27 жаштагы Эсен Ниязов АКШнын Чикаго шаарындагы Cybertek компаниясын жетектейт

120 миң долларга чейин маяна алабыз. АКШдагы программист Эсен Ниязовдун маеги

19509
(жаңыланган 16:39 17.11.2019)
27 жаштагы Эсен Ниязов АКШнын Чикаго шаарындагы Cybertek компаниясын жетектейт. Баткенде кезинде кой кайтарган өспүрүм сегиз жылдан бери Америкада билим алып, ал жакта IT тармагында иштеп келет.

Sputnik Кыргызстан агенттигинин кабарчысы чет жакта ийгилик жаратып, туулуп-өскөн жеринин өнүгүүсүнө өз салымын кошуп жаткан мекендеш менен маек курду.

— Америкага кантип барып калгансыз? Алгач бир топ эле кыйынчылыктарга туш болсоңуз керек...

— Баткен облусунда 6-класска чейин орто мектепте окуп, андан кийин түрк лицейде билимимди уланткам. Мектепти аяктагандан кийин бир жылга жакын Бишкекте жүрдүм. "Саякаттап иште" деген долбоор бар, мен Кыргызстандагы келишим боюнча Аляскада иштемекмин. Барып ал жакта балык заводдо эки айдай иштеп, кийин Висконсин штатына келип окууга тапшырып калдым. Алгач колледжде 2,5 жыл окуп, кайра университетке которулдум. ЖОЖдо окуп жүргөндө официант, сатуучу болуп иштедим. Курсак тойгузуп, окуунун акчасын төлөш керек болду. Висконсин университетин компьютердик инженерия адистиги боюнча бүтүргөм. Акыркы үч жылдан бери өзүмдүн кесибим боюнча иштеп келем. Бала чагымдан бери компьютерге кызыгып, үйрөнүүгө дилгир болчумун. Ал кезде Кыргызстанда бул тармак анча деле алдыга кеткен эмес болчу, азыр жакшы өнүгүп калды. 

Руководитель IT компании Cybertek в Чикаго Эсен Ниязов во время беседы
© Sputnik / Асель Сыдыкова
27 жаштагы Эсен Ниязов АКШнын Чикаго шаарындагы Cybertek компаниясын жетектейт

— Университетке канча контракт төлөчү элеңиз?

— Негизи колледждин контракт акчасы 6-7 миң доллар, ал эми университеттики кыйла эле кымбат болчу. ЖОЖду бүткөнүмө көп убакыт болуп кеткендиктен так суммасын унутуп калдым. Жашырган деле эч нерсем жок, бирок университетиме азыркыга чейин ай сайын контракт төлөп келем. Себеби мен студенттик насыя менен окугам. Жемишин берип жатат, акча таап, тиричилик көрүп жатабыз.

— Чикагодогу жумушуңуз жөнүндө сөз кылсак. Сиздердин окуу борборуңузда көп кыргызстандык билим алып жатканын угуп калган элек.

— Cybertek компаниясы Вашингтондо эле өз ишмердүүлүгүн жүргүзүп келе жаткан. Анан биз Чикагодо көп мүмкүнчүлүк, талап бар экендигин байкап, ал жакта да компаниянын өкүлчүлүгүн ачканбыз, мен ал жерди жетектейм. Башында 6-7 ай ичинде Чикагодогу кыргызстандыктарды программист кылып даярдап чыгуу максаты да коюлган. 2,5 жыл ичинде бизде окуп кеткен 300гө жакын жердеш IT тармагында өз ордун таап, жакшы жерлерде иштеп жатат. Мындан сырткары, студенттердин арасында башка мамлекеттен келгендер да жок эмес.

— Сыр болбосо канча айлык аласыз?

— Биз иштеп жүргөн Американын IT тармагында жылына 100-120 миң доллардай тапсаң орточо айлык болуп эсептелет. Ошондо айына тапкан кирешең 10 миң доллардын айланасы болуп калат. Мындан медициналык камсыздандыруу, социалдык төлөмдөр, салык болуп көп эле акча мамлекетке төлөнөт. Ага карабай калганына үй-бүлө багып, кыйынчылыксыз тиричилигиңди кылсаң болот. 

 Руководитель IT компании Cybertek в Чикаго Эсен Ниязов во время беседы
© Sputnik / Асель Сыдыкова
Баткенде кезинде кой кайтарган өспүрүм сегиз жылдан бери Америкада билим алып, ал жакта IT тармагында иштеп келет

— Чет жакта иштеп жүргөн кесипкөй программист катары IT тармагынын орду жана маанилүүгү жөнүндө айтыңызчы. Келечекте өндүрүш ансыз өз ишмердүүлүгүн жүргүзө алабы?

— Азыр АКШдагы ар бир компаниянын ичинде IT департаменти бар. Эгер ишкананын IT бөлүмү, консультанты болбосо, ал фирманын же компаниянын иши жүрүшпөйт дегенди билдирет. Жөнөкөй эле сайты болбосо кардарлар күмөн санап, чыгашасы көп болуп иши узакка барбайт. Себеби ал жактагы процесс, өндүрүш болуп көрбөгөндөй электрондоштурулган. Мисалы, биз окуткан студенттер автоматташтыруу боюнча билим алат. Студенттерибиз өндүрүштө 10-15 жумушчу жасаган ишти автоматташтырып, 1-2 адам гана жасай тургандай кылып компьютерлештирет. Мындайча айтканда, IT — бизнес үчүн чоң үнөмдөө, продукциянын көлөмүн жогорулатуу.

— Бишкекте компания ачкаңыздарды да билебиз, ал эмне менен алектенет?

— Бул жактагы биздин компания аутсорсинг менен алектенет. Мындайча айтканда, программисттер Бишкекте отуруп алып чет элдик буюртмаларды жасайт. Биз америкалыктардын долбоорлорун таап берип, КРде аны арзан баада жасатып беребиз. Учурда ал жакта 15 адам иштейт. Негизинен АКШнын базарына ылайыктап өз ишмердүүлүгүн жүргүзөт, стартаптарды жасайт. Ошол эле маалда жергиликтүүлөргө тиркеме, сайт жасап беришет.

— Кыргызстанда чет элдик буюртмаларды аткарган бир топ эле IT компаниялар бар. Менимче, алар эл аралык деңгээлге чыга албай жаткандай. Сиздин пикириңизде бизде IT тармагы кандай өнүгүп, кайсы тоскоолдуктарга кабылууда?

— Азыр дүйнө жүзү боюнча жогору айлык маянаны IT адистери алат. Бул тармактын келечеги кең, көп мүмкүнчүлүктөрү бар жана өтө тездик менен өнүгүүдө. Кыргызстандыктар өлкөбүздүн имиджи үчүн иштей башташыбыз зарыл. Кийин кеч болуп калат. Чет элдик инвесторлор менен компаниялар Кыргызстандан кооптонуп турушат. Мен өзүмдүн башымдан өткөн бир окуяны айтып берейин. Бишкектеги компаниябыздын программисттерине буюртма алуу үчүн америкалык бир компанияга барып өзүбүздүн сунушубузду берип калдым. Алар биздин өлкө тууралуу интернеттен маалымат издейт. Шак эле башаламандык, мыйзамсыздык, кылмыштуулук өңдүү терс жаңылыктар чыгат да бизден качып кеткен. Анткени аны Украина, Эстония, Индия, Грузиядан деле жасатып ала алат. Ошондуктан мамлекеттин имиджи үчүн иштерди жасап, бул маселеге көңүл буруш керек. Антпесе келечектеги жаш програмисттер, ишкерлер жакшы буюртма, долбоорлордон кур кала берет. Мурдагыдай эле майда иштерди жасап, бир же эки миллиондук буюртмаларга жетпей жүрөт. Иш жүзүндө андай ири суммадагы долбоорлорду Бишкектеги компаниялар кыйынчылыксыз жасай алат. 

 Руководитель IT компании Cybertek в Чикаго Эсен Ниязов во время беседы
© Sputnik / Асель Сыдыкова
Ниязов: университетиме азыркыга чейин ай сайын контракт төлөп келем. Себеби мен студенттик насыя менен окугам

— Жакшы. Соңку сурообуз болсун. Чет тилде сүйлөп, өз ишинин майын чыгарып Американы багындырып жаткан Эсендин балалыгы кандай болгон жана Кыргызстанга качан кайтып келет?

— Жакындарым Баткен облусундагы айылдардын биринде жашайт. Атам-энем пенсияга чыгып, айылда чакан ишкерлик менен алектенет. Америкадан Кыргызстанга келген сайын түз эле айылга жөнөйм. Балалык кез эл катары эле тоодо мал кайтарып, талаада дыйканчылык менен өткөн. Мекенге кайтып келүү боюнча айтсам, биздин Кыргызстанда жүргөнүбүзгө караганда АКШда иштегенибиз пайдалуу болот го деп ойлойм. Анткени чет жакта жүргөн ар бир кыргыз тууган-уругуна жардам берип, батир алып, ишкерлик кыла коёт. "Жыргаганыман жылкычы болдумбу" дегендей, буюрса убактысы келет, ошондо мекенге кайтып келебиз.

19509
Белгилер:
маек, IT компаниялары, программист, Эсен Ниязов, Кыргызстан
Тема боюнча
700 долларга эч ким иштебейт. Кыргызстандык ишкердин Гуанчжоудагы турмушу
Google X кеңсесине боз үй тигилди
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

25
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

25
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны
Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды

Москвада көпүрө кырсыгында жабыркаган кыргызстандыктардын абалы айтылды. Сүрөт

48
(жаңыланган 22:47 01.10.2020)
Кыргызстандын Россиядагы элчиси көпүрө кырсыгында жабыркаган кыргызстандыктардын абалынан кабар алды.

БИШКЕК, 1-окт. — Sputnik. Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды. Бул тууралуу дипломатиялык өкүлчүлүктүн маалымат кызматы билдирди.

  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Анын 22си медициналык кароодон кийин үйүнө жиберилген
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    Каза болгондор катталган эмес
    © Фото / пресс-служба посольства Кыргызстана в России
  • Посол КР в РФ Аликбек Джекшенкулов посетил пострадавших при обрушении моста на подмосковном предприятии
    29 адам ооруканага жактырылган, бирөөнүн абалы өтө оор, дагы эки мекендештин абалы оор деп айтылган.
    © Фото / пресс-служба посольства Кыргызстана в России
1 / 5
© Фото / пресс-служба посольства Кыргызстана в России
Кыргызстандын Россия Федерациясындагы элчиси Аликбек Жекшенкулов Подмосковьедеги ишканада көпүрө урап жабыркаган кыргызстандыктардын абалынан кабар алды

Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган. Анын 22си медициналык кароодон кийин үйүнө жиберилген. Каза болгондор катталган эмес. 29 адам ооруканага жаткырылган, бирөөнүн абалы өтө оор, дагы эки мекендештин абалы оор деп айтылган. Үч адамга операция жасалган. Ооруканага жаткырылгандардын арасында 16 жаштагы кыргызстандык бар.

“Домодедово ооруканасынын башкы дарыгери мээсине кан кетип, катуу жабыркаган 24 жаштагы Ч.К. аттуу жаранды дарылоого өзгөчө көңүл буруларына ишендирди. Анын абалы туруктуу оор. Жандандыруу бөлүмүнөн өзгөчө ыңгайлуу палатага которулган. Элчилик учурда анын апасын жана карындашын Россияга алып келүү боюнча иштеп жатат. Алардын жолго кеткен чыгымы жумуш берген компаниянын эсебинен болот”, — деп айтылат элчиликтин билдирүүсүндө.

Россияда көпүрө кырсыгынан жабыркаган кыргызстандыктардын саны 51ге жетти

Балдар хирургиясынын бөлүм башчысы 16 жаштагы М.А. аттуу жаранды дарылоо үчүн зарыл болгон бардык аракеттер көрүлгөнүн, учурда ал өзүн жакшы сезип калганын билдирген. Анын билеги жана жамбаш сөөгү сынып ооруканага түшкөн. Операция ийгиликтүү жасалып, өспүрүмдүн абалы канааттандырарлык экени айтылды. Кеткен медициналык чыгымдарды жумуш берген компания төлөгөн.

Элчи жабыркагандардын баарына кенемте төлөтүү боюнча жүргүзүлгөн сүйлөшүүлөрдүн жыйынтыгын айткан. Анын билдиришинче, россиялык компания жабыркагандарды дарылоого кеткен чыгымды төлөөгө кепилдик кат жазып берген. Мындан сырткары, элчилик менен жабыркаган мигранттар үзгүлтүксүз байланышта болуусу үчүн соцтармакта жалпы топ түзүлгөн.

48
Белгилер:
Кыргызстан, мигранттар, Подмосковье, Россия, кырсык, көпүрө
Тема боюнча
Элчилик: компания көпүрө урап жабыркаган КР жарандарынын бүт чыгымын төлөйт