Эркек кишилердин силуэти. Архивдик сүрөт

Өзүң кыла албасаң унчукпа. Сын айтуу этикети

838
(жаңыланган 12:33 25.11.2019)
Sputnik апта сайын "Этикет" рубрикасынын алкагында коомчулук жүргөн ар кайсы жайларда жана жагдайларда өзүн-өзү татыктуу алып жүрүүнүн эрежелери менен тааныштырат.

Албетте, сын жакшы нерсе, аны уккан киши катачылыктарын оңдоп, жакшырууга аракет жасайт. Кыскасы, сын дүйнөнү бир аз болсо дагы жаркыныраак кылууга жардам берет.

Бирок ошол эле учурда аша чаап сын айткандар дагы бар. Мисалы, өзү сөз кыларлык эч нерсе жасай элек, жасагандардын ишин эч качан жактырбайт. Адатта мындай кишини эч ким сүйбөйт.

Бүгүн окурмандарга сынды туура айтуу маданияты боюнча этикет мугалими Нуржан Исмаилова ой бөлүштү.

Конструктивдүү сын-пикир

Конструктивдүү сын-пикир деген түшүнүктү угуп эле жүрсөңүз керек. Муну өзгөчө саясатчылар көп колдонушат. Бул эмнени түшүндүрөт? Эгер сиз бирөөгө сын тагып жатсаңыз, демек кантип андан жакшыраак кылуунун жолун дагы билишиңиз керек. Тагыраагы, сынды жүйөлүү айтып, аны азыркыдан туурараак кылып чечүү жолун дагы сунуштай билиңиз.

Наалый бербе

Психологдордун айтымында, башка бирөөгө көп сын таккан адамдардын басымдуу бөлүгү жан дүйнөсүндө өзүнө нааразы болбогондор. Мындай жол менен ал адамдар бирөөнүн катасынын фонунда өзүнүн идеалдуу экенин далилдегиси келе берет. Андыктан бирөөгө сын айтардан мурда "Мен муну эмне себептен айтып жатам? Бул сын аны угуп жаткан адамга же өзүмө пайда алып келеби?" деп ойлонуп көрүңүз. Болбосо айланадагыларга бекер эле жаман көрүнүп калышыңыз ыктымал.

Туура кабыл ал

Сынды туура кабыл алып, өз пайдаңа иштетип алуу дагы өзүнчө бир талант. Анткени адам баласы жаратылышында анын кемчилигин айткан кишини жактыра бербейт. Айрымдар душман көрүп алат. Андыктан айтылган ойду туура анализдеп, пайдалуусун иргеп алганды үйрөнүңүз.

Жети өлчөп...

Кээ бир учурда айланадагылардын баарына жагып жаткан нерсе бир гана сиздин көңүлүңүзгө толбой туруп алган учурлар болот. Мунун ар кандай субъективдүү себептери көп. Бирок көпчүлүктүн пикирин эске алуу керек. Мисалы, жаңы келген кесиптешиңиз бүтүндөй офиске жагып, бир сизге жакпай жатса, сыныңызды ичиңизге кармап турганыңыз эле оң. Ошончо адамдын купулуна толуп турса, демек анын чындап эле мыкты сапаттары көптүр. Бардыгын убакыт көрсөтөт.

Колуңан келбесе унчукпа

Кээде социалдык тармактарды карап отуруп, кээ бир адамдардын жашоо образына таң каласың. Тим эле бирөөгө сын айтуу үчүн жаралгандай. Өзү кеп кыларлык эч нерсе жасай элек, бирок жасагандардын ишинен сөзсүз кемчилик табат. Достор, өзү, үй-бүлөсү, жакындары, балким, коом үчүн бир нерсе кылып жаткан адамды сындагандан мурда "Мен эмне иш кыла алдым?" деген суроону өзүңөргө берип көргүлө. Сын-пикир, сунуштар андан кийин гана кабыл алынат.

838
Белгилер:
психология, маданият, этикет, сын
Тема:
Өзүн алып жүрүүнүн эрежеси (42)
Тема боюнча
Кайната менен сөз талашпа. Кайын журт менен таанышуу этикети
Жигитине көз артпа. Курбу кыздар ортосундагы этикет
Жөнү жок сигнал берип ачууга алдырба. Айдоочулук этикет
Кийим сатылган дүкөндүн терезесиндеги манекен. Архив

Казакстандык бодибилдер акыры секс куурчагы менен баш кошту. Сүрөт, видео

1
Нур-Султан шаарында жашаган спортчу көптөн бери Марго аттуу куурчак менен кыз-жигит болуп жүргөнүн айтып, былтыр колун сураган.

БИШКЕК, 2-дек. — Sputnik. Казакстандык режиссёр жана бодибилдер Юрий Толочко бир жарым жылдан бери чогуу "жашап" жүргөн Марго аттуу секс куурчагы менен баш кошту. Бул тууралуу ал Instagram баракчасы аркылуу билдирди.

Посмотреть эту публикацию в Instagram

Публикация от OddJack / Юрий Толочко (@yurii_tolochko)

Той ресторанда өткөн. Үйлөнө турчу жигит кадимкидей эле костюм-шым, колукту ак көйнөк кийген. Жаштарды куттуктаганы ондогон киши келгенин байкоого болот. Юрий "кыздын" колуна шакек салып, жайыраак бий аткарышкан.

Посмотреть эту публикацию в Instagram

Публикация от OddJack / Юрий Толочко (@yurii_tolochko)

Белгилей кетсек, Нур-Султан шаарында жашаган бул адам көптөн бери Марго аттуу куурчак менен кыз-жигит болуп жүргөнүн айтып, былтыр анын колун сураган. Үйлөнүү тоюн бир нече жолу пландап, бирок пандемияга байланыштуу жылдырган болчу.

Посмотреть эту публикацию в Instagram

Публикация от OddJack / Юрий Толочко (@yurii_tolochko)

Өзүнүн айтымында, биринчиден, ал мындай жол менен өзүн жаңы ролдо сынап көргүсү келген. Экинчиден, коомдун кандай кабыл аларына кызыккан.

1
Белгилер:
курчак, бодибилдер, үйлөнүү, секс, Казакстан
Тема боюнча
"Шайтанды кубалайбыз". Индияда бир жаштагы бөбөк менен итти үйлөнткөн окуя
Секс-куурчактын кооптондуруучу жагдайлары айтылды
Балбандар күрөш убагында. Архивдик сүрөт

Эркин жана грек-рим күрөшү боюнча Дүйнө кубогуна катышчу балбандар. Тизме

9
Агенттик спортчулардын жол киреси, тамак-ашы Спорттун олимпиадалык түрлөрү боюнча дирекция тарабынан каржыланарын белгиледи.

БИШКЕК, 2-дек. — Sputnik. Жаштар иши, дене тарбия жана спорт агенттиги эркин жана грек-рим күрөшү боюнча Дүйнө кубогуна катыша турчу балбандардын тизмесин жарыялады.

Буга чейин агенттик спорттук иш-чарага барчу кыз-келиндердин аты-жөнүн айткан болчу.

Дүйнө кубогу 12-18-декабрь күндөрү Белград шаарында (Сербия) өтөт.

Грек-рим күрөшү боюнча команданын курамы:

  • Балбай Дордоков, салмактык категориясы – 55 кг;
  • Жоламан Шаршенбеков – 60 кг;
  • Калы Сулайманов – 63 кг;
  • Халмурат Ибрагимов – 67 кг;
  • Руслан Царев – 72 кг;
  • Акжол Махмудов – 77 кг;
  • Кайрат Түгөлбаев – 82 кг;
  • Атабек Азизбеков – 87 кг;
  • Үзүр Жусупбеков – 97;
  • Улукбек Карачолоков – ага машыктыруучу;
  • Азат Эркимбаев – башкы машыктыруучу.

Эркин күрөш боюнча команданын курамы:

  • Бекболот Мырзаназар уулу, салмактык категориясы – 57 кг;
  • Улукбек Жолдошбеков – 61 кг;
  • Эрназар Акматалиев – 65 кг;
  • Ислам Орозбеков – 70 кг;
  • Саякбай Усупов – 74 кг;
  • Арслан Будажапов – 79 кг;
  • Сүймөнкул Таабалды уулу – ага машыктыруучу;
  • Руслан Маджинов – башкы машыктыруучу.

Грек-рим күрөшү боюнча мелдеш 10-16-декабрь күндөрү, эркин күрөш 15-декабрдан 20-декабрга чейин созула турганы айтылды. Ал эми кыз-келиндердики 12-декабрда башталып, 18-декабрда жыйынтыкталат.

Агенттик спортчулардын жол киреси, тамак-ашы Спорттун олимпиадалык түрлөрү боюнча дирекция тарабынан каржыланарын белгиледи.

9
Белгилер:
мелдеш, спорт, тизме, балбан, күрөш
Тема боюнча
Улуттук банк "Кыргыз күрөш" коллекциялык монеталарын жүгүртүүгө чыгарат