Гонконгтогу ызы чуу. Архивдик сүрөт

Гонконгдогу ызы-чуудан улам кыргызстандык студенттер окуусун таштап кетүүдө

328
(жаңыланган 17:59 15.11.2019)
Гонконгдо нааразычылык акциясына чыккан элдин жүрүшү башаламандык менен коштолуп, июнь айынан бери токтой элек.

БИШКЕК, 15-ноя. — Sputnik. Гонконг провинциясынын Сянган шаарындагы (Кытай) массалык башаламандыктан улам кыргызстандык студенттер окуусун таштап кетип жатышат. Бул тууралуу Тышкы иштер министрлигинин маалымат кызматы кабарлады.

Билдирүүгө ылайык, Сянганда окуп жаткан 42 студенттин үчөө шаардан чыгып кетти, калганы жакынкы авиакаттамдар менен учуп келүүнү пландап жатышат.

"Кыргызстандын Кытайдагы элчилигинин жана Гуанчжоудогу башкы консулдугунун кызматкерлери студенттер менен тыгыз байланышта. Кытай тараптын көмөгү менен кыргызстандыктар коопсуз жерге жайгаштырылды. Мекендештерге жардам берүү үчүн Гуанчжоудогу башкы консул Искендер Орусбаев Сянганга жөнөп кетти", — деп айтылат маалыматта.

Ошондой эле элчилик Кыргызстандын туристтик компаниясы менен каражаты жетишсиз студенттерге билеттин акчасын кечиктирип төлөөгө мүмкүнчүлүк берген макулдашууга жетишти.

ТИМ Сянганда расмий органдар тарабынан атайын эвакуациялоо иштери жүрбөгөнүн, чет элдик студенттер өз эрки менен мекенине кайтып жатканын кабарлады.

Эске салсак, буга чейин Гонконгдун өкмөтү "качкын шектүүлөр" жөнүндөгү мыйзамга өзгөртүүлөрдү киргизүүнү сунуштаган. Ага ылайык, кылмышкерлер Кытайга экстрадицияланмак. Бирок тургундар "бул мыйзам Гонконгдун сот системасынын эркиндигин чектейт" деп июнь айынан бери каршылык акциясына чыгып келишет. Гонконгдун бийлиги мыйзамды белгисиз мөөнөткө артка чакыртып алганына карабастан, демонстранттар андан биротоло баш тартууну талап кылышууда. Бул убакыт аралыгында 3 миңден ашуун адам кармалды. 1,5 миңден көбүрөөк тургун жабыркап, 400 полиция кызматкери жаракат алды. Бирок муну менен митинг токтоп калган жок, саны бир аз азайганы менен башаламандыкты ооздуктоого мүмкүн болбой жатат.

Мындан улам ТИМ мекендештер кандайдыр бир оор кырдаалга туш болсо төмөнкү номерлерге кайрылууга чакырат.

КРдин Кытайдагы элчилиги:

  • Жумуш номери: +8610-64681348;
  • Уюлдук номер: +8618611736340 (WhatsApp, WeChat).
  • +8613260203680;
  • +8613581902801.

Гуанчжоудогу башкы консулдук:

  • Уюлдук номер: +8613925051627;
  • +8618666093015.
328
Белгилер:
Элчилик, башаламандык, студент, Гонконг, ТИМ
Тема боюнча
Италия, Испания, Австрияга виза берилбей турган болду. ТИМ себебин аныктайт
Буэнос-Айресте футболдун легендасы Диего Марадонанын дүйнөдөн кайткандыгына байланыштуу эл аза күтөт

Кароосуз калтырган. Марадонанын дарыгери анын өлүмүнө күнөөлөнүп жатат

13
(жаңыланган 10:11 30.11.2020)
Учурда дарыгердин үйүндө жана клиникасында тинтүү жүргүзүлүп, Марадонанын оорсуна байланыштуу документтер алынган.

БИШКЕК, 30-ноя. — Sputnik. Диего Марадонанын дарыгери Леопольд Луке футболчунун өлүмүнө күнөөлөнүп жатканын РИА Новости Аргентинанын Telam агенттигине шилтеме кылып жазды.

Дарыгердин үйүндө жана клиникасында тинтүү жүргүзүлүп, Марадонанын оорусуна байланыштуу документтер алынган.

Тергөө ак халатчандын шалаакылыгына жана бейтаптын кароосуз калгандыгына байланыштуу жүргүзүлүп жатканы айтылат.

Ошондой эле медайым Даяна Гисель Мадрид да суралууда. Ал таңкы 07:30да Марадонанын бөлмөсүнөн кыйналган үн угуп, барып тиешелүү жардам көрсөткөнүн айткан. Бул айткандарынын эми чын-бышыгы аныкталууда.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

13
Белгилер:
өлүм, футбол, дарыгер, Диего Марадона
Тема боюнча
Өз тажиямда эмне дээр элем... Марадонанын эски видеосу желдей тарады
Мамлекеттик кызматкер иш учурунда. Архив

"Унаа" мекемесине караштуу бир бөлүмдүн иш графиги өзгөрөт

18
(жаңыланган 10:07 30.11.2020)
Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

БИШКЕК, 30-ноя. — Sputnik. "Унаа" мамлекеттик мекемесинин "Риом" унаа базарында жайгашкан бөлүмүндө 1-декабрдан тарта жаңы иш графиги түзүлөт. Бул тууралуу Мамлекеттик каттоо кызматы кабарлады.

Ага ылайык, аталган бөлүм декабрдын башынан тарта дүйшөмбү, шейшемби, шаршемби, ишемби, жекшемби күндөрү иштейт. Ал эми бейшемби жана жума күндөрү дем алыш болуп эсептелип, бөлүм жабык болот.

"Жумуш убактысы ошол бойдон калат. Тагыраагы, саат 8:30дан 17:30га чейин иштейт. Ал эми 12:00дөн 13:00гө чейин тыныгуу", — деп айтылат маалыматта.

Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

18
Белгилер:
өзгөрүү, тартип, график, унаа, каттоо кызматы
Тема боюнча
Мамкаттоо 604 миң сомго автоунаанын бир номерин жана эки "ХАН" сатты

Месси "Осасунага" киргизген голун Марадонага арнады. Видео

0
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

0
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады