Түштүк дарбазадагы Дайыр Асанов атындагы Жеңиш сейил багынын маңдайында жаңы сейил бак курула баштады.

Бишкекте жаңы сейил бак курула баштады. Сүрөттөр

243
(жаңыланган 16:11 02.12.2019)
Паркка 900 бактын көчөтү отургузулуп, гүл бакчалар пайда болот. Курулуш иштерин "Ак Ниет Курулуш" компаниясы аткарып, шаардык бюджеттен 74,7 миллион сом бөлүнөт.

БИШКЕК, 2-дек. — Sputnik. Борбор калаага жаңы сейил бак курула баштады. Бул тууралуу мэриядан билдиришти.

Маалыматка караганда, жаңы парк Түштүк дарбазадагы Дайыр Асанов атындагы "Жеңиш" сейил багынын маңдайында жайгашат.

  • На Южных воротах началось благоустройство еще одного нового парка.
    Борбор калаага жаңы сейил бак курула баштады.
    © пресс-служба мэрии города Бишкек
  • На Южных воротах началось благоустройство еще одного нового парка.
    Жаңы парк Түштүк дарбазадагы Дайыр Асанов атындагы "Жеңиш" сейил багынын маңдайында жайгашат.
    © пресс-служба мэрии города Бишкек
1 / 2
© пресс-служба мэрии города Бишкек
Борбор калаага жаңы сейил бак курула баштады.
"Электр кабелдерин орнотуу үчүн казуу иштери башталды. Кире беришине фундамент куюуга камынып жатабыз. Сейил бактын аянты 10 гектардан ашат. Келечекте ал жакка 1916-жылдагы каргашалуу окуяда каза болгондордун элесине арналган стела орнотуу пландалууда", — деп айтылат маалыматта.

Ошондой эле паркка 900 бактын көчөтү отургузулуп, гүл бакчалар пайда болот. Курулуш иштерин "Ак Ниет Курулуш" компаниясы аткарып, шаардык бюджеттен 74,7 миллион сом бөлүнөт.

Подрядчы компания курулуш жана көрктөндүрүү иштерин келерки жылдын аягына чейин бүткөрүүнү убадалады.

243
Белгилер:
курулуш, сейил бактары, Бишкек мэриясы
Тема боюнча
Мэрия автобустарга дөңгөлөк сатып алууда 5 млн. сом үнөмдөөгө аракет кылган
Анкара шаары. Архив

Түркиядагы кыргызстандыктар пенсия, жөлөк пул ала башташат. Күчүнө кирген документ

3
Эки жыл мурда Социалдык фонд түшүндүрмө берип, КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, Кыргызстан он жыл, Түркия 15 жылдык пенсиясын төлөмөк.

БИШКЕК, 4-июл. — Sputnik. Түркиянын аймагында иштеген кыргызстандыктар эми пенсия жана жөлөк пул ала алышат. Бул тууралуу Кыргызстандын аталган мамлекеттеги элчилигинен билдиришти.

2-июлда Кыргызстан менен Түркия өкмөтүнүн ортосундагы социалдык камсыздандыруу боюнча макулдашуусу күчүнө кирди. Аталган чечимге үстүбүздөгү жылдын апрель айында алгач Режеп Тайип Эрдоган кол койгон. Ал эми КР президенти 2019-жылдын январь айында ратификациялаган.

Италияда киши баккандар келин сыяктуу эле кызмат кылат. Ишкер Автандилова менен маек

Ал демилге Жээнбековдун 2018-жылдын апрель айында Түркияга болгон расмий иш сапарында колдоо тапкан.

Эки жыл мурда Социалдык фонд түшүндүрмө берген. КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, ага 25 жылдык стажы үчүн пенсия чегерилмек. Тагыраагы, Кыргызстан он жылдык, Түркия 15 жылдык пенсиясын төлөмөк.

Ошондой эле ал талаптар Кыргызстанда иштеген түркиялыктарга да тиешелүү болуп, мыйзамдуу жол менен тыйын тапкан эки өлкөнүн жарандарынын укуктары эске алынат.

Мамбеталиев: пенсия 28-майга чейин толук таратып берилет

Андан сырткары, жумуштан алган жаракатына, ооруганына, боюнда бар аялдарга төлөнүүчү акча каражаттарын эки жактын жергиликтүү мыйзамдарынын негизинде чегерүү да каралган.

3
Белгилер:
макулдашуу, пенсия, Түркия, Кыргызстан
Тема боюнча
Кыргызстанда кайсы дарт аялды коляскага отургузат? Майыптык боюнча статистика
Өкмөт айлык, пенсия убагында берилерин айтты
Бишкек шаары. Архив

Жекшембиге карата аба ырайы

15
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

15
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы