Бишкектеги Травматология жана ортопедия илим-изилдөө борборунун башчысы Сабырбек Жумабеков. Архив

Сабырбек Жумабеков Россиянын Илимдер академиясынын мүчөсү болду

137
(жаңыланган 18:27 19.11.2019)
Россиянын илимдер академиясынын уставы боюнча дүйнө коомчулугуна таанылган башка мамлекеттердин окумуштуулары мүчө боло алат.

БИШКЕК, 19-ноя. — Sputnik. Бишкектеги Травматология жана ортопедия илим-изилдөө борборунун башчысы Сабырбек Жумабеков Россиянын Илимдер академиясынын мүчөсү болду. Бул тууралуу мекеменин сайтында маалымдалат.

Ага ылайык, 15-ноябрда Илимдер академиясында жыйын болуп, анда мүчө-корреспонденттер менен чет элдик мүчөлөр кабыл алынган.

Президент Сооронбай Жээнбеков. Архивдик сүрөт
© Пресс-служба президента КР / Султан Досалиев
Россиянын илимий коомчулугунун катарын чет элдик бир катар окумуштуулар толуктаган. Арасында математиктер, физиктер, программисттер, энергетиктер, химиктер, биологдор жана башкалар бар. Ал эми Жумабеков Илимдер академиясынын медицина илимдери бөлүмүнө травматология жана ортопедия жаатында чет элдик мүчө болгон. Жалпысынан бул бөлүмгө сегиз жаңы мүчө алынган.

Жумабеков Россиянын Илимдер академиясына мүчө болуу ал үчүн сыймык жана жоопкерчилик экенин билдирди.

"Эми мен мурдагыдан дагы көп иштеп, бейтаптарга жеңилдик алып келүү үчүн аракет кылышым керек. Эмгектеримди жогору баалаган Россиянын окумуштууларына рахмат", — деди Жумабеков

Жаңы мүчөлөрдү кабыл алуу аземи декабрдын башында өтөт.

Медицина илимдеринин доктору Сабырбек Жумабеков көп жылдан бери Бишкектеги Травматология жана ортопедия илим-изилдөө борборун жетектеп келет. КР Улуттук илимдер академиясынын академиги.

137
Белгилер:
Сабырбек Жумабеков, медицина, Россия
Тема боюнча
Кыргызстандагы эң кымбат 10 операция! Акчасы жана жасала турчу органдар
Көңүл ачам деп шал болуп калгандар көп. Дарыгер Сабыралиев менен маек
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

52
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

52
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

85
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

85
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!