Искендер Матраимов: иним Райым эч жакка кеткен жок

© Фото / пресс-служба ЖКДепутат Жогорку Кенеша Искендер Матраимов
Депутат Жогорку Кенеша Искендер Матраимов - Sputnik Кыргызстан
Жазылуу
Жогорку Кеңештин депутаты өзүнүн социалдык тармактагы баракчасына Райым Матраимов төрт күн мурда үй-бүлөсүн алып, Кыргызстандан чыгып кетти деген маалымат жарыялаган.

БИШКЕК, 23-ноя. — Sputnik. Бажы кызматынын жетекчисинин мурдагы орун басары Райым Матраимов Кыргызстанда, ал өлкөдөн чыгып кетти деген маалымат жалган. Бул тууралуу Sputnik агенттигине анын агасы, ЖК депутаты Искендер Матраимов билдирди.

Момент убийства Айеркена Саимаити попал на видео — стреляли в упор - Sputnik Кыргызстан
Айэркен Саймаитини атып кеткен учурдун видеосу
Эске салсак, 21-ноябрь күнү кечинде "Азаттык", OCCRP жана Kloop биргеликте айтылуу Матраимовдор, жакында эле киши колдуу болгон Айэркен Саймаити жана Кыргызстандын бажы системасы тууралуу журналисттик иликтөөсүн жарыялады.

Анда Саймаити кыргызстандык аткаминерлер катышкан коррупциялык схемалар тууралуу маалымат бергени айтылат. Бирок ал акыркы жана өтө маанилүү документти берүүгө жетишпей калганы дагы кошумчаланат.

Эртеси күнү Жогорку Кеңештин депутаты Ирина Карамушкина өзүнүн социалдык тармактагы баракчасына Райым Матраимов төрт күн мурда үй-бүлөсүн алып, Кыргызстандан чыгып кетти деген маалымат жарыялаган.

"Иним Райым эч жакка кеткен жок. Ал Кыргызстанда эле жүрөт. Кесиптешим Карамушкинанын айткандары жалган", — деди эл өкүлү.

Буга чейин Искендер Матраимов журналисттердин иликтөөсү боюнча пикирин билдирип, материалда инисинин дарегине айтылган айыптоолорду каралоо деп сыпаттаган.

Жаңылыктар түрмөгү
0