Кыргызстандын мурдагы премьер-министрлери Сапар Исаков жана Жантөрө Сатыбалдиев. Архив

Сапар Исаковду 15 жылга кесүү сунушталды. ТЭЦ боюнча соттук иликтөө соңуна чыкты

836
(жаңыланган 18:44 27.11.2019)
Териштирүү учурунда жактоочу жана айыптоочу тараптардан 90дон ашык негизги жана кошумча күбөлөр суракка алынган.

БИШКЕК, 27-ноя. – Sputnik. Бишкек ТЭЦин реконструкциялоодогу коррупцияга тийиштиги бар деп айыпталгандар боюнча Свердлов райондук сотунун иликтөөсү аяктады. Бул тууралуу Башкы прокуратурадан билдиришти.

Айыпталуучулардын тизмесинде Сапар Исаков, Жантөрө Сатыбалдиев, Осмонбек Артыкбаев, Салайдин Авазов, Жолдошбек Назаров, Темирлан Биримкулов, Айбек Калиев, Ольга Лаврова бар. Иликтөө аяктагандыгына байланыштуу сот тараптардын жарыш сөзүнө өттү.

"Тергөө мамлекет 5 миллиард 439 миллион 527 миң 482 сом чыгым тартканын аныктады. Аталган кылмыш ишин сот тогуз айдан ашык убакыт бою карап, ЖМКлар тарабынан ачык чагылдырылып турду", — деп айтылат маалыматта.

Териштирүү учурунда жактоочу жана айыптоочу тараптардан 90дон ашык негизги жана кошумча күбөлөр суракка алынган.

"Айыпталуучулардын 20 адвокаты тарабынан көптөгөн сураныч, өтүнүчтөр айтылып, алар убагында сот тарабынан каралып жатты. Мыйзамдуу чечимдер кабыл алынды", — дешти прокуратурадан.

Айыптоочу тарап күнөөлөнүп жаткандардын айыбы толугу менен далилденгенин билдирген.

Улуттукэнергохолдингдин мурдагы башчысы Айбек Калиев. Архив
© Пресс-служба правительства / Сабыр Аильчиев
Жарыш сөз учурунда мамлекеттик айыптоочулар жагдайды жеңилдеткен жана оорлоткон учурларды эске алып, айыпталуучуларды күнөөлүү деп табууну суранышты. Аны менен кошо эле төмөнкүдөй жаза берүү суунушу болду:

Сапар Исаков — Кылмыш-жаза кодексинин 319-беренеси боюнча 15 жылга эркинен ажыратылсын. Ошондой эле мүлкү конфискацияланып, Кыргызстандын ыйгарым укуктуу элчиси дипломатиялык рангы, II даражадагы "Манас" ордени жокко чыгарылсын. Мамлекеттик кызматтарда үч жылга чейин иштебесин;

Айбек Калиев — Кылмыш-жаза кодексинин 215 жана 59-беренелери боюнча 17 жылга эркинен ажыратылсын. Мүлкү конфискацияланып, Ардак грамотасы, "Даңк" медалы жокко чыгарылсын. Мамлекеттик кызматтарда үч жылга чейин иштебесин. Ошондой эле 2011-жылы чыккан Toyota Land Cruiser Prado 150 үлгүсүндөгү унаасын сатуудан түшкөн 1 627 801 сом мамлекеттин эсебине алынсын;

Жантөрө Сатыбалдиев — Кылмыш-жаза кодексинин 319-беренеси боюнча 11 жыл 3 айга эркинен ажыратылсын. Мүлкү конфискацияланып, мамлекеттик кызматтарда үч жылга чейин иштебесин;

Осмонбек Артыкбаев — абалын эске алуу менен жеңилдетилген жаза берилсин. Тагыраагы, мамлекетке 100 миллион сом кайтарып берсин. Кылмыш-жаза кодексинин 304-беренеси менен 50 миң эсеп көрсөткүчү (5 миллион сом) боюнча айып салынсын. Мамлекеттик кызматтарда үч жылга чейин иштебесин;

Салайдин Авазов — Кылмыш-жаза кодексинин 319-беренеси боюнча 11 жыл 3 айга эркинен ажыратылсын. Мүлкү конфискацияланып, мамлекеттик кызматтарда үч жылга чейин иштебесин;

Жолдошбек Назаров — Кылмыш-жаза кодексинин 319-беренеси менен 11 жыл 3 айга эркинен ажыратылсын. Мүлкү конфискацияланып, мамлекеттик кызматтарда үч жылга чейин иштебесин;

Темирлан Биримкулов — Кылмыш-жаза кодексинин 319-беренеси боюнча 11 жыл 3 айга эркинен ажыратылсын. Мүлкү конфискацияланып, мамлекеттик кызматтарда үч жылга чейин иштебесин;

Ольга Лаврова — Кылмыш-жаза кодексинин 320-беренеси боюнча 7 жыл 6 айга эркинен ажыратылсын. Мүлкү конфискацияланып, мамлекеттик кызматтарда үч жылга чейин иштебесин;

Эскерте кетсек, буга чейин УКМК Бишкек ТЭЦин модернизациялоодогу коррупция фактысы боюнча козголгон кылмыш иштин тергөөсү аяктаганын билдирген. Натыйжада Сапар Исаков башында турган бир катар кызмат адамдары бийлигинен пайдаланып, TBEA компаниясы менен мамлекеттин кызыкчылыгына төп келбеген келишим түзгөнү аныкталган.

836
Белгилер:
Сапар Исаков, коррупция, реконструкция, ТЭЦ, Бишкек
Тема боюнча
ТЭЦ боюнча кармалган аткаминерлер тергөө абагында калтырылды. Сот залынан сүрөт
Коронавируска тест жасап жаткан лаборатория кызматкери

Азайбай жатат! Бүгүн 74 кишиден коронавирус чыкты

45
(жаңыланган 10:07 28.05.2020)
Өлкө аймагына киргизилген өзгөчө абал жоюлганы менен өзгөчө кырдаал күчүндө. Бийлик тартипти сактоого чакырууда.

БИШКЕК, 28-май — Sputnik. Бүгүн Кыргызстанда 74 адам коронавирус жуктуруп алганы аныкталды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

Бишкек шаарында 21 кишиден чыкты. Анын 10у Россиядан келген курсанттар. Чүй облусунда бирөө болсо, Ош шаарында 35 кишиден аныкталды. Ош облусунда төрт, Нарын облусунда 13 киши вирус жуктуруп алганы такталды.

Ушуну менен жалпы жонунан Кыргызстанда COVID аныкталган 1594 учур катталды.

Учурда өлкө аймагындагы абал тууралуу кабардар болуу үчүн редакция жүргүзгөн тексттик трансляцияга баш багыңыз.

 

45
Белгилер:
Нурболот Үсөнбаев, тест, анализ, статистика, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Коронавирус мизин кайтаргысы жок. Өлкөдөгү абал тууралуу сүрөт, видео баяндама

Комдонуп, кулакты жапырып. Кара кулак шердин жонунан тартылган видео

41
Америкадагы зоопарктардын биринде кара кулак шердин кантип чуркагандыгын, күүлөнгөндүгүн, дегеле кыймыл аракетин бир нече сантиметр жакындыктан көрсөтүп беришти.

Адатта бул жырткычтын жанына жолоого мүмкүн эмес экендиги баарына дайын. Бул туурасында "National Geographic Россия" сайты жазды.

Кара кулак шер мышык тукумундагы жаныбарлардын эң күлүгү. Үч секунда ичинде ылдамдыгын саатына 112 чакырымга жеткире алат, тагыраагы, тез күүлөнөт. Бир секундада өзүнүн тулку боюнан 16 эсе узун аралыкка чуркоого жөндөмдүү.

Цинциннати зоопаркынын кызматкерлери кызыккандарга сейрек видеону тартуулашты. Сейрек дегендин себеби, бир нече сантиметрден туруп, ошончолук ылдамдыкта, аны менен эч ким катарлаша чуркай албайт. Мындай мүмкүн да эмес, себеби жырткыч чоочун бирөөнү жанына жакын жолотпойт.

Зоопарк кызматкерлери кара кулак шердин бел жагына GoPro камерасын орнотуп, анын бир кадамын көрүүчүлөргө тартуулады. Аны карап турган адам жаныбардын кантип даярданып, кантип күүлөнүп, анан кантип атырыла чуркап бара жаткандыгына күбө боло алат.

41
Белгилер:
кара кулак, зоопарк, ылдамдык, видео, АКШ
Тема боюнча
Иранда иттерди COVID-19ду аныктоого үйрөтүшүүдө. Кызыктуу видео
Карантинден кийин көрүшкөн кожоюн менен эшектин эмоциясы. Видео