Улуттук көркөм сүрөт музейинин директору Мира Жангарачева. Архив

Жылаңач кыздардын көргөзмөсүнөн кийин Мира Жангарачева кызматтан кетти

3151
(жаңыланган 01:01 03.12.2019)
27-ноябрь күнү Гапар Айтиев атындагы Кыргыз улуттук көркөм сүрөт музейинде "Кормилица" аталышындагы көргөзмөнүн бет ачары болгон. Социалдык тармактардын колдонуучулары аны феминисттик көз караштагы иш-чара катары баалап, андагы айрым көрүнүштөргө нааразы болушкан.

БИШКЕК, 2-дек. — Sputnik. Коомдо чуулуу талкуу жараткан "Кормилица" көргөзмөсүнөн кийин Гапар Айтиев атындагы Кыргыз улуттук көркөм сүрөт музейинин директору Мира Жангарачева өз арызынын негизинде кызматтан кетти. Бул тууралуу Маданият, маалымат жана туризм министрлигинен билдиришти.

Директордун арызына министр Азамат Жаманкулов кол койду.

Эске салсак, 27-ноябрь күнү аталган музейде "Кормилица" аталышындагы көргөзмөнүн бет ачары болгон. Социалдык тармактардын колдонуучулары аны феминисттик көз караштагы иш-чара катары баалап, андагы айрым көрүнүштөргө нааразы болушкан. Социалдык тармактарда көргөзмөнүн элементи катары жылаңач кыздардын жүргөнү айтылып, сүрөт, видеолору тараган.

Маалыматка караганда, көргөзмөнүн авторлору алдын ала аялдардын экономикалык жактан эркиндиги жөнүндө темага коомчулуктун көңүлүн буруу боюнча иш-чара өткөрөрүн айтышкан.

"Экспозицияны карап туруп, тема "аялдардын экономикалык эркиндигинен" кыйла өзгөчөлөнүп турарын айтуу зарыл. Маданият, маалымат жана туризм министрлиги искусство үйүндө жылаңач денесин көрсөткөн кыздардын болуусуна каршылыгын билдирет жана заманбап искусствонун мындай провокациялык чакырыктарын колдобойт", — деп айтылат билдирүүдө.

Министрлик иш-чара макулдашылбай туруп өткөрүлгөнүн эскертти.

3151
Белгилер:
арыз, Азамат Жаманкулов, көргөзмө, кызмат
Тема боюнча
Кара-Суу: эмгек жамаатты нааразы кылган аткаминер иштен кетти
Милиция кызматкери. Архив

Жол кырсыгын болтурбайлы. Милиция ыктыярчыларга эскертүү берди

16
Кайгуул кызматкерлери оорулууларга жардам берген ыктыярчыларды түшүнүү менен кабыл аларын, бирок автоунаа өткөн жолдун тилкесине чыкпоону суранышты.

БИШКЕК, 15-май — Sputnik. Бишкекте ыктыярчылар менен кайырчылар арасында түшүндүрүү иштери жүргүзүлдү. Буга алардын жол тыгынын жаратып жатканы тууралуу маалыматтар себеп болгонун Милициянын кайгуул кызматы кабарлады.

Ага ылайык, айдоочулар милиционерлерге кайыр сурагандар чоң көчөлөрдө тыгын жаратып, кээде кырсыкка да учуратып жатканын айтып кайрылышкан. Ошондой эле алардан айланып өтөбүз деп "Коопсуз шаардын" камераларына түшүп калып жатканын айтышкан.

Мындан тышкары, милиционерлер ыктыярчылар менен да сүйлөшкөн.

"Кызматкерлер катуу оору менен алышып жаткандарга жардам берген ыктыярчыларды түшүнүү менен кабыл алат. Анткен менен жол кырсыгын, тыгындарды жана ар кандай кырдаалдарды алдын алуу үчүн автоунаа өткөн жолдун тилкесине чыкпоону суранат", — деп айтылат маалыматта.

Кайгуул милиция тараткан сүрөттөн чоң желим бөтөлкөгө каражат чогулткан ыктыярчыларды көрүүгө болот.

16
Белгилер:
түшүндүрүү иштери, тыгын, жол кырсык, кайырчы, ыктыярчылар, милиция, Бишкек
Тема боюнча
Айтикул уулу: жыл башынан бери Бишкекте 841 жол кырсыгы катталды
Кан басымын өлчөө учурунда. Архив

Кан басымды түшүрүүгө кайсы азыктар жардам берет? Адистин кеңеши

76
Алма кан басымды өз калыбында кармап турууга жакшы жардам берет. Себеби бул жемиштин курамында тамак сиңирүү системасына жакшы таасир эткен пектин бар.

БИШКЕК, 15-май — Sputnik. Аз кыймылдоо жана туура эмес тамактануу адамды гипертония, башкача айтканда, кан басымды көтөргөн ооруларга алып келет. Бул тууралуу нутрицолог Александр Мирошников билдиргенин РИА Новости жазды.

Анын айтымында, алма кан басымды өз калыбында кармап турууга жакшы жардам берет. Себеби бул жемиштин курамында тамак сиңирүү системасына жакшы таасир эткен пектин бар. Алма клетчаткага бай жана канда жаман холестеринди азайтып, кан басымды төмөндөтүүгө көмөктөшөт. Гипертонияны алдын алуу үчүн күндүз бир-эки алма жеп коюу жетиштүү.

Мындан сырткары, гипертония оорусу менен күрөшүүгө кызылча да жакшы жардам берет. Анын курамында пектинден сырткары азоттун оксиди бар. Ал кан тамырларды кеңейтүүгө жооп берет. Дарыгер кан басым көтөрүлгөн учурда кызылчанын ширесин ичүүнү сунуштаган.

Ошондой эле кан басымды төмөндөтүүгө кургатылган өрүк да миңдин бири экени кошумчаланды. Анткени ал калийге бай. Бул зат да кан тамырларды кеңейтет.

Жүрөк-кан тамыр системасына майлуу Омега-3 кычкылы да пайдалуу. Адис кан басым өз калыбында болуп турганда аны колдонсо болот, бирок көтөрүлүп кеткен учурда колдонбош керектигин эскертти.

Дарыгер гипертониктерге күнүнө беш граммдан (бир чай кашык) ашык туз колдонбоону да сунуштаган.

76
Белгилер:
гипертония, кан басымы, дарыгер
Тема боюнча
Ичеги-карынга пайдалуу азыктар айтылды
Таң атпай ачкарын жегенге болбой турган азыктар. Адистин кеңеши

Жыгылып баратып тепти. Австралиялык футболчунун гол киргизген видеосу

0
Германия чемпионатынын 32-турунун алкагында "Айнтрахт" өз үйүндө "Майнц" клубун кабыл алган. Беттеш 1:1 тең эсеп менен аяктаган.

Германия чемпионатындагы "Айнтрахт" клубунун оюнчусу Айдин Хрустич жыгылып жаткан жеринен тээп гол киргизди. Кызыктуу учур Бундеслиганын Youtube каналына жарыяланды.

Чемпионаттын 32-турунун алкагында "Айнтрахт" өз үйүндө "Майнц" клубун кабыл алган. Коноктор биринчи бөлүктө эле эсепти ачып, алдыга чыккан. Талаа ээлери беттештин акыркы мүнөттөрүндө эсепти теңеди.

Австралиялык футболчу капталдан чыгарылган топту дарбазаны көздөй тээп, ошол учурда атаандаштын бутуна чалынып жерге кулаган. Топ коргоочуга тийип, кайра өзүнө келген. Жерде кулап жатканына карабай Хрустич топту сол буттап дарбазага багыттаган. Топ асманга көкөлөгөн бойдон голго айланган. Дарбазачы бийик секирип, тосууга аракет кылганына карабай аны тосо алган эмес.

"Майнтс" Бундеслигада калуу аракетинде болсо, "Айнтрахт" Европа кубокторуна ойноо мүмкүнчүлүгүн алууга умтулган.

0
Белгилер:
видео, гол, футбол
Тема боюнча
Футболчу Кайраттын "Каганатка" киргизген голу мыкты деп аныкталды. Видео