Микрохирург Султан Тукешов. Архивдик сүрөт

Операциядан соң эсине келген жигит акылынан айнып... Хирургдун баяны

5283
(жаңыланган 11:41 22.07.2020)
Териси сыйрылып калган колун сактап калуу үчүн микрохирург Тукешов 20 саат операция бөлүмүндө тикесинен тик турган. Бир аптадан кийин бейтаптын абалы жакшырганы менен алган жарааты анын акыл-эсине да залакасын тийгизген...

Микрохирург жана пластикалык хирург Султан Тукешов Sputnik Кыргызстандын кабарчысына өз тажрыйбасындагы эң оор жана кызыктуу учурлардан учкай кеп салып берди.

— Улуттук госпиталдын пластикалык кайра калыбына келтирүүчү (реконструктивдик) микрохирургия жана киста хирургиясы бөлүмүндө бир топ жыл эмгектендим. Ушул тапта негизги ишмердигим пластикалык хирургия экенине карабастан, мамлекеттик ооруканада микрохирургиялык операцияларды жасоону дагы да улантып келем. Айлык үчүн эмес, арзыбаган маяна төлөнөт да андай жерде, мекен алдындагы вазыйпамды аткарайын дегеним.

Көп татаал операцияларды жасоого туура келди. Бишкектик бир киши үйлөнгөндөн бир нече айдан кийин бармагынан ажырайт. Кырсыктын чоо-жайын билбейм, өзүнүн айтымында, жүк ташуучу унаадан секиргенде нике шакеги машинанын бортуна илинип калыптыр... Медиктердин тили менен аны "мээлей тибиндеги бармакты ампутациялоо" деп айтылат: бармак тарамыштын деңгээлинде үзүлүп калып, колунун бүт териси сыйрылып калат. Бейтап бармагын жоолукка ороп алып келди, териси сыйрылгандыктан, бүт анатомиялык түзүлүшү даана көрүнүп калган.

20 саат бармагын калыбына келтирүү үчүн алпуруштук, 15 саат мен операция жасадым, анан башка хирург улантты. Натыйжада, бармагы кыймылга келди, бирок, тилекке каршы, үч күндөн кийин ал бармакты кесип салууга аргасыз болдук, себеби, жарааты аябай оор эле, тамырларында кан уюп калган. Бирок биз, врачтар, колубуздан келишинче жан үрөдүк.

Башка бир жигиттин колунун терисин өндүрүш аппараты сыйрып кетиптир, чыканагынан манжаларынын учуна чейин териси жок. Кан көп кетип, бейтап оор абалда эле. Анын дагы операциясы 20 саатка созулган. Эртеси бейтаптынабалы аябай начарлап кетти, аз жерден жоготуп ала жаздадык. Комадан чыгардык, бирок бир жумадан соң эсине келгенде анын денесине гана эмес, жараатынан улам акылына да доо кеткенин байкадык. Дарыгерлерге, бейтаптарга атырылып эсибизди оодарды... 

Пластический хирург Султан Тукешов в рабочем кабинете
© Sputnik / Гулдана Талантбекова
Териси сыйрылып калган колун сактап калуу үчүн микрохирург Тукешов 20 саат операция бөлүмүндө тикесинен тик турган

— Ал киши эмне болду анан?

— Дарыгерлер бейтаптын психикалык абалын жакшырта алышты, бирок колу 70 пайыз гана иштей турган болуп калды.

— Соңку убакта кымча бел кылуучу операциялар кеңири тарап барат. Кыздардын кабыргаларын сындырып, анан сөөк туура өсүшү үчүн болоттон жасалган корсет кийгиздиришет экен. Бул канчалык коопсуз операция?

— Кепти мындан баштайын, кандай гана хирургиялык операция болбосун анын кооптуулугу бар. Мурда кымча бел кылуу үчүн денеден болушунча кесип салышчу. Операциядан кийин тигиштерден тырыктар калчу, бейтаптын тыңып кетиши да узакка созулчу. Андай операциянын кесепетинен бейтап пиелонефрит жана омуртка дарттарына кабылар эле.

Сиз атаган жарааты азыраак ыкманы москвалык хирург ойлоп тапкан. Анда сөөк алынбастан эле кымча бел кыла алат. Кабырганы сындырып, алар бүтүп, жакшы болуп калганча атайын корсет кийгизилет. Операция жасатууга белсенген айымдардын ден соолугуна дарыгерлер узакка көз салат, алардын ар кандай абалдагы, маселен, кош бойлуу маалындагы саламаттыгы текшерилет. Бирок андай операция жасаган врачтар коопсуз экенин айтып жүрүшөт. 

Микрохирург и пластический хирург Султан Тукешов во время беседы
© Sputnik / Табылды Кадырбеков
Тукешов: Биздин өлкөдө кеңири таралган түрү — блефаропластика. Мырзалар дал ушун операцияны көп жасатышат.

— Пластикалык операция жасоого күйөөлөрү мажбурлаган бейтаптарыңыз болгон жок беле?

— Жок. Олуттуу себеби жана өз каалоосу болбогон бейтапка операция жасоого өзүн сыйлаган эч бир адис даап барбайт. Андай кырдаалда хирургдун милдети — баарын операциядан баш тартууга көндүрүү. Бейтап мындай жагдайдан психологиялык травма алышы ыктымал, оор депрессияга кабылышы мүмкүн, андай абалды скальпель менен кесип сала албайсың. Ошентсе да келбетин өзгөрткүсү келген жубайларын эркектер кызуу колдоп, көпчүлүгү операция чыгымдарын да өздөрү төлөп беришет.

— Мырзалардын өздөрүнө да операция жасаган жайыңыз барбы? Алар адатта кандай операцияларды көп жасатышат?

— Биздин өлкөдө кеңири таралган түрү — блефаропластика (сурманын формасын өзгөртүү). Мырзалар дал ушул операцияны көп жасатышат. Ошондой эле отопластика да жасалат, мында кулактын формасы түздөлөт.

Посмотреть эту публикацию в Instagram

Публикация от ПЛАСТИЧЕСКИЙ ХИРУРГ plast.surg (@dr.sultantukeshov)

— Башка хирургдардын каталарын оңдоого туура келеби?

— Ташкенттен келген бейтапты операция кылдым, мурда үч ирет жасалып, бирок ийгиликсиз болуп калган экен. Кыргызстанга сурмасын кайра жасатууга атайын келген. Ага дейре Түштүк Корея жана Таиландда жасатыптыр, бирок улам кийинкисинен көңүлү катуу кала берген. Акыркы операция жасалгандан бери аз эле убакыт өттү, натыйжасын айтууга али эрте. Бирок азыркы көрүнүшү бейтапты да, мени да кубантып турат.

Менден сурма жасоо боюнча операцияны кантип баалоого болорун көп сурашат. Операция жасатканы таптакыр байкалбаса — ошол мыктысы.

5283
Белгилер:
оорукана, кыз-келиндер, пластикалык хирургия, хирург, операция
Тема боюнча
Балалуу болууга шартың жок болсо, уругуңду тоңдуруп кой. Дарыгер менен маек
25 жашында стоматология борборун ачкан Эрбол: түнкү үчкө чейин иштөө адатка айланды
Аборттон ичеги-карды чубалган кызды көрүп үрөй учту. Дарыгер менен маек
Кыш мезгили. Архив

Дагы кар жаайбы? Бир жумага карата аба ырайы

108
Бул жумада көпчүлүк аймактарда кар жаап, бирок мурунку аптадагыдай катуу суук болбой турганы айтылды.

БИШКЕК, 29-ноя. – Sputnik. Кыргызгидромет агенттиги алдыдагы аптага карата аба ырайынын божомолун жарыялады.

Ага ылайык, борбор калаада дүйшөмбүдөн бейшембиге чейин күн ачык болот. Ал эми жума күнү мезгил-мезгили менен кар жаашы ыктымал. Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

30-ноябрда жана 1-декабрда жаан-чачын жаабайт. 2-3-декабрда Талас облусунун кээ бир райондорунда жана Чүйдүн тоолорунда кар жаайт. Ал эми дыйканчылык аймактарында күн ачык болот. 4-декабрда көпчүлүк жерлерде мезгил-мезгили менен кар жаайт. Жолдорго муз тоңуп, тайгак болот.

Ош, Жалал-Абад, Баткен облустары

30-ноябрда жаан-чачын күтүлбөйт. 1-2-декабрда Ош, Жалал-Абад облустарынын кээ бир райондорунда кар жааса, Баткен облусунда күн ачык болот. Ошондой эле Ош облусунун дыйканчылык аймактарында дагы жаан жаабайт.

3-декабрда түнкүсүн кээ бир райондордо кар жаашы мүмкүн. Эртең менен жана күндүз Жалал-Абад облусунун айрым аймактарында, Ош, Баткен облустарынын тоо этектеринде жана тоолуу жерлеринде кар жаайт. Бирок Ош, Баткен облустарынын өрөөндөрүндө күн ачык болот.

4-декабрда көпчүлүк аймактарда мезгил-мезгили менен кар жаашы ыктымал.

Ысык-Көл облусу

30-ноябрда түнкүсүн кээ бир райондордо кар жаап, күндүзү күн ачык болот. 1-2-декабрда түнкүсүн жаан-чачын болбойт, 2-декабрда күндүз кээ бир райондордо кар жаайт. 3-4-декабрда кээ бир райондордо кар жаашы болжолдонууда.

Ал эми 30-ноябрда түнкүсүн Каракол шаарында кар жаайт, Чолпон-Атада күн ачык болот. 30-ноябрда күндүз жана 1-4-декабрда жаан-чачын күтүлбөйт.

Нарын облусу

30-ноябрда жана 1-декабрда жаан жаабайт, ал эми 2-3-декабрда күндүз кээ бир райондордо кар жаайт. 4-декабрда көпчүлүк аймактарда мезгил-мезгили менен кар жаашы күтүлөт.

5-6-декабрга карата Кыргызстандагы аба ырайынын жакындатылган божомолу

5-декабрда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын кээ бир райондорунда мезгил-мезгили менен кар жаайт. Күндүз кээ бир райондордо кар жаашы мүмкүн.

6-декабрда тоолуу жерлерге кар түшүп, дыйканчылык аймактарда күн ачык болот. Абанын температурасы бир аз төмөндөйт.

108
Белгилер:
аймак, тоо, күн, жаан, кар, аба ырайы, Кыргызстан
Тема боюнча
Кышында унаадагы күйүүчү майды үнөмдөөнүн жолу айтылды
Декабрга карата аба ырайы. Тоолуу жерлерде суук 34 градуска жетет
Global Education Foundation коммерциялык эмес уюмунун негиздөөчүлөрүнүн бири Хабиб Арзыкулов

Арзыкулов: чет өлкөдөн жаштардын билим алуусун каржылоочу уюм ачылды

61
(жаңыланган 15:05 29.11.2020)
Global Education Foundation коммерциялык эмес уюмунун негиздөөчүлөрүнүн бири Хабиб Арзыкулов чет өлкөдө билим алуу үчүн демөөрчү таап берген уюмдун ачылгандыгын айтты.
Арзыкулов: чет өлкөдөн жаштардын билим алуусун каржылоочу уюм ачылды

2021-жылдын күзүндө окуучулар демөөрчүлөрдүн колдоосу менен АКШнын жана Европанын окуу жайларына жиберилет. Бул тууралуу Хабиб Арзыкулов Sputnik Кыргызстан радиосунун эфиринде маек куруп жатып билдирди.

Анын айтымында, чет өлкөдө билим алган тажрыйбалуу адистер уюмдун ишин жүргүзөт. Учурда финансы маселеси иштелип жатат.

"Global Education Foundation (GEF) жалпы билим берүүгө салым кошолу деген жакшы максат менен ачылды. Биз өзүбүз ишкерлик менен алек болобуз. Фонддун түптөөчүлөрү эки киши. Алардын бири — Алмаз Арапов. Ал 3-4 жылдан бери балдарды чет өлкөгө коммерциялык негизде окууга жөнөтүп келген. Анын тажрыйбасын жана менин да ишкерлер менен иштешүү тажрыйбамды эске алып, уюмду ачтык. Чет өлкөдө окуу ар биринин кыялы болуш керек. Ошол себептен сыртта окуп гана калбастан билим, тажрыйба алып, Кыргызстанга келип, өлкөнүн өнүгүшүнө салым кошот деген үмүттөбүз. Балдарды тандап алууда атайын критерийлерди койгонбуз. Тандоо ачык-айкын болушу үчүн билим берүүдө тажрыйбасы бар, таанымал адамдардан комиссия түзөлү деп жатабыз. Алар атайын конкурстук негизде тандашат. Негизги талап англис тилин жакшы билиши керек. Бюджеттик орундарга жараша мыктылары тандалып, чет өлкөгө жөнөтүлөт", — деди Арзыкулов.

Ошондой эле ишкер мугалимдердин кесипкөйлүүлүгүн жогорулатуу максатында тажрыйба алмашуу үчүн чет өлкөгө жиберүү, жакшы окуган окуучуларга стипендия төлөп берүү иштери да пландалып жаткандыгын кошумчалады.

61
Белгилер:
жаштар, чет өлкө, билим берүү
Тема боюнча
Сауд Аравияда докторантурада окуган Дөөлөс: стипендиям 25 миң доллардан ашат

Юпитер планетасынын үстүнөн көрүнүшү. NASA тарткан видео

0
NASA агенттигинин планета аралык "Юнона" станциясы Юпитерге 2016-жылдан бери байкоо жүргүзүп келет. Күн системасындагы эң чоң планетага жетүү үчүн космос кемеси беш жыл убакыт короткон.

Видео атайын аппараттын жардамы менен тартылган 41 сүрөттөн куралган. Анда көрүүчү Юпитер асмандан кандай көрүнөрүн байкай алат.

"Юнона" миссиясынын максаты Юпитерди дагы да терең изилдөө болуп саналат. Бул планеталар аралык станция 1995-2003-жылдары ири планетаны айланган экинчи космос кемеси болуп калды. Алгач ирет "Галилео" станциясы тегерете байкоо салган.

0
Белгилер:
Юпитер, видео, планета, NASA
Тема боюнча
Кайнап жаткан кадимки Күн планетасынын үстүнөн көрүнүшү. Видео, сүрөт