Бишкек шаарынын мэри Азиз Суракматов. Архивдик сүрөт

12 үй, 25 млн. сомдук киреше. Бишкек мэри Суракматовдун декларациясы

570
(жаңыланган 18:17 21.11.2019)
Борбор калаанын мэри ээлик кылган батирлердин жалпы аянтын эсептегенде 1 510 чарчы метрге жетет. Андан сырткары, жакындарынын да үч батири бар.

БИШКЕК, 21-ноя. — Sputnik. Бишкек шаарынын мэри Азиз Суракматов 12 турак жайга ээлик кылат. Бул тууралуу 2018-жылга карата тапшырган декларациясында көрсөтүлөт.

Былтыр, август айында, борбор калаанын мэри болуп шайланган Суракматов бир жылда 433 079 сом киреше тапкан. Ал ээлик кылган 11 батирдин аянтын эсептегенде 1 510 чарчы метрге жетти. Бир дачасынын көлөмү 83 чарчы метрди түзөт. Андан башка 15 сотых жер тилкеге ээлик кылат. Ошондой эле Lexus LX570 үлгүсүндөгү автоунаасы бар.

Калаа мэринин жакын туугандары бир жылда 25 миллион 912,5 миң сом иштеп тапкан. Ал эми чыгашасы 822 миң сомду түзөт. Алар жалпы аянты 534,5 чарчы метр болгон үч батирдин кожоюну. Ошондой эле 8 сотых жер тилкеси жана BMW автоунаасы бар.

570
Белгилер:
мэр, батир, киреше, декларация, Азиз Суракматов
Тема боюнча
Асылбек Жээнбековдун кирешеси бир жылда 3 эсе азайып кетти
Жээнбековдун кудасы Абжалиевдин эмне мал-мүлккө ээ экени айтылды
Үч үйүр жылкы, 500 кой-эчки. Өкмөт башчы Абылгазиевдин кандай байлыгы бар
Коронавируска тест жасап жаткан медицина кызматкери

Ааламда коронавирус жуктургандардын саны 6 миллиондон ашты

2
(жаңыланган 12:04 31.05.2020)
Пандемия башталгандан бери жер жүзүндө 369,1 миң адам көз жумду. Коронавирус жуктурган жана каза тапкан мамлекеттердин сап башында Америка турат.

БИШКЕК, 31-май — Sputnik. Дүйнө жүзүндө коронавирус инфекциясын жуктурган адамдардын саны 6 миллиондон ашты. Бул тууралуу Жон Хопкинс университетинин сайтында жазылган.

Акыркы маалыматтар боюнча, жалпы жонунан вируска кабылгандардын саны 6 миллион 60 миң кишиге жетти. Пандемия башталгандан бери 369,1 миң адам көз жумду.

Аалам боюнча АКШда инфекциянын эң көп учуру аныкталды, ал жакта ооругандардын саны 1,7 миллиондон ашат. Экинчи орунда Бразилия турат, жуктургандарды саны 498 миңден көп. Үчүнчү сапта Россия, ал мамлекетте вирустун 396,5 миң учуру катталган.

Коронавирустан каза тапкандар боюнча дагы Америка алдыга чыкты. Өлкөдө 103,781 адам көз жумган.

2
Белгилер:
өлүм, жуктуруу, коронавирус, Дүйнө
Тема:
Кытайдагы жаңы типтеги коронавирус
Тема боюнча
Москвада чектөөлөр коронавирустун вакцинасы чыкканга чейин улантылат
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

6
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

6
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог