Кыш. Архивдик сүрөт

Жакында кар жаайбы? Бир жумага карата аба ырайы

4766
(жаңыланган 12:44 19.11.2019)
Синоптиктердин берген маалыматына ылайык, апта аягында күндүн көзү бузулуп, өлкөнүн көпчүлүк аймагында кар жаайт.

БИШКЕК, 17-ноя. — Sputnik. Кыргызгидромет агенттиги алдыдагы аптага карата аба ырайынын божомолун таратты.

Билдирмеге караганда, 17-ноябрда түнкүсүн жаан-чачын күтүлбөйт. Ал эми күндүз жана 18-ноябрда түнкүсүн Ош, Баткен облустарынын кээ бир тоо этектеринде жана тоолуу райондорунда кар жаашы күтүлөт, калган аймактарда күн ачык болот.

18-ноябрда күндүз Ош, Баткен облустарынын кээ бир тоолуу райондорунда жана тоо этектеринде, Ысык-Көл, Нарын облустарынын кээ бир аймактарында кар жаашы күтүлөт, Чүй, Талас, Жалал-Абад облустарында жаан жаабайт.

19-ноябрда түнкүсүн Ысык-Көл облусунун кээ бир райондорунда жамгыр, кар жаашы күтүлөт, калган аймактарда күн ачык болот. Күндүз жаан жаабайт. Тоолуу райондордо жолдорго муз тоңот. Батыштан соккон шамалдын ылдамдыгы секундасына 4-9 метрге жетет.

Ал эми 20-ноябрда күндүн көзү бузулуп, өлкөнүн айрым райондорунда, тоолуу айылдарында жааган жамгыр карга айланат.

 Бишкек ТЭЦи
© Фото / пресс-служба ОАО "Электрические станции"
21-ноябрда дагы көпчүлүк аймактарда кар жаашы күтүлөт. Чүй, Ош, Жалал-Абад облустарынын кээ бир райондорунда жаан-чачын катуу жаашы мүмкүн.

Жолдор тайгак болуп, кар күрткүсү пайда болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.

22-ноябрда мезгил-мезгили менен кар жаайт.

23-ноябрда түнкүсүн кээ бир райондордо, күндүз тоолуу райондордо кар жаайт. Дыйканчылык аймактарда жаан-чачын болбойт. Абанын температурасы төмөндөйт.

4766
Белгилер:
кар, жаан, аба ырайы, Кыргызстан, Кыргызгидромет
Тема боюнча
Декабрда аба ырайы кандай болот? Синоптиктердин божомолу
Парктын көлмөсүндө өрдөк

Жекшембиге карата аба ырайы

8
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

8
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы
Британиялык актер Шон Коннери. Архив

Белгилүү актёр Шон Коннери көз жумду

35
(жаңыланган 20:34 31.10.2020)
Дүйнөгө белгилүү актёр 1988-жылы “Оскар” сыйлыгына татыган. Анын жалпы жонунан үч “Алтын глобусу” бар.

БИШКЕК, 31-окт. – Sputnik. Британиялык актёр Шон Коннери 90 жашында дүйнөдөн өттү. Бул тууралуу BBC жазды.

Актёр Джеймс Бонд жөнүндөгү тасмалардан сырткары, 70тен ашык кинодо роль жараткан. 1988-жылы “Оскар” сыйлыгына татыган. Актёрдун үч “Алтын глобусу” бар.

Анын уулу Жейсондун айтымында, Коннери Багам аралдарындагы Нассау шаарында көз жумган. Ал бир нече күндөн бери ооруп жүргөн.

35
Белгилер:
Шон Коннери, каза болду, актер
Тема боюнча
"Форрест Гамп" романынын автору көз жумду