Бишкектин жер алдындагы өтмөк. Архивдик сүрөт

Бишкек: жер алдындагы өтмөк менен жер үстүндөгү көпүрөлөр саммит учурунда жабылат

54
(жаңыланган 16:21 27.11.2019)
Буга чейин ЖККУнун Бишкектеги саммити учурунда жолдор мезгил-мезгили менен тосулары айтылган. Алар кортеж өтүп бара жаткан учурда жабылат дешкен.

БИШКЕК, 27-ноя. — Sputnik. Борбор калаада жолдордун жер алдындагы өтмөктөрү жана трассанын үстүндөгү көпүрөлөрү улам-улам жабылып турат. Бул туурасында Бишкек шаардык милициясынан кабарлашты.

Мындай чектөөлөр Кыргызстандын борборунда боло турган Жамааттык коопсуздук келишим уюмуна мүчө өлкөлөрдүн лидерлеринин саммитине байланыштуу экени айтылды.

"Коноктордун кортежи өтүп бара жатканда жолдордун жер алдындагы өтмөктөрү жана трассанын үстүндөгү көпүрөлөрү жабылат. Бул коноктордун жана шаардыктардын коопсуздугу үчүн жасалууда", — деп айтышкан милициядан.

Буга чейин Жол кыймылынын коопсуздугун камсыздоо боюнча башкы башкармалыктан саммитке байланыштуу жолдор убактылуу жабыларын айтышкан.

54
Белгилер:
Кыргызстан, ЖККУ, саммит, жабуу, коопсуздук, конок
Тема:
Бишкектеги ЖККУ саммити (37)
Тема боюнча
ЖККУ саммити. Коопсуздук кеңешинин катчысы элди чыдамкайлыкка чакырды
Токаевдин Кыргызстанга сапары жана ЖККУ саммити. Программа
Медициналык кызматкер COVID-19дан көз жумган адамдын жанында. Архив

COVID статистикасы: 500дөн ашык киши ооруканада жатат

10
(жаңыланган 09:40 24.09.2021)
Бир сутка ичинде эки киши көз жумду. Аларды кошкондо Кыргызстан боюнча коронавирус башталгандан бери көзү өткөндөрдүн саны 2 597ге жетти.

БИШКЕК, 24-сен. — Sputnik. Өткөн суткада Кыргызстанда 87 кишиден коронавирус аныкталып, 92 киши оорудан айыкты. Бул тууралуу Республикалык штаб кабарлады.

Жуктургандар:

  • Бишкек шаары – 41;
  • Чүй облусу – 16;
  • Ош облусу – 4;
  • Талас облусу – 2;
  • Нарын облусу – 5;
  • Ысык-Көл облусу – 12;
  • Жалал-Абад облусу – 4;
  • Баткен облусу – 3.

Өлкөдө илдет илештиргендердин жалпы саны 178 123кө жетип, анын ичинен 172 657 киши дартты жеңген.

Бир суткада эки киши көз жумду. Аларды кошкондо Кыргызстан боюнча коронавирус башталгандан бери көзү өткөндөрдүн саны 2 597ге жетти.

Стационарда 535 жана амбулатордук шартта 858 адам дарыланып жатканы кабарланды.

10
Белгилер:
Кыргызстан, коронавирус, статистика
Тема:
Кыргызстандагы коронавирус жуктуруп алгандар
Тема боюнча
Токаев: Казакстан элинин 31 пайызы COVID-19га каршы эмделип бүттү
Алмурут. Архив

Кишини ток кармайт, оорулардын алдын алат. Адис алмуруттун пайдасын тизмектеди

22
Адистин айтымында, анча чоң эмес алмурутта эле алты граммга жакын клетчатка бар. Бул адамды көпкө чейин ток кармайт жана ашыкча тамак жегенге мүмкүнчүлүк бербейт.

БИШКЕК, 24-сен. — Sputnik. Америкалык диетолог Эми Гудсон алмурут ден соолукка абдан керектүү азык экенин айтып, пайдалуу жактарын санап берди. Анын макаласы Eat This, Not That! порталына жарыяланганын "Известия" жазды.

Гудсондун айтымында, көпчүлүк алмуруттун ордуна алма, ашкабак жейт.

Диетолог алмурут, биринчиден, клетчаткага бай экенин айтты. Ал адамды көпкө чейин ток кармайт жана ашыкча тамак жеп алганга мүмкүнчүлүк бербейт.

Ал белгилегендей, анча чоң эмес алмуруттан эле алты граммга жакын клетчатка чыгат жана анын эриген жана эрибеген эки түрү бар. Ар бири өзүнчө пайдалуу. Биринчиси канда кант менен холестериндин нормасын кармап турат, ошондой эле ичеги-карындын иштешин жакшыртат. Экинчиси организмди уулуу заттардан тазалайт, мындан сырткары, кант диабетинин экинчи тиби сыяктуу оорулардын өөрчүү тобокелдигин азайтат.

Мындан сырткары, алмурут антиоксидантга бай, сезгенүүлөргө каршы жакшы натыйжага ээ, кандагы холестериндин деңгээлин төмөндөтүп, кан басымды жөнгө салат жана кандын уюшун алдын алат.

22
Белгилер:
диетолог, алмурут, клетчатка, организм
Тема боюнча
Диетолог ачкарын эмнелерди жеп-ичкенге болбой турганын айтты
Дарыгер ичеги рагына себепкер боло турган азыкты атады