Министрдин орун жайы. Архивдик сүрөт

Майыптыгы бар бала министрдин милдетин аткарат. Акциянын чоо-жайы

(жаңыланган 14:45 18.11.2019)
Аталган акция Балдардын дүйнөлүк күнүнүн алкагында уюштурулуп жатат. Андан сырткары, Балдардын укуктары жөнүндө конвенциянын кабыл алынышынын 30 жылдыгын утурлай өткөрүлүүдө.

БИШКЕК, 18-ноя. — Sputnik. "Дети у руля" акциясынын алкагында мүмкүнчүлүгү чектелген бала эмгек жана социалдык өнүктүрүү министринин милдетин аткарат. Бул тууралуу аталган министрликтин маалымат кызматы билдирди.

Ага ылайык, бүгүн, 18-ноябрда, саат 16:00дөн тарта бала министрдин милдетин аткарат.

"Жумуш күнүнүн аягында ал кандай иштер жасалышы керектиги боюнча өзүнүн сунуштарын айтат", — деп айтылат маалыматта.

Аталган акция Балдардын дүйнөлүк күнүнүн алкагында уюштурулуп жатат. Андан сырткары, Балдардын укуктары жөнүндө конвенциянын кабыл алынышынын 30 жылдыгын утурлай өткөрүлүүдө.

Белгилер:
балдар, майып, акция, Эмгек жана социалдык өнүгүү министрлиги
Тема боюнча
Майыптыгы барларды окутууну өнүктүрүү концепциясы бекитилди
Балдар таякесин "аталап" калды. "Күкүк" эркектерге айтарым бар
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты