынын жыйынтыгы. Сереп

58
(жаңыланган 00:30 26.02.2021)
Президент Садыр Жапаровдун чет өлкөгө жасаган биринчи иш сапары жыйынтыкталды. Материалдан жолугушуулардын урунттуу учурларын окуңуздар.

Садыр Жапаров Бишкектен Москвага 24-февралда учуп кеткен. Делегация дээрлик чоң эле болду. Курамына президенттин аппаратынын жетекчиси, эки вице-премьер, жети министр, эки ведомствонун жетекчилери жана Бишкек шаарынын мэринин милдетин аткаруучу дагы кирди.

Жапаров Россияга учуп кетер алдында Кыргызстан менен Россиянын өз ара мамилелери жана байланыштары жөнүндө "Союздук байланыштар" аттуу макаласын жарыялады. Анда мамлекет башчы тарыхта кыргыз-орус элинин алысташына өбөлгө түзгөн көйгөй жаралбагандыгын белгилеген.

Кийин Россиянын ири маалымат агенттиктеринин бири болгон РИА Новостиге орус-кыргыз мамилесинин абалын, кызматташууда биринчи басым эмнеге жасала тургандыгын айтып берген.

Пандемияга байланыштуу сапар расмий эмес, жумушчу болду. Мындан улам Москванын аэропортунда оркестр жана башка шаан-шөкөт уюштурулган жок.

Кремлден белгилешкендей, жумушчу сапардын программасы мазмундуу болду. Садыр Жапаров Москвага учуп келери менен Россиянын президенти, андан соң Татарстандын башчысы менен жолукту. Кийинки күнгө Россия парламентинин эки палатасынын төрагалары жана өкмөт башчысы менен жолугушуу пландалган.

Бул иш сапар Кыргызстандын жетекчилиги үчүн башкы өнөктөштүн ишенимине кирип, жакшы байланыш түзүүгө жол ачты. Ал эми Россияга алдыда ким менен иштешерин билүүгө мүмкүнчүлүк жаралды.

Владимир Путин

Россиянын лидери эки мамлекет достук гана эмес, союздук мамиле түзө алганын белгиледи. Ал ошондой эле Россия Кыргызстандагы ички саясий кырдаалын жөнгө саларына үмүт артарын айтты.

Пандемия боюнча дагы маселе козголду. Путин Россия Кыргызстанга буга чейин жардам берип келгенин, мындан ары дагы колдоо көрсөтүү үчүн болгон аракетин жасай турганын билдирди. РФ президенти КР өкмөтүнүн вирусту ооздуктоого күчү жетип жатканын канааттануу менен белгиледи. Путин эки өлкөнүн эриш-аркак жылына пандемия жолтоо болгонун эске салып, абал жакшырса орду толтуруларын айтты.

РФ лидери Кыргызстандын Конституциясына киргизилгени жаткан өзгөртүүлөр боюнча дагы кеп козгоду. Ал алдыга коюлган пландар республикадагы кырдаалды турукташтырып, КРдин өнүгүүсүнө шарт түзүп, Россия менен байланышты бекемдээрине үмүт кыларын билдирди. Мындан сырткары, ал Кыргызстан орус тилинин расмий статусун Конституцияда сактаганы Россия үчүн дагы, кыргызстандыктар үчүн дагы маанилүү экенин кошумчалаган.

Ал эми Садыр Жапаров өтө кыйын болуп турган мезгилде жана пандемия учурундагы көрсөткөн колдоого өзгөчө ыраазычылыгын билдирди. Ошондой эле ЕАЭБ, КМШ, ЖККУ жана ШКУнун алкагында кызматташуу ниетинде экенин айтты. Ал ошондой эле коронавируска каршы россиялык вакцинанын майнаптуулугун жана коопсуздугун дүйнө коомчулугу таанып жаткандыгын белгилеп, жакынкы арада Кыргызстан дагы эмдөө кампаниясын баштайт деген үмүттө экенин кошумчалады.

Рустам Минниханов

Андан кийин Жапаров Татарстандын президенти Рустам Минниханов менен жолукту. Жолугушуу таанышуу мүнөздө өттү. Президенттер эки элдин ортосундагы экономикалык жана маданий байланышты күчөтүү зарылдыгын айтышты.

Президент Кыргызстана Садыр Жапаров во время встречи с президентом Татарстана Рустамом Миннихановым в рамках визита в РФ
© Пресс-служба президента КР / Султан Досалиев
Андан кийин Жапаров Татарстандын президенти Рустам Минниханов менен жолукту

Парламенттик деңгээл

Кийинки күнү Жапаров Федералдык кеңештин (парламенттин жогорку палатасы) төрайымы Валентина Матвиенко менен көрүштү. Анда кыргыз-орус кызматташтыгы тууралуу пикир алышуу болду. Матвиенко Жапаровдун чет өлкөгө жасаган алгачкы эле сапарында Россияга келишин эки мамлекеттин мамилеси жогорку деңгээлде экенин айгинелегенин белгиледи. Путин сыяктуу ал дагы Кыргызстанда орус тилинин расмий макамынын сакталышынын маанилүүлүгүн айтты.

Ага чейин Кыргызстандын өлкө башчысы Россиянын Мамлекеттик Думасынын (парламенттин төмөнкү палатасы) төрагасы Вячеслав Володин менен жолуккан. Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан. Володин ошондой эле Кыргызстанда жакында эле өткөн президенттик шайлоо тууралуу кеп салып, АКШдагы шайлоого караганда бир кыйла ачык өткөнүн айтты.

Михаил Мишустин

Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү. Россия өкмөтүнүн башчысы эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин айтты.

Өз кезегинде Жапаров пандемия учурунда гуманитардык, каржылык жана техникалык жардам көрсөткөн колдоосу үчүн Россия өкмөтүнө ыраазычылыгын билдирди. Ошондой эле эки мамлекеттин ортосундагы бардык потенциалды толук ачып берүүгө умтулаарын кошумчалады.

Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
© Пресс-служба президента КР / Султан Досалиев
Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү

Мигранттар менен жолугушуу

Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти. Ал мигранттардын Кыргызстандын экономикасына кошкон салымы чоң экенин белгилеп, аларды мекенге кайтаруу үчүн шарт түзүүгө убада берди.

Президент сүйлөп жатып, үй ээлери салык төлөөдөн качып мигранттарды каттоодон баш тартышаарын, мындан улам келип чыккан миграциялык каттоонун көйгөйү жөнүндө билерин айтты. Президент маселени чечүү жолдорун да атады.

Кыргызстанцы проживающие в России на встрече с президентом КР в рамках его рабочего визита в РФ
© Пресс-служба президента КР / Султан Досалиев
Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти

Россиянын бизнес өкүлдөрү менен жолугушуу

Россиядан инвестиция алып келүү иш сапардын маанилүү милдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты. Президент ишкерлерди тигүү, айыл чарба продукцияларын кайра иштетүү, логистикалык борборлорду куруу сыяктуу тармактарга каражат салууга чакырды.

 Президент Кыргызстана Садыр Жапаров встретился с представителями крупного российского бизнеса в Москве в рамках своего визита в РФ
© Пресс-служба президента КР / Султан Досалиев
Россиядан инвестиция алып келүү иш сапардын маанилүү млдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты

Жыйында болгон сүйлөшүүлөр тууралуу конкреттүү маалыматтар айтылган жок. Деген менен президент жана өкмөт мүчөлөрү россиялык ишкерлердин суроолоруна жооп берди.

Эки күндүк иш сапардын соңунда кыргызстандык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү.

© Пресс-служба президента КР / Султан Досалиев
Эки күндүк иш сапардын соңунда кыргызстадык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү

Кандай документтерге кол коюлду?

Иш сапардын аякташы менен Кыргызстандын тышкы иштер министри Руслан Казакбаев кесиптеши Сергей Лавров менен жолукту. Алар төрт документке кол коюшту:

  • КР өкмөтү менен РФ өкмөтүнүн ортосундагы Кыргызстандагы идентификациялоо каражаттары менен товарларды маркировкалоо системасын түзүү максатында Россия тарабынан Кыргызстанга кайтарылгыс техникалык жардам көрсөтүү жөнүндө макулдашуу;
  • КР Коргоо министрлиги менен РФ Коргоо министрлигинин ортосундагы Кыргызстандын аймагында пилотсуз учуучу аппараттарды колдонуу жөнүндө протокол;
  • КР менен РФтин 2021-2025-жылдарга карата коргоо ведомстволорунун башчыларынын ортосундагы аскер жаатындагы стратегиялык өнөктөштүгүн өнүктүрүү программасы;
  • КР Айыл, суу чарба жана аймактарды өнүктүрүү министрлиги менен РФ Айыл чарба министрлигинин ортосундагы айыл чарба продукциясын жеткирүү жаатында кызматташуу жөнүндө өз ара түшүнүшүү меморандуму.
58
Белгилер:
Вячеслав Володин, Михаил Мишустин, Валентина Матвиенко, Владимир Путин, кызматташуу, документ, Москва, иш сапар, Садыр Жапаров, президент, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга экономиканы көмүскөдөн чыгарууга 623 млн. сом берет
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди