Дүйнөдөгү "мыкты" деген паспорттор аталды. Кыргызстан кайсы орунда?

© Sputnik / Жоомарт УраимовКыргызстандын жаранынын паспорту. Архив
Кыргызстандын жаранынын паспорту. Архив - Sputnik Кыргызстан
Жазылуу
Рейтингдин башында Франция турат. Коңшулардын арасында Казакстандын көрсөткүчтөрү жакшы, алар 84-позицияны ээлеген.

БИШКЕК, 21-ноя. — Sputnik. Дүйнөдөгү жарандыктардын Kälin and Kochenov"s Quality of Nationality Index (QNI). рейтингинин жаңыланган версиясы жарыяланды.

Анда Кыргызстан 102-орунга чыгып, мүмкүн болгон 100 пайыздын 42син гана ээлей алган. Баанын жогорулагандыгына карабай, Кыргызстан QNI атуулдугу "начар" деген топтун ичинде калган.

Рейтингди калыптандырууда мамлекеттин экономикасынын масштабы, адамдык потенциалынын деңгээли, коомдук тартип жана туруктуулук, виза мамилелери, андан сырткары, иштеп жана жашоо үчүн башка өлкөгө көчүп баруу мүмкүнчүлүктөрү эске алынган.

Начальник управления проектной деятельности ГП Инфоком при ГРС Чынгыз Султанов - Sputnik Кыргызстан
Радио
Султанов: чиптүү паспорт шашылыш болсо 3 саатта даяр болот
Рейтингдин лидерлигине Франция чыккан (жарандыктын сапаты 83, 5 пайыз). Экинчи орунду 82,8 пайыз менен Германия ээлеген. Үчүнчү сапка Дания (81,7 пайыз) чыкты. Төртүнчү орунду Швеция менен Норвегия 81,5 пайызы менен ээлеген. Бештикти Исландия (81,4 пайыз) жыйынтыктаган. Ал эми ондукка Финляндия, Италия, США, Ирландия жана Испания кирген.

Коңшулардын арасында Казакстандын көрсөткүчтөрү жакшы, алар 35,7 пайызы менен 84-позицияда турат.

Сапаты боюнча Казакстандан кийин Кыргызстан турары айтылган. Бизге жакын Өзбекстан (109-орун) аныкталган. Тажикстан 114-орунда экени кабарланды.

Жаңылыктар түрмөгү
0